اللهم إنى صائم..5

[العاشق الذى لم يتب]

السلام عليكم
قولت أروح أسلم على قريب لى وهو أيضا صاحب طفولة
وعمنا رمضان بيحب صلة الرحم
ولسة باقى اكترمن ساعتين على الفطار
وخطر فى بالى لازم وحتما أروح أزوره
الجو حر وطبعا الصايم آخرالنهاربيكون خلص المخزون الإستراتيجى خالص
وكمان إيه كله إلا الملعون إبليس سقفلك بالمرصاد بس تفكرتعمل حسنة
تلاقيه مفكرك بمليون مصيبة ومطلعلك مليون سبب اللى ييخليك
تنسى حكاية الحسنات دى خالص
والله ياملعون لأتحداك وأستعين بالله عليك وأهزمك ولازم أروح أزور صحبى
وخليتى أعرفكم ربنا يبعد عنكم الأحزان والبلاوى
أن صحبى ده وقبل رمضان الماضى بثلاثة أيام
أبنه وكان فى السنة الأخيرة من الدراسة
ومعاه ابن أخوه وكل فى السنة التانية من كلية الحقوق
كانوا سهرانين مع بعض
واحد فيهم راح يوصل التانى فى الطريق تصادموا مع سيارة
علشان كانواراكبين متوسيكل
ماتوا هم الأتنين الله يرحمهم ويرحم أموات الملسلمين
السلام عليكم .. ازيك ياصحبى عامل إيه أنت والمدام والعيال كل سنة وأنت طيب
رد على كل دول ولقيت عيونه مرغرغة بالدموع ثم قال لى وهو فى شدة الغيظ
شوف يارفعت أناعاوزك توصل رسالة لأخويا وضرورى ضرورى
طبعا يقصد أخوه اللى إبنه مات مع أبنه وليه أنا أوصل الرسالة علشان هو مخاصمه
حبيت أعرفكم بس
تعالوا نشوف إيه هى الرسالة .. خيرياأبو أحمد مالك زعلان ليه
قال بلغنى أن أخويا عاوز يطلع جثة ابنه من القبر اللى مدفون فيه جثة ابنى
وأناعاوز تروح تبلغه وتخليه
يطلع جثة ابنه من عند ابنى
أناخلاص مش عاوز أى حاجة تقربنى للشخص ده
صراحة ياجماعة أنا حسيت نار أشتعلت فى جوفى ولهيب أنطلق فى قلبى
وتملكنى الغيظ والقهر ومعرفتش اشد فى شعرى علشان
كنت رابط راسى بغترة من شدة الحر
ولقيتنى بزعق وقول
لطفك يارب
اللهم إنى صائم
*******************
,اشوفكم بخيرالحلقة الجاية
مع تحيات
أخوكم
رفعت

[Eng Esraa]

لا اله الا الله ...
بصراحة معنديش كومنت ...
تسلم ايدك رفعت
حلقاتك كلها جميلة

[على محمد محمود]

فى منتهى الروعه
تسلم ايدك
وكل عام وانت بخير
تحياتى لك

[همس الحنين]

لا اله الا الله

افضل شئ يقال

قلمك مبدع استاذ فعت

بيوصل الهدف بيسر

احترامى

[phalsteen]

لا اله الا الله
هو في كدة
ربنا يهدي ويصلح الحال
رائع رفعت
احسنت اخي

[العاشق الذى لم يتب]

اقتباس المشاركة الأصلية كتبت بواسطة essoo لا اله الا الله ... بصراحة معنديش كومنت ... تسلم ايدك رفعت حلقاتك كلها جميلة

ربنايبعتلك كونت
ومنورة الدنيا بالبدلة الزرقة
تحياتى

[العاشق الذى لم يتب]

اقتباس المشاركة الأصلية كتبت بواسطة على محمد محمود فى منتهى الروعه تسلم ايدك وكل عام وانت بخير تحياتى لك

اهلا ابو حسن
منورنا اوى
لك تحياتى

[العاشق الذى لم يتب]

اقتباس المشاركة الأصلية كتبت بواسطة همسات فوق القمر لا اله الا الله افضل شئ يقال قلمك مبدع استاذ فعت بيوصل الهدف بيسر احترامى

بارك الله فيك
همسات
شرفنى مرورك
مودتى

[العاشق الذى لم يتب]

اقتباس المشاركة الأصلية كتبت بواسطة nefertiti لا اله الا الله هو في كدة ربنا يهدي ويصلح الحال رائع رفعت احسنت اخي

ربنا يهدى الجميع
اللهم امين
شكرا
سما
تحياتى