My story wıth photoshop

[Mind language]

السلام عليكم ورحمة الله وبركاته انهاردة جاية احكى قصتى فى تعلم الفوتوشوب من الالف للياء بدأت الحكاية من المشاركة دى اللى كتبتها فى صفحاتى http://forums.banatmisr.com/msryat392437-98/ المكشوفة وانى نويت العزم على تعلم الفوتوشوب الفكره كانت فى دماغى من سنتين فاتوا لكنى مكنتش بلاقى الوقت وكنت دايما حاطة فى دماغى انى الفوتوشوب معقد جدا وعمرى ما هتعلمه وها هى الفرصة تفتح ابوابها امامى من جديد وروحت لواحدة عملاقة فوتوشوب وكنت بحب شغلهاجدا فى المنتدى وطلبت منها كذا مره تعلمنى وكل مره تقولى حاضر بس انا اللى كنت بكسل صراحة المهم بدأت العضوة معاية من البدائيات وادتنى كتاب قولتها مش فاهمه فية حاجة انا لقيت موقع احلى هتعلم منه البدائيات والادوات وارجعلك اتعلمت بعض البدائيات ووظيفتها لدرجة انى كنت بكتب الكلام علشان منساش لا تعليق على الخط انا كنت بكتب بسرعة بعد كدا بدأت العضوة تعلمنى اول درس اللى هو ازاى تصغر الصورة وازاى تقص حاجة وازاى تعمل كأس للوسام مثلاً وهكذا زى كدا كانت بتعلمنى الطريقة وتقولى دورك اعملى زى ما انا عملت فى الاول حفظت الصورة بصيغة غلط بعد كدا صححتها بعد كدا جه يوم تعليم قص الكأس فى اليوم دا تعبتها جدا على ما تعلمته المهم هى حاولت بكل الطرق انها تعلمنى القص كويس لدرجة انها كانت بتصور الخطوات وتبعتها ميل لية بصوا فى الصورة كام مره اعمل الكأس بالخطوات ويطلع غلط لكنى مزهقتش وقدرت اوصل للكأس الصحيح فى الاخر ودى صورته وكان عندى استعداد اعمل زيهم 20 مرة كمان علشان اوصل للصح فى الاخر المهم انكم تكونوا عايزين تعملوا حاجة بعد كدا بدأت العضوة تخلينى اشوف تصاميم بتاعتها وادتنى الادوات بتاعت التصاميم وقالتلى دورك عايزاكى تعملى زى ما انا عملت وتقصى الصور زى كدا بعد كدا بدأت اجرب مع نفسى مجرد صورة بجبها من مكان واقصها واحطها على خلفية واكتب اسمى عليها بدأت تعلمنى وتصححلى الاخطاء فى الصور بس دا ميمنعش من انها قالتلى كلمة ادتنى دافع للامام كنت كل ما اعمل حاجة وتشوفها تقولى برفوا عليكى احلى حاجة فيكى انك مش بتستنى حد يعلمك حاجة بتطورى من نفسك بنفسك برفوا عليكى ومن هنا بدأت اتعلم كل حاجة مع نفسى واخد رأيها فى الاخر ثانكس جدا ياايمى العضوة دى كانت المشرفة السابقة SplendiD SouL ومهما قولت مش هوفيها حقها عندى او اوصل ليها كمية الشكر اللى عندى ليها بجد مليون شكر ليكى انتى اللى خلتينى اتعلم صح . ومن بعدها بدأت اشوف تصاميم الاعضاء فى القسم وانفذ زى كدا فى التصميم دا حصل خطأ خلانى اعيده من تانى اسبها لا طبعا طبعا طبعا عملت بيها بدج على قدى للصفحات بتاعتى زى كدا واتعلمت من سلينا فلتر توباز والشغل بيه على الصور زى كدا فى دول بدأت اجرب عميل الخلفية للموضوع بس طبعا كان بنقصنى المقاسات انا بس كنت بحاول اعمل الشكل للخلفية زى كدا بعد كدا جربت عميل الشهادات مره فى مره لحد ما وصلت للشكل الاخير وفى يوم سمعت كلمة احنا شعب يموت فى التقليد ولا عمرنا هنبتكر فى الاول وافقتهم فى الرأى لانى ساعتها مكنش بعمل غير تقليد لدروس الاعضاء بعد كدا قولت لنفسى بس لو عايز يبتكر بيبتكر وروحت البيت وعقدت العزم على انى لازم ابتكر افتح الفوتوشوب واعمل حاجة من دماغى انا بفكرتى ونظرتى ولمستى الخاصة لتصميم مش هقولكم انى نجحت من اول مره هبقى كدابة و657الف مليار 6 -7- 8 كدابه بردوا اول مره فتحت الفوتو نصف ساعة وقفلته تانى مليت تانى مره فتحته عدلت بيه مقاسات شوية صور تالت مره قولت