الستات ميعرفوش يسكتوا

[حالمة باميرى]

بمساء الخير
او صباح الخير
على حسب بقا كل واحد هيدخل الموضوع
اكتشفت اكتشاف خطير انتوا عارفينى بجيد فنون الاستكشاف
اصلى كنت فى فرقة كشافة
المهم الاكتشاف الخطير ان اغلب الستات ميعرفوش يسكتوا
على طول رغى عمال على بطال
تيجى تروح جنازة تلاقى الواحدة من دول نزلت دمعتين
ومسكت فى ودن الى جنبها وهاتك يا رغى
ولو كلت مع الست الميتة عيش وبسطرمة ميطمرش فيها تفضل تقطع فى فروتها
ماهو اصل الستات ميعرفوش يسكتوا
وتيجى تروح تصلى فى الجامع بيت ربنا
يعنى ميتعظوش لا تخلص الركعة من هنا
وتمسك فى ودان الى جنبها ودى اطلقت ودى اتجوزت ودى اتنيلت
يخربيت الستات والى يقعد معاهم
تبقا راكب اتوبيس واتنين بيحكوا وشفتى مرات كذا
ايوة دى ضربت جوزها وفجاة تلاقى الى وراهم نطت فى الكرسى على حجرهم وهاتك يا رغى معاهم وتعرف قصة ولادة الست دى
لا وياريت تسكت وتتهد
لا تبقا مركزة مع الاتوبيس كلة يبقا ليها 14 ودن
لكن فى البيت لم جوزها يقولها اعمليلى كوباية شاى تبقا لا تسمع لا ترى لا تتكلم
ولا كانها سامعة حاجة
وتحسسة انها طول النهار بتنضف وتلاقى اخرها اوضة وصالة يعنى نص ساعة وتبقا فلة
ولو يدوب سمعت عند جرانها صوت بس الحقونى تلاقيها نطت على المواسير عشان تبقا عندهم
وعلى راى المثل المغنى ابو الليف ابو شعر كنيش





مستهون بالستات يا اخويا ... دولا مجانين
دول كربونة و حياة أبويا ... دولا مجانين
هانم ولا بمنديل بأوية ... دولا مجانين
خد بالك من صنف الحريم
بالهنا والشفاء مجرد تخاريف رمضانية
علشان مليش نفس اهييس

[ملاك صعبة الإمتلاك]

هههههههههههههههههه فعلا والله ي قمري
معااكي حق في كل كلمه قلتيها بس هو انتي ضدنا والا ايه
ينفع كده يدخوا دلوقتي يتشمتوا فيها

[Silver Flower]

ههههه
صحيح النميمة من اكبر الكبائر
يسلموا

[~♥ Queen sozan♥~]

يا بنتى الستات لو سكتت مين هيتكلم وينصح

هههههههههه
دة عليهم نصايح يا خراشتى

توبيك حلو يا قمر

استمرى بقة

[۩۩ elMagic ۩۩]

ههههههههههههههههه
لا حول ولا قوة إلا بالله
روحى نامى يا سحر
خزعبله جامده
تسلم ايدك

[ثائر السامرائي]

اليس فيه ظلم كبير لشريحة كبيرة
من السيدات تحياتي

[العاشق الذى لم يتب]

الستات عمرهم مايسكتو
والله ينور عليك
والحمدلله
وشاهد شاهد من اهلها
منورانا بعد غياب

[حالمة باميرى]

شكلى هضرب قريب
منورين يا حلوين