احساسى صحيح علي كرسي الاعتراف

[War ROFL]

موضوع جميل
ولي عوده بالاسئله ان شاء الله

[احساسى صحيح]

اقتباس المشاركة الأصلية كتبت بواسطة حنان الجزائرية اهلين ياسر منور يلا جاوب بقا عدد اخواتك واخوانك؟ شيئ تتمناه يتحقق ؟ هل تواجه صعوبة في حياتك ؟ وشو هي ؟

الله يسلمك حنون
النور نورك اكيد
انا قبل الاخير فى اخواتى
لى اخت وحيده واربع اولاد غيرى
توفى شقيقى الاكبر من حوالى السنه
الحياة كلها مشقه وحاليا زادت صعوبتها جدا
ولكن بالعموم ربنا بيهون كل صعب
الاهم الايمان بالله
نورنى حضورك الكريم اختى الكريمه
تحياتى لكى

[احساسى صحيح]

منور الكرسي ياسر
تسلم ع المجهود ماجد

الله يسلمك هبه النور نورك

أسئلتي:
إمتة بتحب تكتب يعني إيه اللي بيلهمك للكتابه؟

طبعا بالنسبه للكتابه فى الشعر والخواطر
لما يجينى احساس او موقف عاطفى
بحب انى اعبر عنه واصوره
فى صورة خاطره او قصيده
اما بالنسبه لاى موضوع نقاشى او مقاله
فده بيرجع لحدث بيمر بيه المجتمع ومأثر فى الناس
فأنا بحب اعبر عنه واناقشه

لو الكذب ممكن ينجيك من حاجه مستعد تكذب؟

احيانا الانسان بيتحط فى مواقف بيضطر معاها انه يكذب
علشان يتخلص من موقف ما
اكون كذاب لو انكرت انى مش كذبت من قبل
بس كنت صغير يمكن ومفيش خبره او تجربه كفايه
واحيانا ممكن اضطر اكذب علشان انقذ ناس بعزهم
او لهم تقدير كبير عندى وضعوا فى موقف ممكن يسبب اذى لهم
يعنى ممكن كانقاذ موقف فقط

لو قالولك القتل بقا مباح تقتل مين..مع اني ماظنش انك تقتل

ديننا بيمنع قتل الناس إلا بالحق
يعنى يكون شخص ارتكب جريمه وعليه شهود وفيه اثباتات عليه
حتى التنفيذ انا مش موكل بيه اكيد جهة التنفيذ القانونيه
اكتر حاجه بكرهها ان الناس تستسهل القتل او تسفه من ارواح البشر

قال تعالى

( ولا تقتلوا النفس التي حرم الله إلا بالحق ومن قتل مظلوماً فقد جعلنا لوليه سلطاناً فلا يسرف في القتل إنه كان منصورا )سورةالاسراء 33

عن عبد الله بن عمر قال: "رأيت رسول الله صلى الله عليه وسلم يطوف بالكعبة ويقول: ما أطيبك وأطيب ريحك! ما أعظمك وأعظم حرمتك! والذي نفس محمد بيده لحرمة المؤمن أعظم عند الله حرمة منك، ماله ودمه وإن نظن به إلا خيرًا" [رواه ابن ماجة]، وعنه أيضا قال: قال رسول الله صلى الله عليه وسلم: "لن يزال المؤمن في فسحة من دينة ما لم يصب دمًا حرامًا"، قال ابن عمر: "إن من ورطات الأمور التي لا مخرج لمن أوقع نفسه فيها سفك الدم الحرام بغير حله" [رواه البخاري].

افضل خمس اعضاء عندك ؟
والله فى اعضاء كثيرين جدا مفضلين عندى واخاف انسى حد
يزعلوا منى
بالعموم معظم الاعضاء والغالبيه مفضلين عندى اكيد

بس كفايه تعبت انا

منور تاني ياسر
تحياتئ

الف سلامه عليكى هبه
ونورتى اكيد
تحياتى لكى

[Hearts Whisper]

دايما بيعجبنى آراء حضرتك .. كنت حابة اسأل
طبعا مفيش اعتراض عن ان رئيس الانقلاب نجح نجاح جبار
فى انه يفرق الشعب ويقسمهم اتنين .. ياترى ايه سر النجاح دا
والعوامل الى ساعدته على كدا ؟!!

تقبل مرورى

[احساسى صحيح]

منور ياسر الكرسي واجاباتك مميزة حقيقي

الله يسلمك ايمليا النور نورك
حمدالله على سلامتك والف مبروك عليك القسم الجديد
ان شاء الله ربنا يوفقك فيه

- مين اكتر شخصية اثرت في حياتك في فترات المراهقة ووجهة سلوكياتك واسلوبك في الحياة ومبادئك؟

اكيد والدى انا اخذت منه كل مبادءه وطباعه وميوله
وكل شىء
انا والدى اطلق عليا الاسم حبا فى الرئيس الراحل العظيم ياسر عرفات
لجهاده الكبير طوال حياته ضد الصهاينه من اجل تحرير فلسطين

