غناوي الأرض

[جـــــراح المشــاعر]

غناوي الأرض *** حنين تاية ما بين شطين لاأنا عارف واخدني معاه ولا عارف سايبني لمين لا ليا حَولة ولا قوة ولا إجابة على السؤالين حكاياتي إبتدت بيها ولسه معايا بتكمل وإن راحت بعيد عني شذاها لسه متجمل دي كانت لي كما الطرحة أوالفرحة ولمة الناس علي شطي زهور طارحة لقيتها ليا قدامي تحقق كل أحلامي وكنت بفرحة منسية ومغصوبة ومَحْنِيَه وزي العود حطب ينداس ويتكسر علي سنيني دي كانت أم أيامي وروح بتروح وتاخدني لارض براح منين ما بروح دة هي دنيتي الحلوة وهي الطيبة واللمة بتفرد رمشها قِبلة وهيا الخالة والعمه ولما أتوه ألاقيها تدوبني بحنان ضَمَه وتفرشلي السماء ألوان تقولي يللا لوِنِي ومن بين النجوم دولة هتغزلني هلال مرسوم أنور في الضلام قلبك وأكونلك معنى للفكرة وهاتخاف لية من الايام مدام لسة ها أعيش بكرة وكت شايلاني جواها وسرقاني من الاحزان أنا عارف انا بحُبِك سعيد بيكي أوي وفرحان وأنا عايش علي دا الحب وحاسك إنتي مش غيرك وأعرف لما تبقي إنتي ولون الطمي من خيرك مليتي دنيتي بطيبة بحبك وانتي طيوبة ولما اتغابي واتعصب أحسك أحلي مغلوبة علي أمرك وأتمادي وأقول وأغلط وانتي نسخة من أمي تهديني تقولي إهدا ونيلك يجري في دمي وبوسة خفيفة تديني تخلي للكلام معني وأطلع من شقا الأيام بكلمة حلوة تجمعنا أنا عارف مانا صعيدي وليلي طال ولا له نهار وقلبك هو دا المركب ينجيني من الأنهار يوديني علي المرسى ونفسي غيرتي دي ترسى وجرحي لما يتكلم يقول إنتي شقى الأيام وأنا النسمة بيوم صبحِك وأنا الكلمة وفوق سطرِك وأنا المعني ما بين حرفك طب أعمل إيه عشان خاطرك وأحميكي وأكون مَصرِك مانا نفسي أكون ارضك وأكون ناسك وأكون فرعِك وأطرح أقوى حراسك واكون نيلك وأسقي كل شي فيكي وأكون عطرك وانفاسك وأبقي ليكي طير بيحوم علي قصرك علي فاسِك وورداتك ببستانك ومنقوشة بفستانك وأتباهي بان الدقة من قلبك مطر يسقي ربوع روحي بأرض براح ومش هاشبع من الأفراح ولا أبعد تاني يوم عنك دا إنتي ضحكتي الغايبة وانتي لمستي الدافية كلامي يموت مابين حرفك وأغزل م الشجر اسمك دا إنتي النظرة من عيني ولمحة للقمر بالليل وطله طفل يتبسم ويضحك لما أبصله دا إنتي نقطة الميه أموت لما تغيب عني واعطش لما تتمايل وأحبك لما تظلمني وأقول بكرة يجَمعنا وأسَمع للجميع فني في أرضي ودنيتي وناسي وكل الخلق هتغني غناوي الأرض جراح المشاعر

[شاعر الحب الحزين]

رائعة رائعة رائعة رائعة رائعة رائعة

هي أروع الكلمات لأروع البلاد مصر الغالية

هو أروع إحساس امتزج بحب الوطن الشديد

هكذا تكون الكلمات في حب الوطن

وهكذا تستقبل الأرض أغنيتك الجميلة هذه

أطربتني بكلماتك أدهشتني بأسلوبك الرائع

ماشاء الله عليك رائع جدا بإحساسك وذوقك الرفيع

احترامي وتقديري

[Sea Pearl]

ومصر اكيد هتدينى..
لأنى شربت من نيلها..
ومن طنها لعبت انا مع صحابى..
ونغنلها غناوى الارض

رائعة هى كلماتك الممتزجة بأحساسك الوطنى الدافىء
خاطرة رائعة
تحياااااتى

[حـيـــــآة ❤]

جميلةه هئ كلمآتك أخئ
جميل هو إحسسآسسك النآبع من مشآعر وطنيه رآئعه
جميل هو قلمك المبدع
أبدعت أخئ
تقبل مرؤرئ

[bobaOo]

رائعة هي كلماتك
وأحاسيسك
وحبك
لوطنك
مصر
وبلادها
تسلم ايدك
تحياتئ

[الأميرة رودي]

رائــعه جراح ماشاء الله
الحنين اللى بيملآنا ليها اكبر من اى ضجر أو لوم بنحسه من ناحيتها
أمنا وأم الدنيا
كلمات معبره جداا وكأنها قصه بسرد ولآ أروع
معزوفه عشـق لآيجيد الاعتراف بها سوى مبـدع أنيق مثلك
كل حرف هنا هو مشهـد فى مخيلتي
أحييك وأشكرك لروعه الصياغه والتشبيهات
دمت بسعاده ودامت مصـرنا بكل خير وأمن وأمان

[حلم عمري]

رائعة واكثر من رائعة بجد
كلمات احساسها عالي اندمجت جداا وانا بقرأها
مبدع كالعادة اكيد
دام قلمك الراقي
خالص تحياتي

[انت احلى الناس]

بصراحه مش عارفه ابدا منين افتكرت ايام جميله عشتها في بلدي
كلماتك حلو قوي
نابعه فعلا من قلب يعشق وطنه
تسلم ايدك المبدعه
تقبل مروري

[دمعه حائره]

اكثر من رائعه انت مبدع بجد ايمن
تسلم ودايما منور الابداعات

[شاعر الإحساس]

انت ياعاشق الضي،،

يالروعة خطك هنا واحساسك،،

اشعلت نار الحنين لمصرنا الحبيبه،،

الغربة اشتاقت لارض الوطن الغالي،،

اصلح الله حال مصر واهلها ،،اللهم امين



حقيقة احييك وقلمك وروعة نصك العامي الجميل

لديك سلاسه جذابه ،،وسهوله وسرعه بالالفاظ

بها موسيقى بسجع خفيف على الاذن

راقتني كثيرا،،


دام نبض حرفك الراقي

ودمت بكل خير وسعاده

تحياااتي وتقديري واحترامي


شاعر الإحساس