الحلقه التالته من اذاعه حب مع || كوين ميرو ||

[phalsteen]

مساء الخير اهلا بالجميع في الحلقه التالته من اذاعتنـــــــــــــا والنهاردة مع العضوة المميزة والرقيقه معشوقه الجماهير اللي وجودها كان مطلب اساسي للحلقتين اللي فاتوا كوين ميرو من مبدعى المنتدى مساء الخير ميرو اهلا حببتي في اذاعه حب اهلا بيكى حبيبتى وميرسى على الاستضافه البرنامج 3 فقرات اول فقرة وهي اسئله وحوار والفقرة التانية وهي اسئله جايه ع البري من الاعضاء ليكي والفقرة التالته ودي الاهداءات وهنشوفها سوا بئه اوكى حبيبتى ويارب اكون ضيقه خفيفه عليكم ياتري تابعتي البراجرم قبل كدة وايه رأيك في التغيير اللي عملته عن الموسم الاول ؟ بصراحه مش شوفت الموسم الاول بس شوفت حلقه منه وحلقه اسيل وعجبتنى جدا فكره البرنامج الحب داء ولا دواء يا ميرو ؟ اممممممممم الحب هو الداء والدواء ياقلبتى ليه الاهل غالبا ما بيعارضوا الزواج عن حب ؟ الاهل ليهم حسابات مختلفه دايما وبنسبه ليهم الحب رفاهيه يعنى مش ضرورى وجوده فى الجواز للاسف وده تفكير غلط جدا شايفين الجواز انه يكون عريس جاهز او على الاقل شخصيته زى ماهما عايزينها بموصفاتهم الخاصه وده بردو منتهى الغلط لان الجواز من غير حب مجرد مشروع ممكن يفشل او ينجح ونسب الفشل بتكون اكبر لكن الحب بيزود فرص النجاح بين الزوجين لان عندهم سبب قوى بيخليهم يستحلمو بعض ويساعدو بعض انهم يعدو اى خلافات لو الحب فعلا ميعرفش قوانين ولا مسافات ليه اغلب علاقات الحب اللي بتجمع بين جنسيتين مختلفتين بتنتهي بالفشل ؟ انا مشوفتش بصراحه حكايه حب فشلت بسبب اختلاف الجنسيه وانا من وجهه نظرى الحب اللى ميقدرش يتخطى خلاف زى ده ميبقاش حب بجد لان من اهم صفات الحب الاستيعاب والاهتمام ومتهايئلى دول عاملين يقدرو ينهو تماما خلاف زى اختلاف الجنسيه ليه دايما رؤيه المجتمع للحب بتاخد النظرة السلبيه ؟ لان المجتمع بيحكم ان الحب اخره جواز لكن الظروف الاجتماعيه دلوقتى بتخلى ناس كتير عاجزه انها تحول حبها ده لارتباط او جواز ناجح الظروف الاجتماعيه دلوقتى بتخلى الشاب ميفكرش فى الارتباط قبل سن 30 والمطلوب بقى انه ميحبش ويقفل قلبه وميفكرش فى الارتباط غير لما يكون جاهز لانه لو عمل غير كده يبقى بيتسلى ببنات الناس امته يفشل الحب ؟ اسباب كتير ممكن تخليه يفشل لكن اهمهم بنسبه ليا عدم الاهتمام وان يكون فى طرف اتعود بس ياخد وطرف اتعود يدى بدون حساب عدم احترام طرف للاخر الشك الغيره الزياده حاجات كتير ممكن تحكم على الحب بالفشل وامته تختلف النظرة لمفهوم الحب ؟ السؤال ده محتاج رغى كتير بس انا هحاول اختصر اللى عايزه اقوله بصى ممكن واحد يكون متجوز واحده بيحبها بس مش بيقولها بحبك عنده مفهوم الحب انه يوفر لها احتياجتها وينفذ رغباتها وطلبتها وده مفهوم ناقص وبيموت الحب بسرعه واحد تانى طول النهار والليل يقولها بحبك بس بدون اى افعال تثبت كلامه ده وده بردو بيموت الحب من وجهه نظر ميرو يعني ايه الحب ؟ امممم الحب بنسبه ليا اهتمام احتيواء طوله بال تضحيه تسامح عطاء الحب هو الاحساس اللى بيكمل كل احساس جميل بيكمل احساسنا بنجاحنا وتفوقنا بيكمل احساسنا بالسعاده من غيره كل الاحاسيس دى بتكون ناقصه الحب بيقوينا وبيلغى الانانيه الموجوه جوانا لو فضلت اوصف الحب هطول عليكم كفايه كده بقى تفتكري ممكن يكون الكدب طريقه لاستمرار الحب ؟ لا طبعا الكدب عدو الحب الاول امته القلب يحب اكتر من مرة ؟ احيانا الظروف بتحكم على الحب بالفشل بس الحياه مش بتنتهى وبتستمر وممكن بعد كده نحب تانى في قصه حب قرأتيها او تابعتيها واتمنيتي تعيشيها ؟ دى مشكلتى بقى انى كل قصه حب قريتها بعيشها وبتاثر بيها واكنى البطله وده بيخلينى كتير على حافه الجنون يابنتى والله بس اكتر قصه حب قريتها واثرت فيا جدا جدا لان فيها كل صفات الحب اللى قولتها فوق دى روايه انت لى اتمنيت جدا جدا اعيشها في حاجة اسمها معاناه الحب الاول ايه رأيك في الحب الاول يا ميرو وتفتكري فعلا هو اقوي حب بيمر علي القلب ؟ طبعاااااا اقوى واصدق حب كمان بنمر بيه بحياتنا تفاصيلها بتفضل ساكنه جوانا لاخر يوم فى عمرنا لانه اول بصمه بصمها الحب على قلبنا لانه بظبط زى اول قصيده كاتبها شاعر كبير رغم انها مش بتكون اجمل قصايده بس اغلاهم اول لوحه يرسمها رسام كبير جدا مبتبقاش سبب نجاحه بس هى الحافز ورا اى نجاح بعدها ازاي نقدر نحب ؟ ازاى نقدر نحب الحب ملهوش طريقه هو احتلال فجآه بتلاقى فكرك وقلبك ملك لشخص تانى ورغم كده مستمتعه بالاقامه الجبريه دى اقــــصد نحافظ عليه وليه بنهرب من الحب ؟ لما بيكون حب من غير امل حب معروف ان نهايته لازم تكون فراق ووجع وهل انتهي عصر فارس الاحلام ؟ للاسف اه ايه اللي يميز الحب بعد الزواج عن ما قبله ؟ الحب قبل الجواز بيكون مفأجات ومحاولات مستميته انك تفضل شاغل قلب وبال الانسان اللى بتحبه وهو بعيد عنك وده بيخلنا مبدعين فى خلق الظروف والصدف والمواقف اللى تخلينا نحقق ده بيكون فى احلام ورديه بتقلب فى الاخر كوابيس فى بعض الاحيان بعيد عنك يا اوختى قبل الجواز اهتمام زياده جنان زياده رومانسيه زياده للاسف بقى بعد الجواز وخصوصا عندنا فى مصر بنفشل نحافظ على الحب بالشكل ده بعد الجواز بنلاقى الاهتمام يدوب مقبول والجنان مش مقبول اصلا والرومانسيه لو موجوده لها مناسبات وبيتحول الحب بعد الجواز لعشره طيبه وعلشان كده لو لقيتى اى راجل بيتكلم على مراته بعد عشر سنين جواز مثلا يقولك دى عشره عمر مش حب العمر مثلا ليه بنحب ؟ هى دى فيها ليه ده قدر يابنتى عاوزين منك اغنيه لاذاعه حب بئه من اقرب الاغانى لقلبى يارب تعجبكم الفقــــــــــــرة التانية بــــــــــــريد الحب اسئله من الاعضاء احساسى صحيح من مبدعى المنتدى اهلا بيكى اخت مارى منوره اذاعة حب لى سؤال لكي عن الطريقه الامثل للسيطره على الطفل وعدم خروجه عن طاعة الام والاب ومنعه من وضع الاسره فى مواقف محرجه خاصا فى اول 6 سنوات من عمره ميرسى استاذ ياسر اذاعه حب منور بوجود حضرتك متهايئلى وعن تجربه انسب طريقه هى الثواب والعقاب دلوقتى الاطفال مبقتش اطفال زى الاول ممكن لما تشخط فيهم يسمعو الكلام علشان كده لازم عقاب ملموس زى مثلا حرمان من المصروف حرمان من الخروج او العب ده فى حاله انه عمل حاجه غلط اما لو عمل تصرف كويس نشكره وكمان نديله حافز زى هديه او حاجه هو عايزها علشان نشجعه على كده العاشق الذى لم يتب مشرف الخزعبلات أسمحيلى أسالك وبحكم أنى لى أصدقاء كتيرمسيحين وبتعامل معاكم عن قرب وعارف الطوائف المسيحية الأربعة وسؤالى مارأيك فيما يطالب به بعض المسحيون بمطالبة الكنيسة أو أصدارقرار بالسماح للمسيحين بطلاق زوجاتهم على غرارامايفعل المسلمون؟ اللى بيطالب بكده للاسف مش عارف دينه كويس او يأسه وصله لمرحله انه مش لاقى حلول الطلاق عندنا مش مجرد اجتهاد اباء كاهنه دى نص كتابى مفيهوش اى تقويل لا طلاق الا لعله الزنا يعنى لا الكاهن ولا حتى البابا فى ايده اى وسيله غير تطبيق النص الحكايه ملهاش حل لكن المجلس الاكليريكى حاليا بيحاول يحطو شروط وطلبات تتنفذ قبل الجواز علشان متكررش المشاكل دى تانى ♥SaRa شامخة... رغم الانكسار!! من مبدعى المنتدى منروة اولاً حبيبتي ثانيا عايزة اعرف اية هو رأئيك فـ ان البنت تتزوج فـ 18 سنة هل دة بيكون غلط لأنها مش قد المسؤلية ولا عادي ولا اية رائيك؟ انا شايفه انها جريمه فى حق البنت بكل المقايس جريمه تشبه الوأد لانها وببساطه بيتلغى مرحله مهمه فى حياتها وبتشيل مسئوليات اكبر منها ومن خبرتها فى الحياه فجأه فى سن صغير زى ده بتكون مسئوله عن بيت واولاد وللاسف معظم الاهل بيعملو كده فى بناتهم بدافع الحب ودى الكارثه الاكبر وبكدة خلصت حلقتنا اميرو قولنا بئه رأيك في البرنامج برنامج جميل واسئله جميله حبيبتى يارب دايما متميزه فى افكارك وبرامجك وياتري هتختاري مين بعدك ولية ؟ هختار جبل عالى حبيبتى لانى بحب جدا طريقه تفكيرها ونفسى اعرفها اكتر نورتي اذاعه حب ميرسى حبيبتى منور بوجودك فيه اكيد ويارب اكون ضيفه خفيفه دا انتي نورتي الدنيا اميرو اخيــــــــــرا فقرة الاهداءات حلم عمري مميزة لنشاط التحرير اهدائي لرانسي واسراء مرام واسراء حبي الاول والاخير بجد البنوتين دي دخلوا قلبي وربعوا جوا كدة ربنا الوحيد اللي يعلم انا بحبهم اد ايه واصلا اي حد يعرفهم لازم يحبهم فيهم كمية طيابة ونقاء حلوين اووي وفي نفس الوقت رخمين وندلين -_- يعني تحسوهم ميكس عايزة اقولكم اني احيانا كتير وانا بكلمكم بكون متضايقة بس بجد الكلام معاكم بيريحني وبيخرجني من المود سريعا ربنا يخليكم ليا ياااارب ويوفقكم في دراستكم وحياتكم ويسعدكم دايما وتحققوا كل اللي تتمنوه ياااارب وزي ما جمعنا في الدنيا علي محبته يجمعنا في الجنة ان شاء الله بحبكم اوووووي بقا ♥SaRa شامخة... رغم الانكسار!! من مبدعى المنتدى اهداء لملك جبال الاحزان (ميدو) بجد وحشتنا اووي يا ميدو يخرم جيب الكلية الي تعمل فيك كدة يا رب يوفقك يا رب ادعوا لية يا جماعة لحسن بجد صعبان عليا دهـ متبهدل فـ المشروع بتاعة . و(لسلفير سبكتر ) بقي كدهـ تدخل الصبح وتمشي عـ طول هو انت لحقت>_< دا انت اسآآتر بس بردوا ليك وحشة دمعه حائره مارى من الاعضاء اللى بيعجبنى جدا تفكيرها وطريقه معاملتها للاعضاء مهما كانت مدايقه من موقف او موضوع بتتناقش باسلوب راقى ومش متعصب حريصه جدا انها تهنى الاعضاء فى المناسبات والاعياد روحها حلوة ومتسامحه ربنا يوفقها ويسعدها وتفرح باولادها يارب احساسى صحيح من مبدعى المنتدى إلى متى سيظل الماضى يطاردنا إلى متى سيظل عالقاََ بنا يسرق منا فرحتنا يتعدى على مشاعرنا ولا يترك لنا فرصه لننعم بحب سكن اوردتنا إلى متى به سأشقى ليتنى سكنت الماضى بما فيه والحاضر بما يأويه ليتنى الطريق الذى تمشيه ليتنى ماضيك, لسعادتك على ان تتخطيه من بالك إلقى بيه ومن داخلك احذفيه فقلبى على احر من الجمر متعطشاََ منتظراَ ان ترويه ...! وبكـــــــــدة خلصت الحلقه اللي باظت مرتين وانتظرونا مع حلقه جبل عالي جاري ارسال الدعوة في انتظار الاسئله والاهداءات تحياتي ملحوظة / دي الاهداءات والاسئله اللي عرفت احتفظ بيها ولاقتها بع وعكه المنتدي فاللي ملاقهاش كلماته بليز ميزعلش بئه وشكر خاص لبراءة طفله وسلينا ونرمين علي تعبهم في الديزاين صورة السيسي كانت رمزية ميرو وقت تصميم الهيدر يعني مالهاش مضمون سياسي

