شباب لولاكى وكنتاكى

[ساحر الأحزان]

بسم الله الرحمن الرحيم

الشباب دة شباب معندوش طموح

الشباب دة شباب متسرع؟

الشباب دة عديم تحمل المسئولية ؟

شباب عضمة طرى وما بيتحمل أى مشكلة ؟

كلام بيتقال عن الشباب أنة عديم المسئولية وعديم الطموح ؛وأنة ضعيف ومتسرع ؟

الشباب حاليا كل شىء متاح قدامة من وسائل علمية متطورة وأنفتاح عالمى تعليم خاص وتعليم عام سفر ورحلات وتجارب ذو فائدة عامة وأطلاع عام؟

هناك شباب مقلد يعنى بيحب يعمل ألى بيشوفة قدامة زى الموضة والتشبية بالنجوم المحببين لية ؟

وهناك شباب مجتهد وطموح بيسعى بكل قوتة وجهدة فى تحقيق ذاتة ؟

هو كل جيل من الشباب لازم يكون كلة ناجح بنسبة كاملة ولا فاشل بنسبة كاملة؟

الشباب هو عماد الأمة محتاج ألى يمسك بأيدة وينصحة لأنة أملها فهو مستقبلها الواعد

فلية ألى عندة خبرة وألى عندة تجارب ما يقف ويساعد هو عملية تلاحم الأجيال مش كل جيل بيكمل الجيل ألى بعدة بيتعلم من خبرتة وتجاربة


لية بدل ما نحط العامل السلبى نغيرة و نحط العامل الأيجابى وخصوصا أن هناك شباب مخترعين وناجحين ومحتاجين فرصة فلية بدل ما ناخد بأيدهم بنقتل الأمل جواهم ؟

مش نديهم فرصة ونقتل الطموح جواهم ونحطهم فى موقف مسئولية ونتابع معاهم

والنجاح حيحسب للجميع أى خطوة فى سبيل التقدم مش سهلة زى ما هى مش صعبة ؟

هى محتاجة نضوج للخبرات الواعدة أنها تصقل وتصبح فى موقف مسئولية ؟


يمكن الواحد بيستغرب لما بيشوف فى شركات ولا وزارات أجنبية مديرين شباب وناجحين نجاح باهر

أنما هنا لازم المدير يتعدى الخمسين ولا الستين من عمرة دحنا حتى عمرنا ما شفنا وزير ولا محافظ شاب ألى بنشوفة بيتعدى الخمسين ولا الستين ولا حتى السبعين ؟أمال الشباب حياخد فرصتة أمتى لما يعجز ولما أفكارة تنضب

وبعدها نفكر نعين بعد ما خلاص الوقت يكون أنتهى ؛

الشباب محتاج فرصة محتاج أنة يعبر عن نفسة محتاج يكون فى موقع مسئولية محتاج يفجر طاقتة ونشاطة محتاج الثقة من أصحاب الثقة ؛

تحياتى

[Eng Esraa]

الشباب ف منهم اللي محتاج فعلا
حد يوجهه و يفضل معاه فترة بس
للوصول للنجاح .. لاكن المشكلة ف شعبنا
انهم علشان يقولوا يتاكدوا ان حد ناجح
عاوز يشوف نجاحه الاول طيب ما انت ممكن تساعده
علشان تقدر تشوف نجاحه معاه .. لا هو عايزة ينجح
و يقوله انا نجحت من غير ما يشوف ولا يعرف ...
تسلم امجد ع التوبيك

[™Amiliya]

محتاج فرصة الشباب عشان تتغير النظرة السوداية فيهم

راقني جدا ماقرات امجد تسلم بجد

[الآمير العآشق]

بداية منور المنتدي الجديد امجد

والتعريفات الي قلتها عن الشباب باول التوبيك
عن نفسي بشوف انها فعلا موجوده فينا اقصد بالشباب
وموش هننكرها عشان نقدر نعدل منها ونقومها
يحني مثلا الرجل الكبير الخبره بالحياه
من وين اكتسب هذي الخبره / ياتري فجاه
لما وصل لسن كبير اتته الخبره
اكيد مر بمعاملات وتجارب اوصلته للخبره او احيانا للحكمه

ودا المطلوب للي اكبر منا / اعطاء الفرصه لكل شاب
حطه ف موقع العمل واعطيه من خبرتك وجربه
لكن للاسف احنا في نظام سياسي واقتصادي بالبلد
نقدر نقول عنو نظام عقيم لن يولد مخترعين
او اصحاب ابداعات

اكيد بيدء الاصلاح مع تغيير النظام العقيم
وتغيير نظرة الاعتماد علي عواجيز مصر
في اداره شئون مصر

طرح راقي وهام امجد
موفق دائما

[انا دنيته وهو حياتى]

اكيد فى شباب كتير فى مصر عنده طموح وعاوز البلد تتقدم بينا
بس محتاج اللى يدعمه ويساعده على كدا

زى اعلان مدينه زويل اللى نزل فى رمضان السنه دى
الشاب اللى عمل اختبار ذكاء وطلع اذكى طفل فى العالم واقترحو عليه يسافر بره
وهو رفض
وحب انه يتقدم فى بلده

[youtube]

[اذار .]

موضوعك قيم امجد
ما هو في هذي الدنيا ما في شيء مكتمل
لما تجد الشباب الطموحه و الي عايزه تحقق نجاح يخدمها
و يخدم البلد ، ما راح يكون فيه اما حد يدعم هذا الشباب او سيوله
لاهدافهم و طموحاتهم .
- ٲو ممكن تحصل ناس بتدعم و بتشجع بس ما تحصل شباب عندهم طموح
و لا عايزه تشتغل و عايزه تاكل و تصرف ببلاش دون الاحساس بالمسئوليه

نادرا بتلقى شخص طموح و حد بيساعده و يشجعه .

- سلمت امجد

[ملاك صعبة الإمتلاك]

في مره سالوا عالم من الغرب ..
ليه انتم مخترعين وبارعين تعرف ايه الرد ؟؟!
..
قالهم لان انتم بتحطموا الناجح حتى يفشل ..
واحنا بنرفع من معنويات الفاشل حتى ينجح ..
فدي عاده في المجتمع العربي بشكل عام وانا بتمنى لو نقدر تنخلص منها

[✿ Celiηα]

والله كلامك مظبوط جدا
وموضوع يستاهل الطرح والنقاش
اكتر حاجة سيئة اساسا مش للشباب بس
انما لأي شخص كان انك تقتل طموحه
لانك مهما كنت شايف الطموح او الحلم ده صغير
بكرة هيكبر وهتعرف قيمته بالتالي لازم فعلا ياخدو فرصتهم
موضوع راقي استاذ امجد تسلم ايدك ..

[حالمة باميرى]

موضوعك راقنى امجد
احنا عندنا شباب تقدر تبنى مصر من جديد
بس مدفونة مستنين الفرصة
لو نبقا بس زى الغرب مكنتش هتبقا نسبة البطالة كبيرة كدة

[العاشق الذى لم يتب]

للاسف كلامك مظبوط
كتيرمن الشباب لايتحمل اى مسئولية اطلاقا
وعايش بدون هدف
وده من اكبر مصايب المجتمع
شكرا امجد
لطرح عظيم
تحياتى وودى