استضافه رمضانيه البيج بوص ll تابع المسابقه الرمضانيه الكبرى

[Stop Ana Eltop]

رمضان شهر الخير والنفحات والبركات أتى ومعه كل الخير للأنام من أدركه وفاز به فقد فاز بمغفرة من الرحمن عتق من النيران وجنات أعدها المنان فأقبل عليه بكل إخلاص وصدق محبة ففيه الرحمة والمغفرة والعتق من النيران معانا انهارده ضيف عزيز ومشرف مميز فى المنتدى معروف عنه حاجات كتيير ان شاء الله تتغير فى رمضان big bốss مشرف قسم النقاش ازيك يا استاذ نور اخبارك واخبار الايام الاخيره قبل رمضان معاك ؟ وكل سنه وانت طيب بقن الحمد الله يا استاذه هبه تمام و ماشى الحال و انتى طيبه الايام حلوه زى الفل اهى ماشيه مش بتقف مش هقولك اسمك ايه وسنك لان انت غنى عن التعريف طبعا بس هسألك هتصوم رمضان السنه دى ولا زى كل سنه ؟؟ زى كل سنه هصومه طبعآ ليه هو انا زيك بفطر و ربنا يقوينا انى أفوز بأكبر جزاء ممكن احصله فى رمضان (ربنا يعينك ويقويك .. بقى انا بفطر ماشى ) أول رمضان قمت بصيامه كم كان عمرك ؟ صمت بجد من اول الثانويه العامه رمضان كامل فى اعدادى كنت بفطر كام يوم فى رمضان فى الاواخر و لغايت دلوقتى تمام الحمد الله مش فطرت و لا يوم فى رمضان ليا 11 سنه (فى الثانوى لاء صغير حقيقى صغير ) عمرك شربت او اكلت فى رمضان من ورا اهلك وبعدين مسحت بوقك بسرعه قبل ما حد يشوفك وانت صغير يعنى ؟ ليه الاحراج دا حصل آه فى ابتدائى كنت بفطر من وراهم من شجعك على صيام رمضان ؟ امى و تعاليم دينى كيف كان استعدادك لرمضان عندما كنت صغيرا ؟ زى اى حد كنت بجهز مدفع صغير عمله و استنى أذان المغرب يقول الله اكبر اجرى افطر ع طول و املى البلاعه بئا اكل و حلويات و عصاير ^_^ ( على اساس انك كنت بتصوم اصلا علشان تروح تفطر ) ماذا شعرت باول رمضان تصومه كاملا ؟ شعرت برضا نفسي كبير الحمد الله و الهموم حسيتها خفت من عليا و كنت فرحان و مبسوط اوى انى قدرت اصوم ايه الموقف الطريف الى حصلك فى رمضان وانت صغير ولا تستطيع نسيان هذا الموقف ؟ ههههههههههههههههه كنت انا و واحد صحبي ماشين فى الشارع قبل المغرب و واحد خرج من محل و مسك فى صحبي والله لتفطر و قعد يحضن فيهم المهم دخلنا و فطرنا و تمام فأنا قلت لصحبي والله قريبك دا جدع هو مين دا ؟ قلى و لا اعرفه دى مائدة رحمن يا بنى عملها هو فى محله ^_^ ههههههههههههههه دخل رمضان الحبيب إلى القلوب وجاء بكل بركات السماوات نقصد فيه وجه الله عزوجل ونتضرع أن يقبل منا الصيام والقيام وتلاوة القرآن فهو شهر الرحمة والقرآن بماذا اثر عليك صيام رمضان ؟ علمنى الصبر و الهدوء و راحة البال و القلب و الرضا عن النفس و ارضا ربنا برنامجك في رمضان كيف سيكون ؟ هيكون قراءة قران و صلاه فى النهار و تثقف اسلام و بالليل هصلى العشاء و التراويح وقيام الليل و بعدها هروح الشغل و ارجع الفجر ماهي الأكله او الطبق الذي يجب ان يتواجد أمامك في رمضان ؟ المخللات و السلطات دا اجبارى و القطايف و الزلابيه فى الحلاويات و الكنافه مهمه جدآ هل تحرص على السحور ؟ آه بحرص عليه بصفه دايمه شخص تفتقده في رمضان ؟ والدى مشهد يسعدك أن تراة في رمضان ؟؟ الناس فرحانه و هى خارجه للصلآه وقت العشاء و بتصلى بعدد مهول منظر جميل و يفرح و يبسط مارايك لمن يعتقد انه شهر رمضان للاكل فقط ؟ غلطان دا مش هينوبه الا الجوع و العطش بس لآن الصيام اكبر من كدا مفهومه و الغرض منه أعادة تقويم نفس بمعنى اصح اى الايام تفضل فى شهر رمضان ولماذا ؟ الايام الاخيره بتكون طعمها حلو (اه تحسها قالبه على تمر هندى كدا .. طعمها حلو ) كثيرا من الظواهر التى نشاهدها فى رمضان لا تليق بامة محمد ما الظواهر الى تزعجك فى رمضان ؟ العصبيه الى بتكون بين الناس و بعضها و الى يشتم و يسب و الى يفطر على العلن كدا و يشرب سجاير اغرب رمضان مر عليك ماهو ولماذا كان غريبا ؟ رمضان عام 2011 لانى كنت فى الجيش فى اسوان و كان عذاب بصراحه كنت انا وصايم بجيب جراكن الميه من الجبل و اطلع سفح الجبل 200 متر و بزاويه عمودى كنت بهلك و بتعب جدآ و الجو كان حر و عذاب و كانت غربه بئا فكان رمضان غريب جدآ دا ( الجيش للرجااله عااش البطل عاش ماكنش يبقى جيشك 7 سنين ولا حاجه ) تتمنى تصوم شهر رمضان السنه دى مع مين ولو لم يكن فى الاستطاعه تواجد هذا الشهر فى هذه السنه لنفترض انه فى العام المقبل مش هلاقى احسن من اهلى اقضيه معاهم و ان شاء الله رمضان الى جاى مع حبيبتى نفسي اقضيه العام المقبل ماذا تتمنى تحقيقه فى هذا الشهر الكريم ؟ ان ربنا يرضى عنى و يتقبل صيامى و صلاتى ايه رايك فى ظاهرة مسلسلات رمضان وكيف تتعامل معها ؟ عادى الانسان مخير عايز يقضى رمضان مشاهدة مسلسلات هو حر عايز يقضيه عباده هو حر برضو محدش هيغصب على حد كلنا بنستنى رمضان من السنه للسنه وكلا منا له اهداف معينه !! انت ليه بتستنى رمضان ؟؟ علشان اكفر عن ذنوبي و اقوم نفسي و فرصه ارضى ربنا على ذنوبي ماذا تمثل لك صلاة التراويح ؟ راحه نفسيه و شعور جميل لآ يمكن وصفه اشمعنا هنيت معظم الاعضاء بفانوس ماعدا انا ؟ علشان مش طايقك بصراحه و دايمآ بتنتقدينى فى كل حاجه حتى لو كانت كويسه و علشان مينفعش اهدى كل المنتدى العدد كبير جدآ ( الله يسامحك .. اكيد مكنش هينفع تهدى الاعضاء كلها بس انا المفروض ماتنساش من كتر الخناقات والخلافات الى مابينا ) ايه هى استعداداتك لشهر رمضان فى المنتدى ؟ مفيش اى استعدادات هههههههههه بصراحه لسه معنديش افكار لو متاح ليك تعزم حد من الاعضاء هتعزم مين ؟ هعزم الطاقم الادارى منه و امجد و طارق و هيثم و هعزم من الطاقم الاشرافى رائحة القهوه و اسيل و مورشو و عاشق متيم و ميدو و من الاعضاء وفاء و يويو و مرام و انجى و منايا و ناس كتير العدد كبير هعزم كل المنتدى كلمه بقن للاعضاء بمناسبة الشهر الكريم وكلمه ليا بالمره بما انى المقدمه وكدا يعنى كل سنه و كل اعضاء منتدى بنات مصر بخير و ان شاء الله نتجمع كل رمضان مع بعض و لو حد زعلان منى يسامحنى و انا مسامح اى حد غلط فى حقى و كلمه ليكى يا هبه الجراءه حلوه و لكن مش دايمآ بتكون مبلوعه و كل سنه و انتى طيبه وانت طيب يا استاذ نوور ومش هعلق على الجمله الاولى عشان دى اقتناعات شخصيه زى اقتناعات بالظبط بس بجد بجد بجد شهادة حق انا اتعلمتها منكوا شفت انه الى مسيطر عندكوا الى هو كدا فقررت ابقى كدا والى هنا تنتهى الاستضافه مع البيج بوص مشرف قسم النقاش عارفه انى فاشله فى الاستضافات والحاجات دى بس قولت اجرب كل سنه والجميع بخييير ورمضان مبارك عليكم ان شاء الله وان شاء الله السنه دى رمضان يبقى احلى ومختلف ويقربكوا من الله اكتر واكتر ونفس الكلام بتاع كل مره انا مسامحه اى حد زعلنى ماعدا شخص واتمنى اى حد زعلته يسامحنى بردك بس حقيقى حقيقى مكنش قصدى ازعل اى حد الموضوع بسيط مش مستاهل يعنى ممكن المنتدى يقع فى مره زى مابيقع كل مره بس تبقى وقعه من غير قومه ووقتها انت مش هتشوف الشخص الى انت زعلته دا مره تانيه وفرصة انك تستسمحه هتبقى راحة من بين ايديك فبادروا انتوا قبل فوات الاوان وافتكروا دايما خيركم من بدء بالسلام يلا كل سنه وانتوا طييبين مره تانيه شكر خاص لدقة قلب على التصاميم الجميله تسلمى

