انفــــراد للفضفضه / احساس اعضائنا فــ رمضان

[phalsteen]

مــــــــــــساء الورد وقمر الدين والمكسرات انا قولت بئه نستغل الزحمه ونعمل اول حوار مع الاعضاء عن احساساتهم بالشهر الكريم بس لاقيت اللي متفائل واللي متشائم كدة وضارب بوز ربنــــــــــــا يسعدنــــــا جميعا ويكون شهر خير وخطوة لبدايه حياه جميله تــــــعالوا نشـــــوف مع بعضينا انجي_1 مشرفة الازياء والميك أب رمضان السنة دي ان شاء الله اتمنى ان يكون فيه خير لينا ولكل امة محمد عليه الصلاة والسلام حبيبتي انا فقدت الفرحة بيه اما ماتت امي وجدتي معدش ف البيت غيري انا واختي وخالتي بس وحيدين بس معانا ربنا الحمد لله حتى فرحة رمضان والعيد بجد انا معتش بحس بيها الايام كلها الوقتي عندي سواء اللهم ارزقنا الصحة والسلامة اللهم اعتق رقابنا وارحمنا ربنا يارب يفرح قلبكو كلكم ان شاء الله شهيده تحت الطلب عضو فوق الوصف بالنسبه ليا زي كل سنه لان انا للاسف مبقضيش رمضان في مصر ومقضيتهوش في مصر غير كام مره كده وانا صغيره ومعرفش اجواء رمضان ومبحسش برمضان خااااالص ولا بحس بالصيام بس ان شاء الله هحاول السنه دي اخلي رمضاني احلي ^_^ gold rose مشرفة الاقسام الرياضيه سابقا إحساسك السنادي غير كل سنه ., مش عارفه أوصف إحساسي ودا هيكون أول رمضان أقضيه من غير أهلي ., هقضيه وأنا بدرس الترم الصيفي ., Arco Baleno مراقبه الهوايات والتصاميم احساسي في رمضان السنه دي فاق حدود التعبير لاني عرفت معنى رمضان كويس وقررت اني ما اضيع وقتي وقررت اعمل تفرغ كامل واعتكاف لعباده ربي دا احساسي في رمضان وحقيقي انا مبسوطه من المرحله الي وصلت ليه ا واني فعلا اقتنعت ان رمضان فرصه ما يضيعها الا الي مايحب نفسه يمكن مرضي هو الي صحى حجات عندي نايمه كثيييير الحمد لله والله يبارك لينا في رمضان ويقبل القيام والصيام ويغفر لنا كل الذنوب ويحقق كل الاحلام والامنيات لي والى الجميع يارب big bốss مشرف قسم النقاش احساس جميل و متفائل أن شاء الله خير و حاسس أن رمضان متغير السنه دى و أن شاء الله ربنا يحقق امنياتنا فيه جبل عالي *وتر يقطر ألـم* والله احساسي ان رمضان ده فرصة كبيرة اوي من ربنا رحمة ونور وكل حاجة حلوة بجد رمضان زي الماء الطاهر اللي بنغسل بيه سيئاتنا كلنا وفرصة كبيرة ان الواحد يخرج منه كما ولدته أمه ويبدأ عمر جديد من البداية فرصة ياريتنا منضيعهااااااش أذار . عضو فوق الوصف شعور أعجز عن وصفه ، يتسرب في داخلي روحانيه عظيمة اشتياق لهذا الشهر الفضيل ، ضيف مبارك غالي على قلوبنا جميعاً لابد لنا من استقباله بقلوب صافيه و نفوس مطمئنة ، و أخوة صادقه و حب تعاون ، اسأل الله لي و لكم الرضا من الله في هذا الشهر المبارك و يغفر لنا ما تقدم و ما تأخر من أعمالنا . حَرفُُ هجآءّ مشرفة قسم يوميات الأعضاء رمضان رحمة وموده وخير كتير ولمة احساسى به السنة دى إن شاء الله هيكون أجمل ويلم المصريين تانى ايد وحده بعد الفرقة وادينا بنحاول نأدى فروضنا على اكمل وجهه وربنا يتقبل منا صالح الاعمال دمعه حائره رمضان السنه دى مختلف شويه لانه اول رمضان من غير جدتى الله يرحمها اتوفت فى رمضان اللى فات كانت معودانا على حاجات معينه وبتجمعنا ومش عارفه هانعمل ايه من غيرها انا بحب شهر رمضان جدا وحالتى النفسيه بتكون افضل مايكون عن اى شهر فى السنه مش هاقولك حاسه بنفس فرحه كل سنه لكن متفائله انه هايبقى افضل من كل الشهور اللى عدت ربنا يتقبل منا ويبارك لنا فيه -esraa- مشرفة قسم الأزياء والميك أب سابقا آملة ان يكون شهر رمضان اللي هتتحول ذنوبي لحسنات يكون الشهر اللي اطلع منه وقلبي نقي ... وكل عام وانتم بخير Aya 7ekaya احساسى فرحانه وزعلانه فرحانه علشان هل علينا شهر الخير وزعلانه لانى هفقتد حاجات كتير رمضان ده ، وبتمنى ربنآ يتقبل منى الاعمال الصالحه اطياف الماضي مشرفة قسم بقلم الاعضاء بجد مختلف تماماً عن كل سنة لاني ببساطة اتنقلت الأسبوع الماضي لبيتنا الجديد وطبعاً المنطقة غريبة جداً عليا وأحاسيس رمضان اللي كنت بحسها كل سنة لسه مش قادرة احس بيها يمكن عشان بعدت عن ناس كانوا هما كل حياتي مش عارفة بس هو مختلف وخلاص وياريت الأختلاف ده اتعود عليه بسرعة اهم حاجة اني عرفت مكان مسجد اصلي فيه التراويح ودي اهم حاجة عندي الوقت الحالي كل سنة وانتوا طيبين ورمضان كريم وبــــــــــكدة خلصنا قسم الفضفضه يتمني لكم صوما مقبولا وافطارا شهيا وسعاده ابديه في رعاية الله كل عام وانتم بالف خير

