استشارة

السلام عليكم

انا عاوزة استشيركم ف موضوع ياريت تقوله لي رايكم فيه

انا اعرف امراة مطلقة

هحكي لكم حكايتها وانته قوله رايكم بكل صراحة

هي كانت مجوزة من شخص وهو كان مش بيعاملها كويس

بيضربها وتصرفاته زباله معاها

واخر حاجة عملها انه قتل ودخل السجن

هي بعد اللي عمله ده اهلها ارغموها تطلق منه

وفعلا اطلقت منه وهو ف السجن

مرت سنين وهو عاوز يردها لعصمته

هو محكوم ب 30 سنة سجن وبيهددها انها لو موفقتش ترجع له هيؤذيها / اهلها مش موافقين انها ترجع له وهو بيقول انه تغير وانه هيعوضها
انته ايه رايكم ف الكلام ده ؟ هل توافق ترجع له ؟ وهل فعلا شخص زي ده ممكن يكون اتغير للاحسن رغم انه قتل نفس بغير حق ؟
فيدوني لو سمحتم

[محمود الصاروخ]

شغل التهديد و الكلام ده مبيأكلش عيش دلوقتى
كل واحد عمله مصيبه خلاص سمى نفسه بلطجى وبتاع ويشتغل ف شغل التهديد
خلاصة الكلام
اللى بيقول مبيعملش .. واللى بيعمل مبيقولش

ولا ترجع ولا حاجه وهو ولا يعرف يعمل حاجه
وبعدين هو محكوم عليه ب 30 سنه هترجع له ع اى ساس ؟؟؟
هتستناه أد ايه ؟؟ وده المفروض انها عندها كام سنه ؟؟؟

ولا ترجع ولا حاجه ده يعتبر حياته منتهيه

[شاعر الحب الحزين]

بسم الله الرحمن الرحيم

انتي مش وضحتي اذا كانت مخلفة منه ولا لأ

بس مش مهم نيجي للمهم

هي كانت متجوزاه وكان بيضربها وتعامله وحش معاها

وبعد كده قتل ودخل السجن

طب اهلها من البداية كانوا فين ووافقوا عليه ازاي مش مشكلتنا دي

نيجي للمهم هي دلوقتي لو رجعتله هترجعله ليه هو محكوم 30 سنة

هتعيش معاه فين في السجن هتخلف عيال شكلهم هيبقوا ايه

هتعيش مع واحد قاتل حياته على كف عفريت

اهل المقتول هيسيبوه ف حاله يعني

مش عايزين نصعبها برده الرحمة حلوة بس الظروف ما تسمحش خالص

انها ترجعله لو تاب وربنا هداه وهيخرج من السجن ترجعله وربنا يعينها بقى

احنا مش احنا اللي بنحاسب ربنا هو اللي بيحاسب

هي لو عايزة ترجعله ترجع لو شايفاه اتعدل وتاب لربنا من ذنبه ولو ان القتل

حاجة صعبة جدا بس ربنا كبير غفور رحيم

انتي قلتي الأهل رافضين طب هي موافقة ؟؟

بصي جوازة زي دي كانت غصب عنها مش بكيفها

هي غلبانة ملهاش حد وهو مجرم إيه اللي لمهم على بعض بس

منقدرش نحكم على حد من غير ما نشوف بعنينا

انا بس برد على كلامك

تسلمي على نقل المشكلة هنا

واتمنى تلاقي حلول للمشكلة دي

[دمعه حائره]

قاتل و30سنه سجن
هاتستناه ليه وعشان ايه ويعوضها امته وفين
ده مفروض مجرم
طبعا ماترجعش ليه

[اذار .]

هو الطلاق المفروض يصير قبل يدخل هذا الشخص السجن ،
كيف ترضى انه هو يضربها و تسكت له ،
ممكن لو ما جاته المصيبه إلي هو فيها كان للحين يضربها !
ب أعتذر لكلامي هذا لكن الشخص إلي بيضربها عديم الرجوله ،
و هي ما تستاهل ترجع له و لا حتى تفكر ترجع له ،
ولو فكرت يبقى هي إلي خسرانـه .
و بالنسبة للشخص إلي بيضربها ممكن يكون تغير ، هذا علمه عند الله
لكن برأيي شخص مثل هذا ما راح يتغير أبدا ، ولو تغير ، ممكن يرجع
يضربها تاني .
ربنا يلطف بحالها و يبعد عنها كل شر ، و يكتب لها كل خير .

[ايمان طلعت]

الطلاق تم متأخر اساسا
كان المفروض تطلق منه بسبب المعامله بتاعته
طبعا لا مترجعش
مفيش اى سبب منطقى تخليها ترجع
حتى لو معاها عشر عيال

[Safira]

طيب فـ ايه بيهددها وفـ ايه بيقول اتغير
لا طبعا مترجعلوش وهو مش هيقدر يعملها حاجه لانه باختصار في السجن هيأذيها ازاي
ولو نفترض ان له حد بره وممكن يخليه يأذيها .. اهلها قالوا انهم رافضين
ومعنى كدا هم متكفلين بيها ومفروض يحموها من اي حد
وفوق كللللل ده
ليه ترجعله اذا كان هو هيعيش 30 سنه في السجن يبقى ايه لزمه الرجوع اصلا
وبعدين واضح ان مفيش اطفال
يعني مفيش اي حااااااجه تربطهم ببعض
بيبقى ملوش لزمه التفكير
ترفض ع طووول

[phalsteen]

انا متفقه مع كلام اللي سبقوني
ترجعله ازاي دا
دا قاتل ومجرم

[ارهابية وامى عرفة]

بصى ياقمر انتى بتقولى انو اتغير ازاى اتغير وازاى بيهددها

لا طبعا مترجعلوش وبدام هو لسى فى السجن وبعدين اهلها

مش خولها تطلق خلاص يبقى بقى لزم يحموها

ولا هما لقينها فى الشارع

دة رئى وردى

تقبلو مرورى

كيفوك

[العاشق الذى لم يتب]

لاتخاف منه
ولاتهديده ينفع ببصلة
ولايمكن توافق عليه
وبعدين هو لسة فى السجن
ازاى يعنى تستناه 30سنة يضيعو من عمرها