حكــــــــــــايه جارتنـــــــا

[phalsteen]

مساء الخير حصل معايا موقف غريب ومريب قولت احكيه ليكوا اهو نتعلم منه حاجة ونشوف عجايب دنيتنا الحكــــــــــايه لاتنين من جارينا من يومين حصلت حاله وفاه صعبه اوي لواحدة صغيرة 20 سنه وماتت وهيا حامل وكانت فاجعه كبيرة لاهلها يا حرام وفي نفس الوقت اللي كان فيه الصوت والبكا والنواح لاقيت صوت قريب لاغاني ومهرجانات وناس بتزغرط للأسف فتعصبت اوي وقولت لا حول ولا قوة الا بالله للدرجه دي مبقاش فيه احساس بالناس فضلت استني واستني بس للأسف مكنش فيه اي تغيير فخرجت ابص من البلكونه يمكن افهم الصوت جاي منين بالظبط ع الاقل يكون فيه احترام للـــــقرأن اللي شغال فقليت الصوت من قصاد بيتنا يعني جنب بيت الميت بشقه فـــــــأخدت ابني وقولت هروح اسأل ليه كدة ليكون طفل ولا حد مش عارف ان في ميت قريب واحنا جيران لما روحت لاقيت الست الكبيرة بتقابلني وهيا انسانه فعلا محترمه وانا بعزها اوي فعتابتها علي الاغاني والموضوع دا فقالتلي والدموع سابقه كلامها انها من 3 سنين ابنها الكبير توفي في حادثه وهو في عز شبابه وكان وقتها فرح البنت اللي ماتت دي واهلها محترموش وفاه ابنها وحزنها عليه ومكتفوش بالفرح في القاعه لا صمموا علي الزغرايط والاغاني اللي كانت بتقتل الست وهي في عز جرحها وحزنها وهيا النهاردة بترد اللي حصل معاها بالظبط عشان يعرفوا ان الموت دوار ويجربوا اللي عملوه فيها وقتها جات في بالي الآية اللي بتقول : بسم الله الرحمن الرحيم ( ولمن صبر وغفر ان ذلك لمن عزم الامور ) صدق الله العظيم قولولي رأيـــــــــــكوا في اللي حصل برغم اني شايفه الغلط من الاتنين واحده غلطت والتانية ردت الاساءة بالاساءة برغم انها كان ممكن تبان الافضل ورجعت قولت لنفسي ربنا العالم باللي مرت بيه ربنا يعافيني ممكن لو كنت لقدر الله مكانها مكنتش هعرف هعمل ايه ؟ دا ضعف وجرح ولا قله ايمان بالله ؟

[شاعر الحب الحزين]

لا حول ولا قوة إلا بالله العلي العظيم

الموت مفهوش شماتة يا اخواننا

انا من وجهة نظري إن أصحاب الفرح التاني غلطانين اكتر

لإنهم جربوا إحساس الفقد ده وعانوا من فراق ابنهم وموته ربنا يرحمه

هو فيه كده بجد يا سما للدرجة دي مبقاش في احترام

ده بدل ما يعزوا بعض بيعملوا كده بيشمتوا ف بعض في الموت

يارب يارب اصلح حالنا يارب واهدينا يارب

لا حول ولا قوة الا بالله العلي العظيم

بشكرك سما على طرحك للموضوع

حكاية موجعة جدا جدا

احترامي وتقديري

[مُنـــــايا]

واقع مرير فعلا ً وحكايه غريبه
واول مره أشوف في الموت شماته للدرجه ده
انا معاكي ان فقد حد عزيز عليكي شي صعب بس مش لدرجه اننا
نرد الاساءه بأساءه وخصوصا هي جربت الفقد من قبل بموت إبنها
بس من الاولي كانت صافحت وغفرت لان ساعتها كان يوم الفرح فعلا
اما هي عملتها عمد عشان ترد وتنتقم
وربنا سبحانه وتعالي قال في منزل كتابه ((فمن عفا وأصلح فأجره علي الله ))
أسأل الله أن يهدينا إلي أحسن الأخلاق

