الاكتئاب يعمل اكتر من كده

[حَرفُُ هجآءّ]

السلام عليكم

نسمى بسم الله ونرقى التوبيك كده
عشان ربنا يسترها والمنتدى مش يوقع ويطير التوبيك

اليومين دول ربنا يعديهم على خير
ومن حالتى بئا قولت بس مفيش غير المطبخ اهو اطلع الكبت والاكتئاب فيه

وصاحية طول الليل للصبح وقعدت اعك بئا
بس والله العك طلع طعمه حلو يمكن الشكل مش اد كده بس الطعم حلو
المره الجاية اظبطها اكتر

شوفوا انا عملت فطار لماما

يارب يعجبكم

المكونات




كوب دقيق
معلقة صغيرة لبن بودرة
معلقة صغيرة ملح
معلقة صغيرة سكر
معلقة صغيرة خميرة
2 معلقة صغيرين زيت
ماء دافى للعجن

واى انواع جبن ولنشون وبسطرمة ومربى وممكن كمان بيض
على راحتك بئا



هنخلط كل المكونات دى ونسيب العجينه ترتاح شويه
وبعد كده قطعيها وشكليها زى مانتى عايزة

انا عملت منها معالق بس كانت محتاجه تتظبط اكتر من كده بس بقولكم والله طعمها مقرمش وتحفة
وده الشكل النهائى




المهم بئا الكلام ده خلص الساعة 6 ونص الصبح
دخلت على ماما بالصينية قولتها ماما يلا حضرتلك الفطار الساعة 10 ياهانم
استغربت بئا المهم قامت وكلت
وعجبتها اووى
وبعدها قولتلها نامى بئا عشان لسه الساعة 7


وبس كده
يلا باااى بئا

[توحد ارواح]

شكلها جميل
وممكن تتشكل اشكال تانيه كمان
واكيد طالما عجبت ماما تبقى تحفه فعلا
تسلم ايدك يا قمر

[♥○ moOoOoOna ♥○]

ههههههههههه يابختها بيكي

انا بعرف اعمل شاي و اندومي و بيض مطقوش وقهوة بسسسسسسسس هههههههههههههههههههه

[جبل عالي]

يابخت ماما بيكي بقاااا

ههههههههههههههههههه

ربنا يكرمك ويبارك لك في صحتها وعمرها ياقلبي

وبرافو عليكي تسلم ايدك ياجميل

[bobaOo]

تسلم تيدك ياقمر

حلوة اهي

هاتي أدوق بقا

[DESERT]

بصراحة شكلها يفتح النفس تسلم ايدك
وطريقة التقديم حلوة

[حَرفُُ هجآءّ]

اقتباس المشاركة الأصلية كتبت بواسطة توحد ارواح شكلها جميل وممكن تتشكل اشكال تانيه كمان واكيد طالما عجبت ماما تبقى تحفه فعلا تسلم ايدك يا قمر

ايوه ممكن تتشكل باشكال كتير كل واحده وحسب ذوقها
ميرسى توحد لمرورك الجميل
تسلمى يارب

[حَرفُُ هجآءّ]

اقتباس المشاركة الأصلية كتبت بواسطة منمونة عسوولة ههههههههههه يابختها بيكي انا بعرف اعمل شاي و اندومي و بيض مطقوش وقهوة بسسسسسسسس هههههههههههههههههههه

هههههههههههههه بكره تتعلمى كل حاجه
بس كده تتجوزى هتتعلمى غصب عنك

منوره يابنوته
تسلمى لمرورك

[حَرفُُ هجآءّ]

اقتباس المشاركة الأصلية كتبت بواسطة جبل عالي يابخت ماما بيكي بقاااا ههههههههههههههههههه ربنا يكرمك ويبارك لك في صحتها وعمرها ياقلبي وبرافو عليكي تسلم ايدك ياجميل

تسلمى يارب
اللهم امين
بجد عجبتك يعنى ؟
اصل حاسه شكلها ملخبط

[حَرفُُ هجآءّ]

اقتباس المشاركة الأصلية كتبت بواسطة boba0o تسلم تيدك ياقمر حلوة اهي هاتي أدوق بقا

تعالى بجد وخدى اللى انتى عايزاه

تسلميلى يارب لمرورك الجميل