مبدهاش بقى يا انا يا الفوتوشوب انهاردة قعدت طبعا ساعة ومايزيد عن ساعة وفى الاخر طلع معاية التصميم دا وكانت ياسادة من هنا البداية التصميم دا لو شفتوا الاصل بتاع الخلفيات اللى اشتغلت بيها مش بعيد تتصدموا من شكلهم لدرجة انى القمر دا كان هلال روحت قصيت لية بدر من مكان تانى وحطيتة علية قولت مش معقول كل الاضاءة اللى عملتها دى وتكون جاية من هلال مش هيكون فية تناسق فى التصميم وجبت ساعة وحطتها على الجنب وقصيت البنت بطلت فيلم هارى بوتر وهما طبعا طلاب فى مدرسة السحر فعملت تصميم خيالى ليها تصميم بيدفع لتصميم تانى بما انى التصميم الاول عجبتنى فكرته حبيت اعمل حاجة تانى بقيت بتخيل الفكره فى دماغى وبناءاً عليها بنفذ التصميم فى التصميم دا نظرة فلسفية باحتة كانت اصلها عبارة عن شجره ضخمة رحت جبت جزء منها وجبت صورة البنت هى وقاعدة فى ركن وعملت دمج للصورتين بحيث يكملوا بعض وجبت صورة باب سجن وقصيته وحطيته على البنت حبيب ابين انى على الرغم من انها عندها حاجات كتير حلوة زى الوردة والكتاب والشجرة اللى بتدى امل دى لكنها مش بتحس بحاجة ومحبوسة فى ركن بعيد وكدا يعنى وكل واحد ونظرته للتصميم لو شايفين حاجة غير فخير وبركة يعنى زيادة الخير خيرين مفيش مانع بس انا بقصد بيه كدا فى هذا التصميم ايضا نظره فلسفية باحتة ايضاً حبيت ابين انى الحياة مش كلها سكك صعبة وانكسارات زى ما البنت دى كدا منكسره لا هى مزج مابين الاتنين فيها سكك صعبة وانكسارات ومن الناحية التانية للتصميم حبيت ابين انى الحياة نغمة حلوة او فيها حاجة حلوة عبرت عنها بالموسيقى والطيور واشراقت الشمس وهكذا تمضى الحياة مابين هذا وذاك وهكذا وهكذا وهكذا تصميم بيدفع لتصميم زى كدا http://forums.banatmisr.com/msryat283018/ بعد كدا افتكرت دورة الدوك طارق اللى محمله الحصص اللى فيها ومش هاين عليها افتحهم لسبب انى كنت فاكره انى الدوك طارق هيعقد الموضوع ويشرح بطريقة صعبة لذلك مرضتش افتح ولا فيديو منهم لحد ماقولت لنفسى طيب افتحهم يمكن اتعلملى حاجة لقيت انى اتعلمت حاجات كتيره جدا والدوك الله يباركله مبسط الموضوع الى ابعد الحدود وكل مايقول كلمة زعبوط اقعد اضحك علية لحد ماتعلت الحاجات اللى فيها وطبقتها كمان ثانكس جدا يادوك بس هو انت يعنى ملقتش اسم غير زعبوط ضاقت بيك كل الاسماء ثانكس كمان مره ودى حاجات من الدوك طبقتها بعد كدا بدأت اعمل كارت معايدة وبطاقة تعرفية زى كدا حاليا انا مشتركة فى دروة الخلفيات والبنر مع✿ Celiηα وDangerous Designerودى محاولاتى معاها والبنر دا عملته فى الصبح وهكذا تمضى الايام ... بالنسبة لية حلم واتحقق حاجة كنت عامله من المستحيل انى اقدر اتعلمها وفى وقت مش كتير قدرت اعمل الحاجات دى للعلم انا لحد دلوقتى معرفش استخدم تأثيرات لصورة او سكرابز انا بعرف الحاجات دى اسما وبشوفها فى دروس الاعضاء والمشرفين عمتا هو الموضوع مش صعب كون انك عايز تتعلم فا انت هتتعلم المهم البداية تكون صح فى الاول لازم التعرف على الادوات وعلى طبيعة البرنامج بعد كدا هتشوف الدروس وتنفذ الموضوع مش صعب واحده واحده كله هيجى بالتدريج لا يوجد مستحيل فى الامر زى ما انا كنت فاكره ثانكس لكل واحد او واحده علمنى حاجة وارجوا الرفق فى تقييم التصميمات لانى لسة مبتدأت فوتوشوب مازلت بتعلم ياريت لو فية تعليق على اى تصميم فيهم انا كلى اذان صاغية حابة اسمع يمكن اتعلم حاجة جديدة هتفدنى نقدكم قبل تقييمكم اتمنى الموضوع ينــــــــــــــــــــــــــــــــــــــــــــــــ ـــــال اعجابكم .

