مسابقه رمضانيه

[Safira]

بسم الله الرحمن الرحيم
السلام عليكم ورحمة الله وبركاته
اول حاجه كل سنه وانتم طيبين
ثانيا ممكن تكون المسابقه اتعملت قبل كدا بس رمضان بيحب الزياده
فكرة المسابقه هي اننا نشغل اكبر عدد من اقسام المنتدى
اول قسم
بقلم أعضاء بنات مصر
المطلوب هيكون كتابه مقال عن رمضان واجوائه وكدا

القسم التاني
خزعبلات الأعضاء
المطلوب كتابه خزعبلايه رمضانيه عن مثلا
موقف حصل للعضو في رمضان او عادات للناس في رمضان .. تبع ماانت عايز بقى

القسم التالت
منتدى يوميات الاعضاء
مطلوب من المشترك انه يعمل تقرير عن عضو زي مسابقه مورشو
بس تكون عن يوميات العضو ده في رمضان

القسم الرابع
منتدى هوايات الاعضاء
ده هيكون فيه طلبات كتير وكل عضو يشترك حسب هوايته
( حد اقصى هوايتين بس لكل عضو اذا حب الاشتراك في اكتر من هوايه .. اذا حب بس لكن مش اجباري الاشتراك في هوايتين )

اول هوايه :
هي الرسم .. المطلوب رسمه معبره عن اجواء رمضان او رسم فانوس او حي مزين بالاضاءات ..
يعني لك حريه الاختيار وممكن مش ترسم اي حاجه انا ذكرتها
وترسم الـ انت عايزه والـ بتظهر موهبتك فيه
بس ميخرجش عن المضمون الاساسي وهو شهر رمضان

تاني هوايه :
الغناء
مطلوب من مطربينا الحلوين انهم يغنوا اغنيه لرمضان ويظهروا موهبتهم بقى

ثالت هوايه :
هي الرسم بالفوتوشوب .. المطلوب نفس المطلوب من هوايه الرسم العادي

رابع هوايه :
تصميم الازياء .. مطلوب من المشترك انه يصمم لبس محجبات من اسكارفات وعبايات واسدال كدا يعني

خامس هوايه :
الطبخ .. مطلوب من المشترك انه يعمل اي اكله او حلويات بنفسه .. مثلا لو كيكه في تزيينا نكتب عبارة رمضانيه .. لو اكله مثلا الصوص او السلطه نكتب بردو عبارة رمضانيه كدا بقى

سادس هوايه :
التصوير .. وهي تصوير الاجواء الرمضانيه من شوارع وزينه واكلات رمضانيه .. الخ

سابع هوايه :
هي العزف .. المطلوب عزف مقطوعه عن اي اغنيه رمضانيه تحبها

نرجع للاقسام
القسم الخامس
منتدي ابداعات الاعضاء الادبية
ابداعات الاعضاء العامية
ابدعوا في كتابتكم وتأليفكم عن رمضان

القسم السادس
قصص - روايات - بقلم الاعضاء
مطلوب كتابه قصه بحبكه رمضانيه واجواء جميله

القسم السابع
فوتوشوب - تصميم - جرافيكس
المطلوب تصميم بطاقه او كارت او توقيع ورمزيه رمضانيه او فواصل والقاب .. الخ

القسم التامن
السويتش ماكس
مطلوب بردو تصميم بطاقه او كارت او توقيع + اغنيه رمضانيه

بالنسبه لقسم الفضفضه ( القسم التاسع )
فاانا بطلب من سما انها هي الـ تحدد المطلوب لاني معرفتش احدده

تم اضافه قسم النقاش ( القسم العاشر )
.. وهيكون المطلوب هو طرح موضوع للنقاش
في عدم التزام الناس بقواعد معينه مفروض تتبع في رمضان
او مواقف بتحصل بعيد عن احترامنا لشهر رمضان وعادات سيئه من مسلسلات او اغاني .. الخ

مطلوب بقى من مشرفي الاقسام الـ انا ذكرتها
ان لو اي قسم هينسحب من المسابقه او في طلبات انا نسيتها
او في طلبات مش راضين عنها فاتقدروا تحددوا من تاني الطلبات الـ انتوا عايزينها هنا
ولو الطلبات مظبوطه فاقولوا بردو انا بس كنت بدي مثال اصلا

انا عارفه ان انا كتبت اقسام كتير بس المطلوب هنا اننا نشغل معظم الاقسام
عشان محدش يزعل والكل يتحرك وينشط ورمضان كريم بقى


