قريبا في مطبخ رمضان مسابقه ( شيفات المنتدي ) ..

[Caramilla]

بسم الله الرحمن الرحيم النهارده باذن الله ومسابقه ان شاء الله تكون خفيفه عليكم وجميله بعنوان شيفات المنتدي ...! دا انا اتعذبت كتير لغايه ما عرفت جمع كلمه شيف ايه شفتوا بقي المهم ...~ المسابقه هتبقي اقرب للعبه نوعا ما !! بمعني ايه ؟ خلونا نوضح اكتر بس قبل ما اوضح احب اقول ان الفكره حصريه على منتديات بنات مصر بس من مخي فاللي هينقلها لمنتدي تاني مينساش الحقوق لو سمحتو Dangerous-Designer@forums.banatmisr.com الفكره هي اشتراك مجموعه اعضاء من المنتدي تنحصر ما بين 1-10 مشتركين المشتركين دول هنحطهم تحت قايمه شيفات المنتدي وهيبقي لكل مشترك منهم بطاقه .. والبطاقه مطلوب فيها 3 حاجات اولا : اسم الشيف وده هنكتب اسمه في المنتدي عادي تانيا : عمر الشيف وده حريه ليكم تقدرو تختارو اي سن معقول او حتي سنكم الحقيقي تالتا : يختار ( دوله من الدول الي بيحبها علشان هيجيب اكلات - حلويات - سلطات -مشروبات اي حاجه منها ويعمل كاينه هو الشيف ويشرح المكونات والمقادير ويعملها ويتكلم عليها) مثال على البطاقه لدوله انا اخترتها وبسني الحقيقي يلا مين الشيفات الي معانا مطلوب عشر شيفات الي يحب يشارك يحجزله مكان بقي علشان اعمله البطاقه .. الرتبه هنا تم استخدامها كعلامه ترقيم الشيفات مش اكتر يعني شيف رقم 1 شيف رقم 2 شيف رقم 3 هو كدا رتبه الشيف 1 يعني رقم الشيف 1 وده بيعتمد على حسب اول واحد هيكتب مشترك هنا الجوائز المركز الاول 250 مشارك+ وسام افضل شيف في شهر رمضان المركز الاول + 4 نجمه سلفريه المركز التاني 150 مشاركه + وسام افضل شيف في شهر رمضان المركز التاني + 3 نجمه سلفريه المركز التالته 100 مشاركه + وسام افضل شيف في شهر رمضان المركز التالته + 2 نجمه سلفريه ملاحظه :: كل شيف هيبقي ملزوم يحط بطاقته قبل كل موضوع يعمله ارجو تكون الفكره وصلت الشغل مش هيبدا دلوقت طبعا هيبدا من بدايه اول يوم برمضان باذن الله مش مطلوب منكم عدد معين من الاكلات كل شيف وشغله بقي بس اهم حاجه يبقى حصري بمعني تنسيق حلو بمجهود شخصي واستعانه بصور من النت للاكله الي هتتكلم عنها ومعاه فتره رمضان كلها وهيتم تقيم الشيفات كل 4 ايام من طبخات واكلات بينزلها عن الدوله الي اختارها وهيتم عرض لجنه التحكيم بردو كنوع من انواع التشجيع للمواصله بحماس اكتر بين شيفات المنتدي بانتظار المشتركين ...~ الي عايز يشترك هيكتب ( مشترك ) و انتظرونا قريبا في رمضان مع الشيفات بقي وكل سنه وانتوا طيبين في الختام احب اشكر دمعه حائره منووووونه ( لدعم المسابقه )

[Aya 7ekaya]

فوكيرة جميله طيب مده المسابقه قد ايه
وياريت تحددى الامطلوب هيكون احلى والمده كمان بالظبط
ومشتركه معاكى اكييييييييد

[Caramilla]

اقتباس المشاركة الأصلية كتبت بواسطة aya 7ekaya فوكيرة جميله طيب مده المسابقه قد ايه وياريت تحددى الامطلوب هيكون احلى والمده كمان بالظبط ومشتركه معاكى اكييييييييد

الي نهايه شهر رمضان يا ايوشه
المطلوب مكتوب حبيبتي في الموضوع
مش عايزين نحصر عدد معين من المواضيع عليكم
بس كل 4ايام هيتم تقيم كل شيف باللي قدمه
ومنوره هتختاري اي بلد بقي
والسن

[انجي_1]

انا مشتركة معاكي ان شاء الله


هكلم عن الاكل المغربي


35 سنة

[دمعه حائره]

فكره جميله والتنسيق رائع
تسلمى نرمين
وبالتوفيق للجميع

[الآمير العآشق]

حلووه القوكيرره نيرمين

ومشارك فيها ان شاء الله

بس ممكن توضيح اكتر عن كل المطلوب بالضبط
خصوصا حتة حصري برابط المنتدي
انتي تعرفي اني تحت الصفر في اي شي فوتو
يحني موش هعرف احط اي كتابه او اي رابط ع الصور

[Safira]

فكرة روووووووووووووعة
والتصاميم جميله تسلمي يانيرمين
مشتركه معاكي ياقمر بـ ايطاليا
وعمري 17

[رآقيہ بأخلاقـى]

مشررررررررركه ان شاء الله
وهختار الهند نرمين
والسن 26

[Stop Ana Eltop]

مشتركه معاكى ان شاء الله

بس حصرى ازاى بقن

[رووكه]

طب انا حابه الموضوع وانى اشآرك فيه
بس انا هكون ملازومه بطبخ آكلات البلد اللى
هختارها
ممكن اكتب مصر وهنزل الاكل اللى هعمله
عندنا ينفع ولا آيه