( morshooo ) و ( صفحات الاعضاء 27) ^_^

[morshooo]

بسم الله الرحمن الرحيم

مزاج الخير

اهلا بيكم جميعا

وحلقه جديدة من

( ) و ( صفحات الاعضاء )




تعالو نشوف جبتلكم ايه النهاردة

مش عيب ان الواحد ياجماعه

يتأثر بالشخصيات المهمه فى حياتنا

بس تفتكرو مع مرور الوقت والسنين

التأثير بيفضل هو هو .

سيدي الرئيس

إن كُنا قَدَرُكَ أعانكَ الله علينا

وإن كُنتَ قَدَرُنا أعاننا الله عليك


أدعو الله أن نَكونَ قَدَرُكَ وألا تكونَ قَدَرُنا


طبعا دا مش الشيخ ( الشعراوى )


بس على فكرة انا قدرت اصورلكم العضو


وهو بيقول الكلام دا

احم احم

العضو لبس الشورت المشجر

وضرب الشبشب ابو صباع بتاع المصايف

وجاب الكرسى الخشب بتاع الشاطىء

وقعد على البلاج وسمع نتيجه الانتخابات

وبعد اعلان النتيجه الى مكنش متوقعها

بفوز ( المشير )

قال الكلمتين دول
^_^

انه

( أبو عصام )




فى ناس من الفرحه بتعمل المعجزات

بس مفيش مشكله لو المعجزات دى

قلبت بصوت وحش عادى يعنى

ايييييييييييييه انتو ماصدقتو تمسكولنا حاجا

( عجبى )

اخويا ادهم خلص جيش النهارده

الحمد الله يارب

البيت كله فرحان و بيزغرط ^_^

هههههههههههههههههه

حتى انا زغرط بس كانت وحشه

فرحان دلوقتى و مزقطط

يارب دومها عليا

محدش يعكر مزاجى دلوقتى هههههههههههههههه

وسع كدا يابنى

ليه بتعمل فى نفسك كدا

نفسى ادخل عندك واخرج

واقول انا انهزمت وملقتلكش حاجا

عموما مش غريب عليك الى يخلى

واحده تتحرش بيه مش بعيد ( يزغرط )

لا وزعلان انها طلعت وحشه

big bốss

فى اماكن يا جماعه الواحد

بياخدها عبره زى مثلا لما تروح

زيارة لـ ( المدافن ) الواحد بيكون رايح

وهو زعلان خاصه ان الفراق صعب

مش بحب المستشفيات

خالص وفيها ريحه كده بتحسسنى انى قلبى مقبوض

معرفش دى المطهر ولاباخين حاجه فى الجو يخرب بيت كده

لا هى المشكله حضرتك فى العطار الى بيجيبو منه المطهر

اصلهم بيسترخسو للاسف بيجيبو ابو ( 1.25 ج )

طيب كملى كدا

والناس اللى شغالين هناك بيفكرونى بمواقف قديمه حصلتلى

زى اللى هاينفذوا فيك حكم

ال ملايكه الرحمه ال

دى ملايكه قبض الارواح

ده غير لما بشوف دم بحس انى هايغمى عليا

انا بس عايز اعرف حاجا

هو انتى رايحه مستشفى زيارة

والا رايحه النادى حضرتك

انتى رايحه قرفانه من نفسك ليه كدا

كملى كملى

الغريب انى لما بزور حد عيان بضغط على نفسي واتماسك

ومش ابينلهم حاجه

لكن بيأثر عليا بعد كده واتعب وده اللى حصلى امبارح

بس حتى لو فضلت تعبانه مستحيل اروح حتى لدكتور

الا بالعافيه عقدة دى شكلها

يعنى كل دا عشان تعرفينا انك تعبانه

والنعمه لو اختصرتى كل دا فى كلمتين زى كدا

( انا تعبانه يا جماعه عشان كنت فى زيارة مريض فى مستشفى )

كانت الاعضاء عرفت بدال ماتغلطى فى

المستشفيات والممرضات والعطار الى بيشترو منه ^_^

( دمعه حائره )