[morshooo]

مارى من العضوات المميزين جدا فى المنتدى
واكتر حاجا بتعجبنى فيها تقبلها الاراء
ومحصلش قبل كدا وزعلت من اى عضو معانا
دائما بتتقبل الاراء
اتمنالها التوفيق فى حياتها
وربنا يخليلها اولادها وتشوفهم كدا
قطاعين طرق اااااااد الدنيا
^_^

[العاشق الذى لم يتب]

برنامج جميل جدا
وحلقة خاصة مع الاخت الفاضلة اللى عن نفسى بعزها وبحترمها جدا
وبشوف فيهاعقل راجح وتفكيرمستنير
الاخت الغالية ام كرلس
كل اجابتها هناعجبتنى اوى
تسلمى ميرو
وتسلمى سماعلى الربنامج الحلوده والمتنوع
مع تحياتى لكما

[حَرفُُ هجآءّ]

اممممم البرنامج مش محتاجه اشكر فيه
لانه فعلا برنامج جميل وبيلمس الاحساس اووووى

مارى بئا بتعجبنى جدا
فى تفكيرها وكتابتها
وشخصيتها وهى فعلا من الناس اللى بحترمهم جدا وبحبهم
ربنا يوفقك مارى ويخليلك اولادك

[phalsteen]

اقتباس المشاركة الأصلية كتبت بواسطة العاشق الذى لم يتب برنامج جميل جدا وحلقة خاصة مع الاخت الفاضلة اللى عن نفسى بعزها وبحترمها جدا وبشوف فيهاعقل راجح وتفكيرمستنير الاخت الغالية ام كرلس كل اجابتها هناعجبتنى اوى تسلمى ميرو وتسلمى سماعلى الربنامج الحلوده والمتنوع مع تحياتى لكما

ميرسي رفعت
نورتنا بوجودك

[phalsteen]

اقتباس المشاركة الأصلية كتبت بواسطة حَرفُُ هجآءّ اممممم البرنامج مش محتاجه اشكر فيه لانه فعلا برنامج جميل وبيلمس الاحساس اووووى مارى بئا بتعجبنى جدا فى تفكيرها وكتابتها وشخصيتها وهى فعلا من الناس اللى بحترمهم جدا وبحبهم ربنا يوفقك مارى ويخليلك اولادك

الاجمل متابعتك حببتي
ميرسي الف شكر

[♥SaRa]

ماري من الشخصيات المحترمة الي مش حصل الششرف واتكلمت مع حضرتها
بجد بس من إسلوبها ومدونتها الي بحب دائماً ادخلها
بيكون ليها رأي خاص بيعجبني اوي وبجد انها شخصية عاقلة جداً
وطيبة ومحترمة ربنا يكرمها دائماً ويوفقها فـ حياتها ويخلي ليها اولادها
وطبعا كالعادهـ رووعة سمسم

[ساحر الأحزان]

استضافة جميلة سما

مع مارى

شخصية جميلة ومحبوبة

وارئها تحترم

اسعدتونا بجميل الحلقة

موفقين

[همس الحنين]

يا حلقاتكـ يا سما

روعة البرنامج والاسئلة

مارى

اجاباتك هادئة وعجبتنى كثيرا

ربنا يحقق أحرمك

مبدعين

[حلم عمري]

الحلقة جميلة اوووي
وماري اجاباتها روعة واستمتعت بيها بجد
ليهم حق يختاروا انها توجد موجودة
شخصيتها هادية وبتتقبل اي راي دايما كمان نظرتها عن الحب جميلة
اتمنالك كل التوفيق والسعادة في حياتك حبيبتي
كمات الاغنية اللي اخترتيها انا كمان بحبها اووي ^^

سما كالعادة البرنامج رائع
تسلمي يا حبي