[العاشق الذى لم يتب]

جميل اكون اولواحد يتشرف بقراءة التوبيك
والبرنامج الجميل
والمذيعة المتالقة هوبه
والضيف الراقى الغالى
ابن عمى
صحيح انامش من جملة احبابك ولامعازيمك فى رمضان
لكن اناهعزمكط انت اول واحدان شاءالله
كل سنة وانت وهبة والمنتدى كله
وكل المسلمين والعرب
بالف خير وعافية
وجميل الحواروالاسئلة والاجابة اجمل
تحياتى وودى

[bobaOo]

حلو اللقاء وعجبتني الأسئلة والأجوبة
وخاصة تعليقك عليها..

تسلم ايدك يا بوبا
ورمضان مبارك

[حَرفُُ هجآءّ]

منورين

هبه وبيج بوص اليوميات
حلقة جميله هبه
وفى ذكريات اكيد مش تتنسى
نورت بيج بوص
حلو ديما باجابات الجميلة

[big bốss]

شكرآ للأستضافه هبه

الى مسيطر هنا الى بيكون جرىء هى ممكن تكون صح

بس جراءه فى الصح مش فى المشاكل

و انتى من اول ما سجلتى فى المنتدى و انا و انتى ناقر و نقير

معرفش ليه ^_^

بس معرفة خير أكيد يا هبه

[big bốss]

اقتباس المشاركة الأصلية كتبت بواسطة العاشق الذى لم يتب جميل اكون اولواحد يتشرف بقراءة التوبيك والبرنامج الجميل والمذيعة المتالقة هوبه والضيف الراقى الغالى ابن عمى صحيح انامش من جملة احبابك ولامعازيمك فى رمضان لكن اناهعزمكط انت اول واحدان شاءالله كل سنة وانت وهبة والمنتدى كله وكل المسلمين والعرب بالف خير وعافية وجميل الحواروالاسئلة والاجابة اجمل تحياتى وودى

انت مش محتاج عزومه يا رفعت

البيت جنب الجامع

تشرف فى اى وقت انت و البنت سحر

نورت يا رفعت

[big bốss]

اقتباس المشاركة الأصلية كتبت بواسطة boba0o حلو اللقاء وعجبتني الأسئلة والأجوبة وخاصة تعليقك عليها.. تسلم ايدك يا بوبا ورمضان مبارك

تسلمى بوؤبا و كل عام و انتى بخير

نورتى الحلقه

[big bốss]

اقتباس المشاركة الأصلية كتبت بواسطة حَرفُُ هجآءّ منورين هبه وبيج بوص اليوميات حلقة جميله هبه وفى ذكريات اكيد مش تتنسى نورت بيج بوص حلو ديما باجابات الجميلة

اليوميات منوره بمشرفيها

شكرآ اسيل

نورتى الاستضافه

[جبل عالي]

استضافة هادية وجميلة ياهبهوووب

هم كل اللي اسمهم هبه كده ولا ايه ؟؟؟

هههههههه لابجد روحك جميلة واسئلتك مميزة وراقية

ليكي مستقبل يابنتي في الاستضافات

يللااااا ورينا الهمة بقن .....(اموت واعرف ايه بقن دي؟)


بيج بوص طبعا شخصية مميزة ومرموقة ماشاءالله

واحسن حاجة الصراحة والروح الحلوة


تسلموا يارب ودايما موفقين


رمضان كريم

[gold rose]

حوار جميل أوي ولطيف .,
منور يا نور .,
وتسلمي يا هبه .,