الحلقة الخامسة من ورقة الامتحان ومعانا Aya 7ekaya ^_^

[Hearts Whisper]

السلام عليكم


ونمسك المايك ونقوووووووول
عودة وحلقة جديدة من برنامجنا

ورقة الامتحان

وطبعا ضيفتنا النهاردة غنية عن التعريف
هى حكاية .. ومش اى حكاية
حكاية فنانة .. وشخصية محبوبة جدا
كانوا عندهم حق لما قالوا


Aya 7ekaya









حبيبتى يا يويو .. ملفتش اعز منك ادبسه التدبيسة دى
بصى بقا عندك نسختين من الامتحاان .. اختارى النسخة الى تعجبك
شكلها وحلى منها

نور وحورى قايمين بالواجب معاكى يا يويو
الاتنين عملو الامتحان

الموهيم .. يلا بقا ابدأى حلى وموش عاوزة اى غش
انا عينت اعضاء المنتدى كلهم رقابة عليكى




ودا شكل تانى للورقة



وبكدا تكون انتهت خامس تدبيسة فى برنامجنا

ارجوو عدم الرد الا بعد دخوول آية وحل الورقة

يلا بقا اطييير انا

..........................

Hearts Whisper

[Aya 7ekaya]

احم احم اسفه بجد اتاخرت جدا
انا هجاوب الاسئله هنا بقا مش هعرف اجاوب ف الورقه علشان مشكلتى ف الجهاز عايز نسخه ومش بينزل صور

الموهيم

- Aya 7ekaya هى : بنوته عاديه ^^

طفوله آية كانت : كنت شقيه جدا ومتدلعه من الكل بصراحه لحد تقريبا ما دخل المدرسه وحالى اتغير كتير وبقيت كئيبه

مراهقه آية كانت : كانت عاديه بردو الحمد لله يمكن البيت والاهل هم الاصل فى المرحله دى

رضا آية عن نفسها بنسبه : اممممم بالنسبه لايه بالظبط بس لو بشكل عام اقول مثلا 90 % يمكن ال 10% دى بس ف علاقتى بربنا وشويه حاجات صغيرة محتاجة انها تكون احسن

شخصيه آية تشبه : تشبهنى أنا بس ^^

الثقه بالنسبه لآية تنتهى عند : لا مش فاهمه السؤال بصراحه ^^
................
السؤال التانى
السياسه : لعبه بدون قوانين

الحياه : قطر وفى نهايته محطه لازم هيقف عندها

منتدى بنات مصر : عالم مختلف عندى عن اى حاجة تانيه ف حياتى عرفت فيه ناس تقريبا عمرى ماكنت هقابلهم ف الواقع

علاقه الحب بالكرامه : علاقه مهمه جدا الكرامه بالنسبالى اهم من الحب الا فى حاله واحده لو انا متاكده ان الطرف التانى عمرة ماهيهين كرامتى وقتها ممكن يكون فى فرق كبير

النت : ادماااان

الصداقه : روح الحب

المتحرش : مالوش وصف بالنسبالى غير كلمه واحده " حيوان "

مصر : بلدى اللى اتولدت فيها وبعشق ترابها وبتمنى تمون يوم احسن بلد ف العالم


..............
السؤال الثالث
ماذا تفعلين لو تم غلق قسمى الديكور وعالم الطفل ؟
هههههههههههههه سؤال جامد هعلن الحداد واغير لونى لاسود

خيرت فى يوم بين حبيبك وصديقك ؟
سؤال صعب مش هقدر اختار بصراحه كل واحد منهم هيكون ليه جانب مهم ف حياتى بس وقتها ممكن يكون الحكم تبع للشخص نفسه مين اقرب بالنسبالى مين اهم مين اصدق معايا


وثقت باحد وخان الثقه دى ؟
بسيب حسابه على ربنا وبفضى حياتى من الاشخاص اللى زى دى اللى خان مسيرة يتخان

جائك احد الاعضاء المقربين واعترف بحبك لك وانتى لا تبادليه غير الصداقه ؟
موقف محير .. انا بتعامل مع الجميع ف حدود الاخوة والاصدقاء ف اكيد هحاول اوصله كده واعتبر الموضوع انتهى وكان شىء لم يحدث

فتحتى فى يوم المنتدى ولقيتى نفسك لابسه اللون الاحمر ؟
ههههههههه هفرح اكيد اول ماشوف كده مع ان اللون الاحمر مش من اهدافى مسؤلياته كبيرة جدا

اجبرك اهلك على الزواج من شخص ترفضيه ؟
اولا انا متأكده اهلى عمرهم ماهيعملوا كده ثانيا انا بثق جدا فى اى قرار اهلى ممكن ياخدوة ف موضوع زى ده لانى متاكده مش هيعملوا حاجة ضد مصلحتى

.......
السؤال الرابع
تسميه Aya بـ 7ekaya : بصى هو الاسم ده من وانا صغيرة كانت جدتى بتقولى كده " آية حكايه " زى ماقولتلك كنت متدلعه و شقيه وده لانى كنت اجمل اخواتى ( وانا صغيرة بس )

الانقسام اللى حصل فى البلد :
ده هدف اعدائنا انهم يشوفونا كده بنضرب ف بعض ونقتل ف بعض وربنا ينتقم من الظالم