[✿ Celiηα]

يا سلام عليكي
والله المفروض تبقى قدوة ومثل اعلى كمان
ونعملك تمثال قدام دوار الفوتوشوب
بجد قصة ولا اروع واحلى حاجة صبرك ومثابرتك فيها
يثبت بقى عشان تعبك فيه يا قمر ^_^

[Aya 7ekaya]

مجهود جميل اووى ي ميرو
هدف وحققتيه
يدووم التميز بقا

[۩۩ elMagic ۩۩]

انتى شطوره امرمر
وعمتا اللى بيبقى عايز حاجه بيعملها
المهم انه يحطها بدماغه وميملش
الله ينور يا دفعه
استمرى بقآ

[Mind language]

اقتباس المشاركة الأصلية كتبت بواسطة ✿ celiηα يا سلام عليكي والله المفروض تبقى قدوة ومثل اعلى كمان ونعملك تمثال قدام دوار الفوتوشوب بجد قصة ولا اروع واحلى حاجة صبرك ومثابرتك فيها يثبت بقى عشان تعبك فيه يا قمر ^_^

هههههههههههه الله عندكم دوار زينا فى الصعيد
تسلمى ياقمرى وثانكس جدا على التثبيت ورايك
الجميل نورتى بالتوبيك برأيك

[Mind language]

اقتباس المشاركة الأصلية كتبت بواسطة aya 7ekaya مجهود جميل اووى ي ميرو هدف وحققتيه يدووم التميز بقا

ثانكس جدا يا اية نورتى التوبيك بمرورك ورأيك الجميل

[Mind language]

اقتباس المشاركة الأصلية كتبت بواسطة ۩۩ elmagic ۩۩ انتى شطوره امرمر وعمتا اللى بيبقى عايز حاجه بيعملها المهم انه يحطها بدماغه وميملش الله ينور يا دفعه استمرى بقآ

اكيد اكيد اللى عايز حاجة بيعملها المهم هو يكون عايز
نورت ياكبير بمرورك ورايك الجميل منور

[ساحر الأحزان]

مذاكرة كويس اميرة؟
موضوع قيم

ومجهودك فية مميز

منتظرين باقى ابداعاتك بقى

[رووكه]

مشاء الله عليكِ ميرا
آيه العثلاته ديه شغل تمام
نفسى اتعلمه آنا كمان بس كل ما احمله
يقف مش يكمل
عجبنى شغلك قوى وشئ ف شئ
بتعملى شغل آجمل من اللى قبله
موفقه يا قلبى يلا بقآ علشان اقرفك طلبات :d
كل سنه وانتى طيوبه يا قلبى :*

[ana lola]

عجبنى اوى آصراركـ على انك تتعلميه
آنا شايفه بردو ان الفوتو معقد اوى
وقفلت سكته خالص ..
بس شغلك جامد وتصاميم روعه
تسلم آيدك ~
بالتوفيق