طرح قيم
دمتِ بود غاليتي
لروحك السعاده

[ساحر الأحزان]

لا حول ولا قوة الا بالله

الموت مفهوش شماتة

لان كلنا حنتعرض للموقف دة ؟

والجارة غلطانة


لأن مش من طبع المسلم أنة يقابل الأسائة بالأسائة

وخصوصا أحساس الفقد والرحيل عند الموت

ربنا يصلح الحال

[العاشق الذى لم يتب]

لكن ربك يقول
ولاتستوى الحسنة ولاالسيئة
لايحق للمسلم ان يعامل اخوة بمثل ماصنع معه
ولكن هى زة نفس
ربنايرحم الاموا جميعا
ويهدى عباده
شكرا
سما
تحياتى وودى

[phalsteen]

اقتباس المشاركة الأصلية كتبت بواسطة شاعر الحب الحزين لا حول ولا قوة إلا بالله العلي العظيم الموت مفهوش شماتة يا اخواننا انا من وجهة نظري إن أصحاب الفرح التاني غلطانين اكتر لإنهم جربوا إحساس الفقد ده وعانوا من فراق ابنهم وموته ربنا يرحمه هو فيه كده بجد يا سما للدرجة دي مبقاش في احترام ده بدل ما يعزوا بعض بيعملوا كده بيشمتوا ف بعض في الموت يارب يارب اصلح حالنا يارب واهدينا يارب لا حول ولا قوة الا بالله العلي العظيم بشكرك سما على طرحك للموضوع حكاية موجعة جدا جدا احترامي وتقديري

وياريته فرح
لا دا عند
مجرد مظاهر للفرح
شماته في الجيران
ربنا يهي
نورت ابو ساجد

[phalsteen]

اقتباس المشاركة الأصلية كتبت بواسطة ساحر الأحزان لا حول ولا قوة الا بالله الموت مفهوش شماتة لان كلنا حنتعرض للموقف دة ؟ والجارة غلطانة لأن مش من طبع المسلم أنة يقابل الأسائة بالأسائة وخصوصا أحساس الفقد والرحيل عند الموت ربنا يصلح الحال

ءامين يارب
نورت ساحر

[phalsteen]

اقتباس المشاركة الأصلية كتبت بواسطة العاشق الذى لم يتب لكن ربك يقول ولاتستوى الحسنة ولاالسيئة لايحق للمسلم ان يعامل اخوة بمثل ماصنع معه ولكن هى زة نفس ربنايرحم الاموا جميعا ويهدى عباده شكرا سما تحياتى وودى

ءامين يارب
العفو اخي
نورت

[phalsteen]

اقتباس المشاركة الأصلية كتبت بواسطة مُنـــــايا واقع مرير فعلا ً وحكايه غريبه واول مره أشوف في الموت شماته للدرجه ده انا معاكي ان فقد حد عزيز عليكي شي صعب بس مش لدرجه اننا نرد الاساءه بأساءه وخصوصا هي جربت الفقد من قبل بموت إبنها بس من الاولي كانت صافحت وغفرت لان ساعتها كان يوم الفرح فعلا اما هي عملتها عمد عشان ترد وتنتقم وربنا سبحانه وتعالي قال في منزل كتابه ((فمن عفا وأصلح فأجره علي الله )) أسأل الله أن يهدينا إلي أحسن الأخلاق طرح قيم دمتِ بود غاليتي لروحك السعاده

احسنتي غاليتي
ربنا يهدينا ويصلح احوالنا جميعا
نورتي يا قلبي

[bobaOo]

لا إله إلا الله
عجايب والله
المفروض تروح تعزيها
ده الإسلام أخلاق
مهما كان غلطت مينفعش ترد
سوري بس ده لعب عيال
لو مكانها كنت روحت عزيت مش شمت فيها
تسلم إيدك