اختفاء كثير من الاعضاء البارزين فى المنتدى :
كل واحد وليه اسبابه فى ناس ممكن عندها ظروف بعدتها عن المنتدى وفى ناس ملت وفى ناس بسبب مشاكل مع بعض الاعضاء والادارة ف بتفضل تبعد

حاله المنتدى الفترة الاخيرة :
امممممممم ، مفيش اهتمام مفيش تجديد افكار جديده زى زمان كان فى روح حلوة ف المنتدى المشاكل الكتير وفى ناس حابه انها تعمل المشاكل دى للاسف

.................
السؤال الخامس
مارأيك قى
رئيس مصر الحالى :
مش كنت حابه اتكلم ف السياسه لان انا كنت قررت كده فعلا مش هتكلم ف المنتدى ف السياسه لكن الكل عارف راى انا دى اول سنه تقريبا يكون ليا حق الانتخاب و كان نفسى احس بانى مصريه لما يكون ليا صوت هيتسمع لكن مش هقول غير ربنا عارف الظالم والمظلوم حتى لوانا اخطأت او غاب عنى الحق ف ربنا هيحاسب كل واحد على عمله

حاله البلد ومابها من تطورات :
زفت .. ماحدش ينكر كده الفقير والغبلان بيتداس عليه وهو بس ال حاسس وهو اللى هيموت م الجوع

آية وعلاقتها بسياسه بلادها :
زهقت من السياسه وبعدت مابقتش بتابع زى الاول الاخبار كلها تحزن يمكن كلنا محتاجين نسيب السياسه ونقرب من ربنا علشان حالنا يتصلح

قسم الديكور :
اكتر قسم بحبه بجد رغم انى قبل ماكون مشرفه عليه مش كنت بدخله ، بس حاليا الحمد لله اقدر اقول انه قسم مهم ف المنتدى ومن انشط الاقسام الغير حصريه

ادارة بنات مصر :
بيعملوا اللى عليهم واكتر لكن بطريقه رسميه شويه زى ماقولت لو خرجنا من حاله الرتابه اللى المنتدى فيها هتكون احلى

اعضاء بنات مصر :
احلى اعضاء بدون مجامله

التدبيسه اللى دبستهالك دى :
ههههههههههههه كلو منك حلو ي شيمو

برنامجنا ورقه الامتحان :
فكرة حلوة وجميله اوى اهو علشان مانساش شكل ورقه الامتحان ف الاجازة

[ana aboodya]

طبعااااااااااا مبدعه كالعاده Hearts Whisper

الاسئله جميله والاجابات اجمل

[Ŗăήćy]

الاسئلة جميلة ومتنوعة..وده المتوقع منك دايماً ياشيماء

آيه يا احلى حكاية
اجاباتك كلها عجبتنى بجد تسلم ايدك ياحبى
منورة الحلقة وربنا يحققلك كل احلامك يارب ويوفقك دايماً
ومايحرمنيش من وجودك الرخم

تسلمى ياشيماء فى انتظار الحلقة الجاية

[حلم عمري]

جاامدة الاسئلة دي تستاهلي يا يويو
اية طبعا من احلي الناس اللي عرفتها هنا
بنوتة طيبة وجميلة اووي
عجبتني بجد اجاباتك شكلك كدة شطورة ^^
ربنا يخليكي لينا دايما ياارب وتحققي كل اللي تتمنيه يا ميس ^_^

حلقة جميلة شيماء وكمان عجبتني فكرة البرنامج
تسلموا يا بنات

[Hearts Whisper]

اقتباس المشاركة الأصلية كتبت بواسطة Aya 7ekaya احم احم اسفه بجد اتاخرت جدا انا هجاوب الاسئله هنا بقا مش هعرف اجاوب ف الورقه علشان مشكلتى ف الجهاز عايز نسخه ومش بينزل صور

لالالا كدا كدا مكنتش عاوزة الاجابة فى الورقة
دى اشتغالة بس عشان الحلقة
الموهيم عجبتنى اجاباتك اوى
حاساكى حد تانى غير الى اعرفه
نورتينى يا يويو وكل تدبيسة بقا وانتى معايا

[رآقيہ بأخلاقـى]

طبعاً الاسئله انا شوفتها بما انى عملت ورقة منهم
ومش محتاجة رآيى فيها يا شيماء جميلة جداً
اما بالنسبة لاجابات ايوش بجد روووعة فيها روح حلوة
ظهرت لينا مين هى آيـه اكتر
الحلقة جميلة يا قمر والضيفة اجمل
تحياتى لكِ ولضيفتك العسوله آيـوش .~

[Mind language]

اسئلة جميلة جدا تسلم ايدك يا قمر
واجابات فى منتهى الجمال من اية
استمتعت بقرأتها ربنا يوفقك يا يويو
فى حياتك باذن الله موفقة دائما

[اميرة الحب الضائع]

لالا برنامج جامد بجد

وايه ضيفه مميزه

وحلو اوى ورقه الامتحانات دى نخلص منها فى المدارس طلع كمان هنا

بس ايه باين عليها متفوقه وجوبت كل الورقه منغير غش فى ان

لا بجد اسئله كميله واجبات اجمل

تحياتى

ميرا

[big bốss]

امتحان جامد يا شيماء عجبنى

و الطالبه يويو شطوره و عسوله

بالتوفيق ليكم