لــــــو

[Stop Ana Eltop]

\

رفقا بانفسنا

دايما اى حاجه فى حياة اى شخص صعب تكتمل

يعنى فى عز فرحتك بيجى الى يزعلك ويعكنن عليك

فى عز زعلك بيجى الى يفرحك ويطبطب عليك

فى وسط ما الحياه سهله بتيجى الصعاب ووسط ما الحياه صعبه بيتفتح باب نور

دايما كلمة لو بتقلل من كل شئ حلو بالحياه حواليك

لو كنت دكتور طب لو كنت مهندس طب لو كنت روحت بدرى لو كنت بنت او لو كنت ولد

طب بس يعنى لو كنت جبت درجتين اعلى لو كنت ذاكرت من الاول

عدم الاقتناع بالنصيب والقضاء والقدر بيقلل جزء كبيير من شعور الانسان بالحدث وكمان بيسبب له قلق

يعنى مثلا انا من يوم التلات الساعه 11 وانا راحه جايه اقول انا هشتال مادتين

النتيجه ظهرت جبت 87 اتبسطت جداا مكنتش مصدقه اصلا

شويه وبعد مرور يوم فرحتى نقصت وبدأت دوامة ( لــو ) طب لو كنت زدت درجه فى التاريخ ولا نص فى الجغرافيا ياااه كان زمانى مش عارفه اييه

اول يوم ناس اتصلت تهنى اتبسطت انها فكرانى اصلا وقلقانه عليا حابه انها تعرف انا عملت ايه
الفيس اول ما اتفتح 6 رسايل وتانى يوم 6 رسايل بس المنتدى محدش سأل

الله استنوا وكمان بنت خالة عمة ابويا من ناحية جده التالت بردك ماتصلتش ولا جات

يااه هو انا مش مهمه عند الناس
يعنى مش مهم يسألوا عليا ولا يفرحوا بيا
هو انا اصلا مجموعى دا يفرح ولا ليه افرح بيه اصلا

دايما حاجه جواك هتنقص فرحتك طبيعه انسانيه طبيعه مصريه او طبيعه شخصيه فيا معرفش

الموهيم حاول دايما تتغلب على مشكلة لــو وكمان عدم احساسك بالحدث

مجرد فضفضه

زورى ع العك الى فوق دا بس كنت عطشانه وماشوفتش الوقت والفجر اذن
استحملونى يووم

[-esraa-]

دي طبيعة الإنسان مش بيرضى بالنعمة اللي بين ايديه
ودايماً لو على لسانه حتى تشيل عنه السرور تماماً
الإسلام حرم كلمة لو المذمومة اللي فيها ندم أو اعتراض وغيره
قال رسول الله صلى الله عليه وسلم
"إن أصابك شيء فلا تقل: لو أني فعلت كذا و كذا، ولكن قل: قدَّر الله، وما شاء فعل،

فإنَّ لو تفتح عمل الشيطان"



موضوع جميل ومهم ستوب , تسلمي

[Aya 7ekaya]

بصى موضوعك كله جميل بس لو مش ديما وحشه ومش ديما عدم رضا

مانتى لما قولتى لو كنت جبت درجه زياده
ده تطلع للافضل وانتى بتلومى نفسك على حاجة كان بمقدورك تحققيها
ف الهايه لو بتضم معناى كتير اوى
بحييكى ع الموضوع

[Fatma Fareed]

القناعه دى اهم حاجه
ايوه احيانا بيبقا غصب عننا لما بنقول كلمة لو
بس بنحاول كتير نغيرها ب " الحمد لله "
وانتى مجموعك جميل ماشاء الله عليكى
والف مليون مبرووك وانا والله لو اعرف انك فى ثانوى
كنت اكييد هسالك يا قمر
اتبسطى وافرحى بمجموعك ربنا كاتبهولك
وانتى مش هتغيرى حاجه لما تدايقى

[phalsteen]

لو دي مصيبه لوحدها هبه
دا مدخل لدخول الشيطان
ارضي باللي ربنا بعته حببتي
دا نصيبك
واسعي للافضل
وقولي الحمد لله
ومبروك النجاح يا قلبي

[همس الحنين]

اختى نجحت يا هبه بمجموع 80 فى الميه ودى كانت علمى وازهر

يعنى كليتها محدده سبحان الله كنا بنمر بظروف صعبه وكمان جت النتيجة مش مرضيه لينا

بس الحمد لله على كل حال

ولا تزعلى من ناس يمكن الحياه نستهم احمدى ربك بكل حال

ربنا يوفقك حبيبتى

[ملاك صعبة الإمتلاك]

حبيبتي اجمل حاجه في الحياه ان الا راح
مش هيرجع مهما حصل واحنا في ايدينا ان احنا
نتغير للافضل في المرات القادمهه ..
وبعدين ايه الناس الرخمه الا ما اكمنتشي ع بنووته
حلوووة زييك . ع العموم الف مبروووووووووك يا قلبي

[انت احلى الناس]

مين فينا مبيقلش لو
بس الحمدلله على كل حال
تسلمي على الطرح القيم
والف مبروك
تحياتي

[العاشق الذى لم يتب]

الاول الف مبروك النجاح
والعك اللى فوق ده وانت عطشانة
جميل اوى
وفضفضة ادية وجاية من القلب
والله ينورعليك هوبة
وكل سنة وانت طيبة
ولازم نرضى بالقسمة والنصيب
تحياتى وودى