فى ضيافه رودي وطبق اليوم

[الأميرة رودي]

السلام عليكم ورحمه الله مسائكم معطر بالورد والياسمين اعضاء بنات مصر الكرام النهــارده هنكون فى رحله مطبيخيه سريعه وطبق اليـوم مع [Nefertiti ] مع طبقها المفضل برمضان وكل يوم هيكون معانا عضو/ه ويتحكيلنا عن طبقه المفضل مع مكوناته والمقادير وطريقه التحضير عشان الكل يستفاد منه واللى مش بيعرف يتعلم النهارده هنشوف القمر سما أكلتها المفضله ايه وبالصور والخطوات من مطبخهــا فى انتظـــارك سمــا

[phalsteen]

مساء الخير ومن ضمن عجائب الدنيا واخر الزمن سما تدخل المطبخ بس وربنا ما هتحصل بعد كدا انا عملتها تحت ضغوط اخوانا اولا : خوف من الشبشب اللي كانت هتضربني بيه زوزه اي تيته ثانيا / توريطه من رودي ثالثا : عشان افرج براءة طفله مواهبي رابعا | عشان تتعلموا مني وتعدوا الجمايل دي خامسا / عشان كل عضو هنا متجوز ومراته بتعرف تطبخ يحمد ربنا علي النعمه اللي في ايده اولا : المكونـــــــــــــات بجد مش عارفه انا كنت بعمل زي ما تيته بتقولي واساسا حفظت الخطوات بالعافيه فسبونا من المكونات دي بئه المـــــقادير هو مش المكونات هيا المقادير برضو عموما سبونا منها هيا كمان الخطوات بئه : لا يختي متسبوناش منها دي هقولها اول حاجة هتجيبي الرز من عم عبده اللي تحت البيت ومتنسيش قوليله تيته بتسلم عليك وعلي عيالك وعلي طنط ام علي بعدين هتطلعي للدور التالت ودحسبي علي الواد من الشمس وانا مش عارفه ايه لزمه تاخدي محمد معاكي امهات اخر زمن جتك وكسه ثالثا / هتجيبي كوبايتين رز وتحطيهم في ميه لمده نص ساعه ومينفعش ساعه عشان تيته قالت كدة بعدين هتحطي التوابل في حته زبدة ومعاهم معلقتين زيت عشان متتحروقش التوابل ( ورقه اللوري ام ريحه حلوة دي ) وقرنفل وحبهان وتقلبيهم مع بعضهم عشان تبقي ريحتهم حلوة وبعدين تحطي الرز وتقلبيه معاهم عشان يتعدي من ريحتهم اللي بتجيب عطسه ددي وبعدين هتحطي الشوربه ولما يغلي وطي اوي عشان الرز هيتحرق ومش هيستوي وقرب ما يستوي حطي طرف المعلقه بودرة زعفران وحطي الزبيب بئه واوعي يتعجن يا سما وحسبي لحمني يقع في الحله واغرفي طبق لاحمد عشان يشوف عمايلك السودة نيجي بئه للفــــــــــــراخ ودي انا اتفرجت بس ايمانا مني بمبدأ العدل والمساواه انا اتفرجت بس واقنعت زوزه اني هعملها لوحدي المرة الجاية هتجيبي الفراخ وتقطعيها وتحطيها في الصنيه وبعدين تحطي ملح وبهارات كمون وفلفل اسود ومتنسيش اليمون ومعلقين زيت زيتون ودخليها الفرن بئه ودي شكلها اخيرا وبس بئه انا زهقت

[العاشق الذى لم يتب]

ايه ده
سما طلعت شيف محترف
هو مافيش عزومة للرجالة هنا ولاايه
جوعت اناكده
قصدى شبعت على الريحة
ومش هعرف اتسحر
منورة سما
ومنورة سارة
وكل يوم وانتم طيبين
تحياتى

[الأميرة رودي]

يجامد انت
ايه الاكل الجامد ده
والله وعرقتى تدخلى المطبخ أسماسيمو
تسلمي ياحبيبه قلبي
وألف هنا على قلوبكم♥♥

[همس الحنين]

الله يا رودى

برنامجك عاجبنى من اول حلقه

سمسمتى منوره حبيبتى

وانتى اكيد شيف ممتاز

الوصفه شكلها لا يقاوم

منورين يا غالين

[انت احلى الناس]

يا سلام يا سلام
ايه الجمال ده
تسلم ايدك

[انجي_1]

الفراخ شكلها يجنن
تسلم الايادي

[اميرة الحب الضائع]

ياسلام ياسلام

الاكل شكلو روعه ايه يا سما مش نويه تعزمى الاعضاء ولا ايه

لالا برنامج روعه يا رودى وسما ضيفه مميزه

مستنين بقا الحلقات الى جيه وعزومه سما

تحياتى

ميرا

[حافظة القرآن]

ايه الاكل الحلو دة
انا عايزة شوية منو بقا
شكله جميل واكيد طعمه كمان جميل
حلقة جميلة منكوا
تسلموا

[Hearts Whisper]

يا سلاااام سلم عليك يا سمسم ... :d
حيبى يا بت وكفاءة .. بس الفراخ مفيش
فيها حاجة على فكرة دى بهرات واقلب فى الفرن
الموهيم شكلها يجنن اوى جوعتينى
هاتيهم بقا اسحربهم ويقولو انى اتجننت وهتسحر فراخ
تسلم ايدك يا سمسم .. وتسلم ايدك يا سارة
على الاستضافة العسل دى بالتوفيييييييق