- رمضان تهذيب واصلاح ( ايه رايك في الجملة دي)
طبعا اكيد مين يقدر يقول غير كده
الشهر الفضيل والصيام عموما هو من اداب التهذيب واصلاح شأن اى انسان
وتعويده على مجابهة شهوات النفس ومقاومتها

- عامل الناس حسب عقولهم (ياترى انت بتعامل الناس ازاي وهل معاملتك للناس قللة باغيضيك ام زادت محبيك)
نقطة عامل الناس حسب عقولهم هى نقطه ايجابيه جدا ايميليا
بس مش اى شخص عنده القدره انه يعمل كده او يتحمل ده
ربنا خلقنا مختلفين فى الطباع والشخصيات
انا اتمنى ان تكون علاقتى بالناس كلها كويسه
بس مفيش انسان فى الدنيا علاقته بكل الناس هتكون بنفس المتانه او الجوده او القبول
بسبب الافكار والتوجهات والميول والمبادىء والمصالح
كل دى عوامل مؤثره فى علاقة الناس ببعضهم بعض
احيانا تضطرى انك تتعاملى بغلاظه ودى مواقف انتِ بتضطرى لها
مهما اى حد يقولك طنش كبر اكيد مش حقيقى
ضعى إللى بيقولك كده فى موقف مع شخص بغيض ومسىء
وشوفى ردة فعله هتكون إزاى
انا ماشى بمبدأ عامل الناس بما تحب ان يعاملوك
يعنى انا بتعامل مع كل الناس بشخصيه واحده
إلا فى حاله ان احدهم اساء ليا او اساء التعامل معايه
اكيد هيكون ليا تصرف وطريقه اخرى
يمكن يكون فيه غيرى قادر انه يبعد او يبتلع الاساءه
لكن انا الحقيقه تركيبتى الشخصيه بترفض ذلك
ودى طباع فيا اتربيت عليها انى لا اترك حق ليا او اى شخص اساء ليا
لازم اخد حقى منه ولو بعد حين ..



- عرف لنا الحب العفيف؟

الحب العفيف إللى بيكون ليس فيه رغبه او مصلحه
والغرض منه معروف وهو الزواج
اما اى حب له معانى اخرى فلا اعترف به .



/

منور الاستضافة

سعدت جدا ايمليا اولا بحضورك لأنه بيمثل ليا حاجات كتير جدا
وثانيا باسئلتك لانها كانت قيمه جدا ومفيده جدا
اشكرك وكل سنه وانتى طيبه

[احساسى صحيح]

اقتباس المشاركة الأصلية كتبت بواسطة ساحر الأحزان أستضافة جميلة ماجد مع ياسر بتمنى لية التوفيق بحياتة

تسلم امجد منور الاستضافه

[احساسى صحيح]

اقتباس المشاركة الأصلية كتبت بواسطة أذار . و ضيف جديد معاك يا ماجد يعطيك العافيه على هذا المجهود الجميل . بالنسبه لك يا ياسر انت منور طبعا و مش هسئلك اي سؤال لان الاعضاء سئلوا كثير و انا هسلم و امشي يعطيكم العافيه .

اهلا اهلا باختى المحترمه اذار
ربنا يسلمك
شرفنا كثيرا حضورك الكريم
الله يعافيكى
انرتى باطلالتك الراقيه
دمتى بالف خير

[احساسى صحيح]

اقتباس المشاركة الأصلية كتبت بواسطة ♥انا دنيته وهو حياتى♥ استضافه جميله منك يا ماجد وياسر منور كرسى الاعتراف بس انا مش عارفه اسالك ايه بس انا من ساعه ما شفت اسمك وانا نفسى اسألك ليه اخترت الاسم ده؟ بس انجى سالته قبلى تسلم ع المجهود يا ماجد يدوم تميزك..

هههههههههه
ولا يهمك ايه
المهم انتى حاضره بروحك الجميله وتشجيعك ولايكاتك الحلوه
تابعينا بقى مع الاجابات
تحياتى لكى

[انا دنيته وهو حياتى]

اقتباس المشاركة الأصلية كتبت بواسطة احساسى صحيح هههههههههه ولا يهمك ايه المهم انتى حاضره بروحك الجميله وتشجيعك ولايكاتك الحلوه تابعينا بقى مع الاجابات تحياتى لكى

ميرسى ليك يا ياسر
بس حضرتك مش رديت على سؤالى

ليه انت اخترت الاسم ده؟

[احساسى صحيح]

اقتباس المشاركة الأصلية كتبت بواسطة ♥انا دنيته وهو حياتى♥ ميرسى ليك يا ياسر بس حضرتك مش رديت على سؤالى ليه انت اخترت الاسم ده؟

انا جاوبت عليه ضمن اسئلة انجى يا ايه

-سبب اختيارك لهذاالاسم ؟

الحقيقه هو كان اختيار ناس تانيه وانا حبيته
لانى كنت مسجل بمنتدى اخر وكنت بكتب شعر وخواطر
ودايما كان الردود بتقول ان احساسى صادق وصحيح
فلما سجلت هنا بالمنتدى حبيت انى اسجل بالنيم ده
احساسى صحيح