من مطبخي/فـراخ بانيه

[الأميرة رودي]

السلام عليكم

مساء الفل ياأجمل أعضاء

انا عملت النهارده فــراخ بانيه

هي مش بانيه أوي يعني

مش بكون حريصه على الطرق التقليديه او المعروفه ف الطبخ
يعني المهم اضيف لمستي الخاصه حتى لو محدش بيعملها كده


الفــراخ بانيه لآزم تكون فيليه
أو لحم بدون عضـم حسب عدد الافراد


زي دي كده


نيجي بقى لمقادير الخلطه

أولا المقادير



2 بيضه
2 علبه زبادي
ليمــونه
معلقه خـل
2معلقه قرفه
نص معلق جنزبيل
معلقه عصير بصل
معلقه ملح
معجـون طماطم ( معلقه صلصه جاهزه )

وطبعا لآزم يكون موجود فيجتار وبقسماط لزوم التحميـر


كل المقادير اللى قولتها دي نخلطها ببعض
ماعدا الفيجيتار والبقسماط



ونقلبها كويس



بعدين هتكون خلطه متماسكه ولزجه
هنقوم نضيف ليها لحم الفراخ
ونحاول تكون الخلطه دي مغطيه كل اللحم



نحطها فى التلآجه لمده ساعتين او تلاته
كل ماتغيب ف التلاجه يكون أفضل

بعد مانطلعها من التلاجه هنروح للتحمير

هنخلط الفيجتار والبقسماط



ونكون مجهزين الزيت للقلي

بعدين نقلب اللحم ف الفيجتار



ونحطها ف الزيت





بس ناخد بالنا نهدي النار فى الآول عشان تستوى كويس
وبعدين لما تبدأ تاخد لون دهبي نعلي النار عشان تقرمش
طبعا البانيه غالبــأ بيتعمل مع المكرونه
فانا صورت الشكل النهاشئ للبانيه والمكرونه ســوا
بقت بالشكل ده



عاوزه رأيكـــــو بــقى
بعرف أطبخ ولآ أبطل ادخل المطبخ

[Aya 7ekaya]

بحب جدا البآنيه أصلااً
^^
انتى عاملاه بطريقه مختلفه غير الى بنعملهاآ بيه
بس شكلها لذيذة أوووى بقاآ
تسلم أيـدكـ ي سآرة واكيد تنفع تدخلى المطبخ ^^

[bobaOo]

أنا جوعت بئا
تسسلم ايدك ياقمري
لا متبطليش
مين اللي موكلنا...رودي
مين اللي مشبعنا...رودي
هههههه
فين طبقي بئا

[Lost Pearl]

بالهنا و الشفا شكله حلو الاكل

تسلم ايديكي يا رودي

[رووكه]

آحم آحم
آيه الجمال ده آرودى
آنا عمله زيهيها :d
انا جايه افطر عنديكم بقآ
تسلم آيديكِ يا قلبى آنا :*

[♥SaRa]

آنآ بعشق حآجة أسمها بآنية بس مع مكرونة أسبجتي
جوعتني الله يسسامحك يا سوسو انا عايزهـ قطعة بقن ^_^
تسسلم ايدكـ يا حبي .

[Silver Flower]

شكلها طيب يا قمر
يسلموا الأيادي

[جبل عالي]

الله الله ع الجمال

جوعيناااا بقااا يارودي

برافو عليكي بجد خلطة جديدة عليا

اصل مش بحط معاها زبادي

بس هجربها خصوصا اني بفضل الفراخ عن اللحوم

رمضان كريم عليكم كلكم

[اذار .]

شكله لذيذ ، تسلم ايدك يا جميل على الطبخه الجميله
و منتظرين ابداعاتك الجايه من مطبخك

[ساحر الأحزان]

كدة الوصفة مظبوطة

والنتيجة تخلى الى يشوفها يجوع

شغالة يا شيفة رودى

وافتحى مطبخك للضيوف على طول