الواحد دائما بيحب يشوف اشخاص معينين

فى حياته بصورة معينه لان خلاص مع العشره والوقت

بيكون الشخص دا شايفينه كدا

لكن لو فكر يغير حاجا كدا والا كدا والا كدا

والله ماهسيبك تغيرها حتى لو هطلع اجرى منك ^_^

انا مش بحب عاده الشنب يعنى مش بحب الراجل اللى مربى شنبه

رغم ان بابا عنده شنب يعنى المفروض طول عمرى متعوده عليه

المهم النهارده ولاول مره بابا يفكر يحلق شنبه وبيسئلنى ايه رائيك يامارى

لقتنى بصوووت وبقوله لا اوعى يابابا

وهو مصمم يابابا يارب يخليك لا مينفعش تحلقه

مش هتبقى بابا من غيره يابابا وهو بردو مصمم

اخدت منه الماكينه اللى بيحلق بيها وطلعت اجرى وخبيتها

اى نعم مش بحب الشنبه الا شنب بابا بحبه جدا بيديله هيبه كده جميله ^_^

طيب هنا فى سؤال مهم

ياترى بابا مثلا عامل شنبه بطريقه معينه

فهو الشنب الوحيد الى بتحبيه

يعنى مثلا مثلا

بيحطله ( جيل ) معين

او مثلا مثلا

بيعمله سابايكى



كوين ميرو




اخيرا :

ياريت ندعى لوالد العضوة /

همسات فوق القمر

بالشفاء العاجل

عندما نمر بظروف صعبه

حينها لا نريد سوى الدعاء لله أن يفرج الكرب

ودعوات بظهر الغيب لعلها تستجاب

والدى هيعمل عمليه يوم الثلاثاء

دعواتكم له بالشفاء

والى اللقاء

همسات



ماتنسوش تسمعو الاغنيه دى

[Eng Esraa]

ههههههههه حلقة جميلة مورشو
تسلم ايدك بقي

[morshooo]

اقتباس المشاركة الأصلية كتبت بواسطة essoo ههههههههه حلقة جميلة مورشو تسلم ايدك بقي

منورة والله
بس قوليلى ايه اخبار النظارات
واخده بالك انتى ^_^
هجيبك انتى والى جاتلك زيارة ما تقلقيش

[أسلوب حياة]

احم احم............ الحتة دي نقطتني :

يعنى كل دا عشان تعرفينا انك تعبانه

والنعمه لو اختصرتى كل دا فى كلمتين زى كدا

( انا تعبانه يا جماعه عشان كنت فى زيارة مريض فى مستشفى )

كانت الاعضاء عرفت بدال ماتغلطى فى

المستشفيات والممرضات والعطار الى بيشترو منه ^_^


يا اخ مش دي البلوج بتاعتها يا اخي سيبها تعبر على مزاجها احج اعمو

[واد حبيب]

كم انت كبير يا ابن الصحراء

[big bốss]

انتى كل مره تشرشحنى كدا يا مورشو

و ماله انى زغرط يا أخى -_-

ههههههههههههههه

ضربه فى عكصتك يا مورشو ^_^

[الأميرة رودي]

ربنا يشفي والدك همسات ويقوم بالسلامه ان شاء الله
باقي المشاركات طبعا اصحابها دمااغ كالعاده ههههه
فيه مشاركات بتقابلني ف المدونات دي بتخليني اضحك مع نفسي كده لواحدي
ومشاركات تانيه تخليني احط ايدي على خدي وابقى عاوزه اعيط
ربنا يفرحكم دايما ومايشمت فيكو هذا المورشو الوحش

[M@HMOUD]

هههههههههههه
حلوهـ الفرحه طبعا بتخلى الانسان بيعمل حاجات مش متوقعه
وحلوهـ المقاله دى علشان فى الاخر التعب
وربنا يشفى والدة العضوه ويقومها بالسلامه

[ana aboodya]

حلقه حلوووووووووووووووووه اوي

[Eng Esraa]

اقتباس المشاركة الأصلية كتبت بواسطة morshooo منورة والله بس قوليلى ايه اخبار النظارات واخده بالك انتى ^_^ هجيبك انتى والى جاتلك زيارة ما تقلقيش

هههههههه واخده بالي يا عمو
ههههههه والله كانت لذيذة
كنا هنكسر المحل لعمو و نجري بقي
ههههههههه مستنياك ماشي
هههههههه