بالنسبه للجوائز :
فاكله هيبقى كساب
هيكون في مجموعات
بمعني : الاقسام التسعه الـ انا ذكرتها هيكونوا مجموعه بالفائزين مركز اول ومجموعه مركز تاني ومجموعه مركز تالت
يعني كل قسم هيطلع الاجدر عنده بالمركز الاول وهنجمعهم مع بعض ويبقوا مجموعه المركز الاول
وهكذا
ومش لازم كل قسم ممكن مشترك في قسم كذا ميكنش جدير بالمركز الاول
فامش هيتحط اسمه ضمن مجموعه المركز الاول فخمتوا
الجوائز
المجموعه صاحبه المركز الاول : وسام + 5 نجوم لكل عضو في المجموعه
المجموعه صاحبه المركز التاني : وسام + 3 نجوم لكل عضو في المجموعه
المجموعه صاحبه المركز التالت : وسام + نجمتين لكل عضو في المجموعه

عالله الادارة توافق مع ان شكلي هبقى رمادي
لان اكيد في مشتركين كتير هيفوزوا وهتيجي ع الادارة بخساره
في انتظار أرائكم
وكل سنه وانت طيبين

كلمه اخيرة .. مش انا الـ هنظم المسابقه بمعنى
دي فكرة واي اداري او مراقب او مشرف حابب يتطوع وياخد الفكرة وينفذها فايتفضل
بس ده هيمنعه من الاشتراك في المسابقه

[دمعه حائره]

وعليكم السلام
وكل سنه وانتى طيبه
فعلا انا عملت مسابقه كده السنه اللى فاتت
نفذيها بس بلاش حاجه تكون من جوجل او منقول
يعنى زى تلبيس العرايس مثلا او غيره
بالتوفيق للجميع

[سنابل مجروحة]

فكرة المسابقة كتير نايس

و انا مشتركة معاكم ان شاء الله

ربنا يوفقك

[Safira]

تمام بس مش انا الـ هنفذها مش عايزه انا الـ اديرها لاني حابه اشترك فيها في هوايه الرسم
فاياريت يتم تنظيم ده عن طريق ان كل مشرف للاقسام الـ ذكرتها ينظم مع الاعضاء الـ هتشترك في قسمه
صراحه مش عارفه تتنظم ازاي

[سنابل مجروحة]

القسم التامن
السويتش ماكس

[M.B]

معاكي الغنا ^_^

[العاشق الذى لم يتب]

كل سنة وانت وانا والمنتدى والمسلمين جميعا بخير
ربنايبارك لنافى شعبان ويبلغنا رمضان
مسابقة جميلة
وسؤال ينفع العضو يشترك فى اكترمن قسم
لوينفع يبقى انامشترك
فى قلم الاعضاء
والادبى
والخزعبلات
يعنى عاوز تلات جوايز
ومعاك ان شاءالله مشترك
تحياتى

[براءة طفلة]

تمام فكره حلوه جدا بس بدلي التلبيس بالتصوير مثلا تصوير فطار او سحور او اكلات رمضانيه او يصور الشوارع والزينه اللي فيها كده يعني كمان ضيفي الرسم بالفوتو وقسمنا برواده مستعدين ^_^

[ساحر الأحزان]

لو مش حابة تنظميها

يبقى خلى حد ينظمها

وراسلى مشرفى الاقسام

بسى لو نظمتيها مش حيكون ليكى حق الاشتراك

لانة ممنوع ان المنظم يشترك فى مسابقة منظمها

بالتوفيق

[Safira]

سنابل مجروحة
m.b
شكرا لتفاعلكم بالتوفيق في المسابقه

العاشق الذى لم يتب
صراحه مش عارفه اذا كان ينفع الاشتراك في اكتر من قسم
بس انا بقترح يكون في اشتراك في قسمين بس كفاية عشان نسيب فرصه لباقي الاعضاء
هبلغ الادارة واقلك ع الرد

براءة طفلة
تم التعديل .. تسلمي لمشاركتك ياقمر

ساحر الأحزان
في مشرفين حابين يشتركوا فا لو ينفع الادارة هي الـ تمسكها لو ينفع انت او منة
بس كدا كدا انا حطيت في اخر التوبيك ان اي اداري او مشرف او مراقب حابب يتولى المسابقه يتطوع
لان انا عايزه اشترك ومش هينفع انظمها انا