عشان انت مصرى (ربنا يجعل كلامنا خفيف على !!!)

marwoo · منذ /05-30-2009, 05:53 PM

:vb29:

بسم الله الرحمن الرحيم

اخدت حباية شجاعه وقولت ابعتلكم قصيده ياااااااارب تعجبكم :shiny01:

هذه قصيدة للشاعر الكبير أحمد فؤاد نجم

والقصيدة بعنوان عشان انت مصري

عشان انت مصرى عشان انت مصرى

لازم تعانى وتفقد كرامتك بكل المعانى

وتحرق فى دمك سنين مش ثوانى

واوعى تصدق كلام الاغانى

بتاع الحضاره وكانى ومانى

ده كله هجايص مايدخل ودانى

عشان انت مصرى العذاب بيناديك

بتبدا فى يومك حاجات بترازيك

فى نومك فى قومك تعكنن عليك

تضايقك ولسه العماص فى عينيك

مافيش ميه تشطف صابونه فى ايديك

وجسمك ملزق وريحتك عاديك

فتلبس وتنزل وفيك اللى فيك

ورايح لشغلك حتحتاج مواصله

ادى المترو واقف وكهربته فاصله

وفى الميكروباص خناقه وحاصله

اوتوبيس فرامله عايزالها وصله

وتوك توك ده تايه ومحتاج لبوصله

بتوصل لشغلك بدم اتحرق

فى زحمه وكتمه وحر وعرق

رئيسك سيبلك كومة ورق

ده غير دمغه ضايعه وملف اتسرق

وفى كام مواطن عامللك قلق

بيشكى تقول له روح اندعك

وعركه وهوجه وشاى اندلق

ومخك خلاص من الصداع اتفلق

هترجع لبيتك ده لو كان فى بيت

هتوصل هتندم ياريتك ماجيت

مراتك بتصرخ خلاص استويت

عيالك بتطلب وهات كيت وكيت

تزعق تهاتى يا ناس اتهريت

ولاحد سامعك مهما هاتيت

عشان انت مصرى وده للاسف

فلازم تاسى تعيش تتقرف

وكل الاساسى فى حياتك ترف

فتنسى الكرامه وتنسى الشرف

وتسرق وتنصب او تنحرف

ودمعك بيجرى وجرحك نزف

مش انت اللى مصرى؟؟؟ جتك ..........

ومتنسونيش بالعيش والحلاوه بقى هاااااا ميسدات يا شباب:752::vb29:

سمامصر · منذ /05-30-2009, 06:02 PM

حلوه جدا جدا
وبتوصف الحاله بالظبط

marwoo · منذ /05-30-2009, 06:07 PM

مرسى يا سمااااااااا وشكرا التعقيب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
إيه هو الشىء اللى تخليت عنه عشان ربنا ؟	єLмσsħαx	منتدى الاسلاميات والقرأن الكريم	5	11-07-2012 04:43 PM
برنامج خفيف ورآئع يجعل ملفاتك غير قابله للنسخ حتى لا يلعب بها أي شخص	دلال مغربي	برامج كمبيوتر - برامج نت - تحميل برامج 2022	2	11-06-2011 06:55 PM
`:•. ][ تستاهلوا ياستات عشان مبتحمدوش ربنا .. ][.•:¨`	DID MAN	نكت - طرائف - وناسة - فرفشة	10	05-16-2010 05:35 AM
شروط لازم تكون فيك عشان تعصى ربنا.....	سابينا	منتدى الاسلاميات والقرأن الكريم	1	01-23-2010 11:36 AM
ربنا يجعل كلامنا خفيف عليهم	ميمووو999	قسم مناقشة المواضيع المتداوله والمنقوله	18	06-02-2009 03:15 AM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

عشان انت مصرى (ربنا يجعل كلامنا خفيف على !!!)

نكت - طرائف - وناسة - فرفشة