مبادرة المسامح كريـم

[ساحر الأحزان]

بسم الله الرحمن الرحيم









كلها أيام ويجيى علينـا الشهر الكريم كـل سنة وأنـتم طـيبين ودة تعتبر فرصة أن كل واحد سوء غلط ولا ما غلط ؟حصل مشاكل ولا خلاف؟ولا سوء تفاهم؛

والنفوس تشمرخت وضاقت من بعضها إالبعض ولو بصيت على السبب حتلاقية سبب عادى ويمكن كمـان أقل من العادى ،مهو معظم المشاكل ألى هنا هى أية خلاف قديم وقلنا أنة عدى وفات والنفوس أتصلحت ومضى علية فترة لو حصل سوء تفاهم تانى يرجع تانى الخلاف القديم للسطح

يبقى أزاى بقى قلنا أننـا أتصلحنا وزمايل وأصدقاء الأمس بقوا،محدش فيهم طايق التانى مع أنة أى خلاف أنتهى يبقى الكلام فية ملوش لأزمة دة لو فية نية فعـلا أننا ننسى ألى فات مفيش مكـان بيخلوا من الخلافات لو مفيش خلاف الناس بتتعب وكأنة حرام نعدى أيـامنا من غير مشاكل ولا خلافات

هل لما واحد يغلط فية ويعتذر أقلة أسف أعتذارك مرفوض وأفضل شايل منة جوة نفسى يبقى أنا متعلمتش حاجة أسمها (المسامح كريم)ربنا سبحانة وتعالى بيسامح فلية عبدة ما بيسامح ولا هى دى النفس البشرية متسلطة ومتعجرفة وما تقبل التعايش بسلام،

عمر السماح ما بيقلل من شأن صاحبة ولا بيحط من قدرة وأحترامة لنفسة لا بالعكس دة بيرفع بية لسمو أعلى من الأحترام والتقدير ؟

من هنا قمت بمبادرة

(المسامح كريم )

لو ليك صديق هنا فى المنتدى ولا برة المنتدى فى أسرتك ولا فى شغلك ولا فى محيط سكنك؟
أبداء وخد المبادرة دة الصلح الخير والسماح من شيـم الكرام والطيبين ويمكن وأحنا خلاص أوشكنا على الدخول للشهر الكريم دى بتكون فرصة جيدة أننا نصفى نفوسنا وننسى خلافنا ونمشى مع مبادرة

المسامح كريم

دمتم سالـمين

[აα∂ Ԑγεა]

اممم تمام وياريت تكون من القلب
انا بقي بقول لو في حد زعلان مني لاي سبب ييجي يقولي
وهنوصل للسماح الفعلي اكيد :]

اهم حاجة بقول للمنتدي لو زعلان مني في اي حاجة قول
لكن كل شوية تقف تقف تقف ليه ؟!
مدايقك قسم كأس العالم قلي وانا اوقفهولك هههههههه

[دمعه حائره]

التسامح من شيم الكرام فعلا
وربنا بيغفر لكل الناس اخطائهم الا من يحمل فى قلبه كره وضغينه لآخر
وفى ايام زى دى لازم ننشغل اكتر اننا نقرب لربنا وننهى اى خلاف بينا وبين اى انسان
الدنيا قصيره ومحدش ضامن عمره ومابيفضلش غير الكلمه الطيبه والعمل الصالح
مبادره طيبه امجد وهابدأ معاكم واتمنى لو حد زعلان منى يسامحنى
ونفتح صفحه جديدة مع الشهر الكريم
وكل عام والجميع بخير

[ايمان طلعت]

يعنى ايه النفوس تشمرخت دى
اول مرة اسمع المصطلح دة

لفته طيبه منك امجد
كل سنه وانت طيب وكل الاغضاء بالف خير
واللى زعلان من حد تتصافى النفوس
لان مفيش حاجه مستاهله
واتمنى لو زعلت حد منى او قصرت يسامحنى
تحياتى للجميع

[Stop Ana Eltop]

يعنى داخلين على شهر كريم وحاطط صورة وله فى الاول

دا حتى توبا اتحجبت علشان رمضان

كل السنه والجمييع بخيير

ولاى حد زعلان منى ياريت تسامحنى

وانا مسامحه اى حد غلط فى حقى او مزعلنى

رمضاان كرييم

ومبادره جميله منك يا امجد

تسلم

[العاشق الذى لم يتب]

جزاك الله خيرا
وبارك فيك امجد
كل سنة وانت والجميع بالف خير
وانامسامح كل من غلط أوأساءلى
واتمنى من الجميع يسامحونى
وأعتذرلكل من رأى منى له اى اساءة
وربنايجمعنا على المودة والمحبة فيه
ويتقبل صيامنا ان شاءالله
وشكرا مرةتانية امجد
تحياتى

[CAN _ 7LM]

مبادرة جميله أمجد
انا عن نفسى مش زعلانه من اى حد
ولو حد زعلان منى لأى سبب ياريت ميزعلش
كل سنه وانتم طيبين بقى

[انجي_1]

المسامح كريم يا كبيرنا
صح كودا

بص انا مسامحاااااااك


وكل سنة وانت طيب

[واد حبيب]

كل سنه وانتو طيبين

[فنانه باسلوبي]

مش غريبة علي استاذ امجد
لفتة كريمة منك وتنبية ف محلة
وانا شخصيا مسامحة اي حد غلط فية بعلمي او من ورايا
ويعلم ربنا اني مش شايلة من اي حد هنا
كلهم اخواتي الي بيجمعنا نفس المكان الوطن الكبير
المنتدى دة
والبعض يستصعب موضوع السماح دة بس ربتا يهدي الجميع وكل سنة وكل مسلم ومسلمة بخيروسلامة
ويفرج عن اخواتنا ف كل مكان علي وجهه
الارض
وعندي نفس تساؤل ايمي
:-)