هوايتك ايه؟

[™Amiliya]

خواطر النهاردة كان الموضوع عن
الهواية
عجبتني اوي الحلقة وعرضه شقيري لبعض الهوايات

طول الحلقة وانا بفكر في هوايتي ايه .؟
زمان لما كنا في المجرسة كانو بيسالونا زميلنا انت هوايتك ايه الي كان يقول الرسم والكتابة والقراءة والي كانت هوايته يجمع اي حاجة قديمة عندهم او عند حد يعرفهم

كانت اشهر هواية في الوطن العربي وحتى في التعارف الرسم والسفر والكتابة والغناء

حاليا اتطورت الهوايات واتعددت وبقيت حاجات كتير غريبة بيمارسها الانسان تحت بند الهواية

في ناس معندهاش هواية ولما تسالها هتسكت كتير وتدور جواها عن حاجة ممكن تكون هواية بس في الاصل هما بلا هواية

الهواية هي تهذيب للهوى

الكلمة دي وقفت عندها كتير اوي يعني لو عندك هواية هتمارسها باتقان فـ هتبعدك عن الحماقات الي ممكن ترتكبها

ودا المطلوب من كل انسان عدم ارتكاب الحماقات في حق نفسه

ونقطة تانية

في مننا الي بيخجل من هوايته في ناس فعلا شفتها بتتكسف توريك صورة رسمتها او صورة صورتها او تسمعك صوتها لو بتغني او توريك حاجة كتبتها او تقولك انا هوايتي مثلا اسرح شعر واعمل ضفاير او اخيط او احلق... الخ

الخجل عمرو مهيطور حاجة بنحبها طالما الي بنعملو مقتنعين بيه ومفهوش حاجة تخجل حقيقية ( لان مفهوم الخجل بيتلخبط فيه الناس في تحديد هويته)

خليك قدها واظهرها مش يمكن تكون عند غيرك وتمارسوها وتتنتشر وحد يمارسها تاني وهكذا

في حاجات جوانا منعرفش انها عندنا ونقدر نعملها ونشتغل عليها الا لو حد سلط الضوء عليها سعتها بتطلع للنور

متخبيش حاجة ربنا ادهالك هدية شكر الهدايا في وجهة نظري هو انك تتكلم عنها وتوريها للناس

واسئل نفسك ودور جواك واعرف هوايتك الحقيقية ايه؟

/

رؤية مسائية
مسائكم عطر

[شهيده تحت الطلب]

فعلا كلام صحيح
وانا هوايتي الرسم والقاء الشعر :d
تسلمي لفضفضتك الجميييله

[اميره الشعر الشجين]

موضوع قمه الجمال انا عن نفسى هوايتى الحقيقه انى انكد على اخواتى يدوم التميز ياقمر

[رآقيہ بأخلاقـى]

فضفضه جميله ايميليا
انا من ضمن الناس اللى متعرفش ايه هى هوايتها
بس بحب قراءة الشعر وكان نفسى اتعلم القاء الشعر وحاولت وكتبت كام حاجة على قدى
وبحب الرسم وبردو بحاول فيه وبعمل رسومات على قدها
اكيد جوايا هوايه منهم بس كانت محتاجة انها تتنمى
لكن للاسف محدش نماها لحد ما ماتت جوايا
يلا الحمد لله على كل حال واللى عايز يتعلم حاجة هيتعلمها
طالما فى ارادة وفينا عين وايد
تسلمى على فضفتك الراقيه يا قمر
تحياتى ..~

[۩۩ elMagic ۩۩]

معاكى حق
والهوايات بتبقى فطريه ومكتسبه
فيه اللى بيتولد وجواه هواية الرسم او الغناء او الشعر ...ألخ
وبيبقى دوره فقط هو تنمية الهواية دي من خلال ممارستها ،،
وفيه اللى بيبقى معندوش اى هوايات او بيدور عليها جوا نفسه
وبيكتسبها من الحياه والتعامل مع الأشخاص
وأحيانا أفضل صديق أو عزيز ليك هو اللى يكتشف هوايتك دي
ويوعيك ويلفت إنتباهك ليها وانت تبدأ تشتغل على الهوايه وتمنيها بعد كده
الخلاصة إن الهوايات دي عالم تاني مجرد السؤال نفسه اللى بيبقى مكون من كلمتين فقط "هوايتك إيه "
بيبقى محتاج تفكير ووقت طويل علشان الواحد يعرف يجاوب عليه بإستفاضه .. فضفضه جميله
تسلمى إيميليا

[حلم عمري]

كلامك جميل اووي
وعندك حق اكيييد
ومن المؤكد ان كلنا ربنا خلقنا وميزنا بحاجة
بس الواجب علينا اننا ندور علي الحاجة دي ونطورها
وهي دي الهواية
تسلمي للطرح ايمي
يدوم التميز

[™Amiliya]

اقتباس المشاركة الأصلية كتبت بواسطة شهيده تحت الطلب فعلا كلام صحيح وانا هوايتي الرسم والقاء الشعر :d تسلمي لفضفضتك الجميييله

جميل الرسم فيه احساس اكتر منه مجرد فرشة او قلم يترسم بيه
والقاء الشعر عايز مجهود جبار

اسعدتني هواياتك نورتيني ياجميلة

[اذار .]

موضوع جميل جداً ايميليا
السؤال الي يحتار فيه اغلب الناس و انا من ضمنهم
ماهي هوايتك ؟
البعض منا يجهل ماهي هوايته و ربما هو يمارسها يوميا و لا يدرك ب انها هوايه
و البعض الاخر كما تحدثتي يخجل من الكشف عن هويته ل ٲي سبب .

الهواية هي تهذيب للهوى***

عجبتني جدا هذي الجمله ،
بالفعل ممارسة الهوايه ب اتقان تبعد النفس عن الحماقات .

- جميل جدا ما كتبتي ايميليا ، سلمت لهذا الموضوع القيم .

[™Amiliya]

اقتباس المشاركة الأصلية كتبت بواسطة اميره الشعر الشجين موضوع قمه الجمال انا عن نفسى هوايتى الحقيقه انى انكد على اخواتى يدوم التميز ياقمر

ههههههه في احلى من كدا هواية دي المتعة بذاتها

منوراني

[™Amiliya]

اقتباس المشاركة الأصلية كتبت بواسطة ♥ ήóūя ♥ فضفضه جميله ايميليا انا من ضمن الناس اللى متعرفش ايه هى هوايتها بس بحب قراءة الشعر وكان نفسى اتعلم القاء الشعر وحاولت وكتبت كام حاجة على قدى وبحب الرسم وبردو بحاول فيه وبعمل رسومات على قدها اكيد جوايا هوايه منهم بس كانت محتاجة انها تتنمى لكن للاسف محدش نماها لحد ما ماتت جوايا يلا الحمد لله على كل حال واللى عايز يتعلم حاجة هيتعلمها طالما فى ارادة وفينا عين وايد تسلمى على فضفتك الراقيه يا قمر تحياتى ..~

نميها انتي حياتي محدش بينمي لحد هواية الهواية دي صنع ايدينا انتي اعملي واجتهدي واظهريها حتى لو انتي شايفة انها محتاجة تعديل او تظبيط او مش اوي من منظروك طبعا الشخصي اعرضيها وخدي اراء الي حواليكي صدقيني كل المحاولات بتاعتك مع اراء الي حواليكي هتتحول لنتيجة مفرحة وعن تجربة

منوراني ياجميلة