اللقاء المنتظر اركو وبراءة

[براءة طفلة]

طبعا الحشود مجتمعه بانتظار اللقاء التاريخي اللي حصل طبعا حوراء مرضتش تكملكم اللقاء دي نزلت الموضوع اصلا بالعافيه اللي حصل يا ساده بالتفصيل ان احنا اتفقنا نتقابل وكنا فرحانين جدا مع ان اهلي كانوا زارعين فيا اليأس لان كل كلامنا من عالنت وكفان فرق السن الكبير وقدت اتصل بيها وهي مش بترد بعد اخر اتصال اللي بعده يأست لقيتها بتتصل بيا ايه ده هكلم اركو بالينو شخصيا يا جدعان مش مصدقه نفسياتي ارد والا مردش ولو رديت اقلها ايه طب هتفهم لهجتي والا لا المهم انا رديت عليها وقلت اسيب كل حاجه تمشي طبيعي فوجئت بواحده صوتها كتير رقيق بتقولي لسلامعليكووووووم كيفك وش اخبارك عساك بخير بسرعه ورا بعض المهم الحمدلله قدرت افهم نص الكلام والنص التاني اللي مفهموش اقول اه ولو لقيتها بتضحك اقوم ضاحكه انا كمان هعمل ايه بقي اتفقنا نتقابل لا ومن ذكائي بقلها هتلبسي ايه نروح بقي لليوم اللي قبل يوم اللقاء كنا متفقين نتقابل قعدت استناها كتيييييير وارن ارن وابعت رسايل وهي والا هنا اتاريها نايمه اليوم التاني قالتلي لما البس هتصل بيكي قعدت استني ان هي تتصل مفييش قعدت اتصل عليها ييجي 25 مره طلعت بتلفلي علي هديه ومدوخه اختها معاها وعامله الموبايل صامت وجائت لحظة اللقاء لقيتها بتتصل بتقولي انتي فين قلتلها انا عندي باب 13 تقولي باب 15 طيب اقلها 13 تقولي فهمت 15 وفضلنا عالوضع ده ييجي 10 دقايق اتفقننا نتقابل عند دورة مياه 7 في الاخر اتصلت تاني قالتلي انا لابسه شنطه حمرا وقدام باب مقفول قلتلها انا عند باب مفتوح دوري علي قالتلي ماشي وفضلت اي واحده اشوفها لابسه شنطه حمرا اقلها نوال؟ لحد مجيبتها الحمدلله وجايبالي هديه شكلها انيق جدا قعدنا نتكلم 5 دقايق ونسكت ربع ساعه واتكلمنا عن السيسي شويه وطلعت اختها سياسيه كبري واذ فجأة اللي بتخبط علي في ضهري وبتقولي السيسي كسب يا حجه (يا شيخه تصدقي اضفتي معلومه مهمه مش عارفه من غيرك ازاي كنت هعرف ان السيسي كسب ) قعدت تقولي السيسي كسسب انتي مزغرطيش اول معرفتي وانا مكسوفه مش عارفه ارد وجايه ابص علي حوراء لقيتها ميته علي نفسها من الضحك كانت شويه وتقع عالارض في الاخر طلعت الست دي مش مصريه وعاوزه توصلنا ان هي مراقبه مصر وكلهم مراقبين مصر نروح بقي لموضوع البوري ده يا جماعه الكلاكس لان حوراء بتقولي كان الطريق مليان زحمه وبوري تعرفي يعني ايه بييييييب بيييييييب سيارت بوري بوري ضحكت ضحك كان يوم عسل والله ومليان ضحك وحوراء دي انسانه عسوله جدا ودمها خفيف وخجوله وهاديه الي ابعد الحدود وجميله واختها مثقفه جدا وسياسيه درجه اولي بس كده كفايه عليكم

[ساحر الأحزان]

لقاء جميل وظريف

براءة مع اركو

بيومية ظريفة وجميلة

جمعتكم فى الواقع

[♥SaRa]

هههههههههههههه
يعني بوري = كلاكس
طووويب حلوة لغتهم دهون =))
لا بجد لقاء جميل ربنا يسعدكم دائما
بس مش قولتي صح اية هي الهدية
عايزة اعرف رخمة انا :-))

[براءة طفلة]

اقتباس المشاركة الأصلية كتبت بواسطة ♥sara هههههههههههههه يعني بوري = كلاكس طووويب حلوة لغتهم دهون =)) لا بجد لقاء جميل ربنا يسعدكم دائما بس مش قولتي صح اية هي الهدية عايزة اعرف رخمة انا :-))

اه نسيت الهديه كانت برفيوم بس ريحته حلوه اوي

[♥SaRa]

اقتباس المشاركة الأصلية كتبت بواسطة براءة طفلة اه نسيت الهديه كانت برفيوم بس ريحته حلوه اوي

طوويب حليوهـ
بس هاتي كدهون اشم
ربنا يخليكوا لبعض يا قلبي

[براءة طفلة]

اقتباس المشاركة الأصلية كتبت بواسطة ♥sara طوويب حليوهـ بس هاتي كدهون اشم ربنا يخليكوا لبعض يا قلبي

هههههههههههههههههههههه طيب خدي اهو
يارب يا قمر

[♥SaRa]

اقتباس المشاركة الأصلية كتبت بواسطة براءة طفلة هههههههههههههههههههههه طيب خدي اهو يارب يا قمر

جميل طوبـعاً يا قمر
حوري دائماَ ذوقها رائع
مبروك عليكي بقي ^^

[حـيـــــآة ❤]

لقآء لطيف جدآ
وربنآ يديم الصدآقه أقمر ويخليكوآ لبعض
hajo0ra

[Ŗăήćy]

احلى حاجة انكم كسرتم كل القيود
واتحديتوا كل الصعاب عشان تتقابلوا

اكيد كان لقاء جميل ومهما وصفتيه بالكلمات مش هتقدرى
تسلم ايدك بقى وعقبال لما نتجمع مع بعض فى الجنة بإذن الله

[حلم عمري]

اخييرا عرفت بوري يعني ايه ههههههههه
لا بجد اللقاء جميل واكيد كنتم فرحانين جداا
ربنا يخليكم لبعض دايما ياااارب
وحمدا لله علي السلامة حبيبتي