[حنان الجزائرية]

فضفضة حلو
ان شاء الله رمضان دى يكون خير علينا وعلى الامة الاسلامية

[شهيده تحت الطلب]

وانتي بخير
حلوه احاسيس الاعضاء وتفاؤلهم
تسلمي يا ام حمني ^^

[Aya 7ekaya]

مجهود عالى ي سما تسلم ايدك
وكل عام والمنتدى بخير

[gold rose]

جميل منك يا سما .,
فضفضة حلوة أووي .,
رمضان مبارك .,

[phalsteen]

اقتباس المشاركة الأصلية كتبت بواسطة حنان الجزائرية فضفضة حلو ان شاء الله رمضان دى يكون خير علينا وعلى الامة الاسلامية

الاحلي وجودك حنان
كل سنه وانتي طيبه
ءامين يارب

[phalsteen]

اقتباس المشاركة الأصلية كتبت بواسطة شهيده تحت الطلب وانتي بخير حلوه احاسيس الاعضاء وتفاؤلهم تسلمي يا ام حمني ^^

تسلمي يا قلبي
نورتي

[phalsteen]

اقتباس المشاركة الأصلية كتبت بواسطة aya 7ekaya مجهود عالى ي سما تسلم ايدك وكل عام والمنتدى بخير

الله يخليكي حببتي
وانتي بصحه وسعاده

[phalsteen]

اقتباس المشاركة الأصلية كتبت بواسطة gold rose جميل منك يا سما ., فضفضة حلوة أووي ., رمضان مبارك .,

الاحلي وجوك رنا
نورتي حببتي

[العاشق الذى لم يتب]

ماشاءالله تبارك الله
كوكبة جميلة
كانت هنا
ربنايسعدهم جميعا
ويفرحهم ويتقبل منهم ومننا صالح الاعمال
وكل سنة والجميع بالف خير
وشكرا سما
على روائعك المتعددة والمتنوعة
سلمت ودمت لنابخير
تحياتى