ع قد لحافك مد رجليك وصوابعك

[™Amiliya]

ع قد لحافك مد رجليك

بسمع المقولة دي وعادة كنت مش بصدقها او مش مقتنعة بيها لان ممكن الانسان يشتري لحاف اكبر ويكبر معاه وكنت ابصلها انها سوداوية ومحبطة للبعض

لغاية محصلت مواقف كتير بتدل ان فعلا في ناس لازم تمد رجليها ع قد لحافها

وعادة الموضوع للمثل دا مرتبط بالحب والجواز

ومجموعة الوعود الي بيوعد بيها الشب البنت ويربطها جنبه وبعدين يجي للي حواليه ويفكروه بالمثل
خاصة لو البنت اعلى منه مستوى اجتماعي
او ثقافي
او مادي

وعادة بردو المادي هو السبب طب السؤال المهم لما الشب عارف ظروفه وهو مش طموح
ليه يستمر في علاقة وهو مش قدها وبعدين مع كل صراعات ممكن تواجهها مع اهلها عشانه يقوم بكل سذاجة يخذلها؟

( طب ماهي موافقة وعارفة انها هتتعب معاك بس كل تعب له نتيجة وهو انكم سوا )

والمستوى الاجتماعي نفس الشيء

طالما هو عارف ان مفيش امل ليه الكلمة من بداية الموضوع بتخرج كانها حاجة عادية ومعتادة

الحب مش لعبة النهاردة بحبك وبكرة بتمنالك السعادة مع غيري

بدون مراعاة لقلب ممكن يجرحو ويتبدل كل الحب الي جواه ليك لكره وبغض

خلينا نحاسب شوية ع مشاعر الغير والحب اعتبره قسم لازم توفي بيه

/

ايه رايكم في المثل دا؟

[Aya 7ekaya]

هى الفكرة ي ايمى والهدف من المثل
زى كل واحد يعرف قدراته كده وحدوده وامكانياته ده رايى

[big bốss]

ما هو ممكن يوعد و يوفى بوعده بس الظروف الماديه بتقهر اى حد و ممكن تكسره

و تخليه ميقدرك يوفى بوعوده

لان لآ يكلف الله نفسآ الا وسعها

و الاهل مش بيبصوا لكدا عايزين بنتهم تكون جوزتها محصلتيش

و مش بيبصوا لسعادتها او اى اعتبرات تانيه

موضوع جميل ايمليا

[Ṕřǿḟ_ṦęήίŏŘ]

لآ يكلف الله نفسآ الا وسعها
وانا بأييد رأى بيج بووووس
المثل واضح وبيحصل كتير
المفروض ان الشاب ده ميحلمش بحاجه اكبر منه
هو الغلطان الاول والاخير وربنا يسامحه اذا كان ظلم
معاه انسانه متستاهلش انه يعلقها بيه فترة ويضيع يوم
من عمرها .. لكن ما باليد حيلة
بنرتكب اخطاء لكن فى النهايه بنلحق نفسنا وبنصلحها

لكن الندم مش مفيد لان معنى الندم يعنى مكانش فى ذكرى جميله
فى الحياة نفسها

بشكرك للموضوع رهيب بصراحه
تحياتى لكم
-

[اميره الشعر الشجين]

محدش عارف الظروف يا ايمى ممكن يكون الحال متيسر ويوعد بس يحيل القدر دون ذالك فا ممكن يكون المقصود من المثل يعنى انو ميتمادش ويعيش على أده وديماً فى وعوده يقول ان شاء ربنا

[العاشق الذى لم يتب]

الموضوع محتاج بحث طويل
المثل ده فيه جانب سلبى
وجانب ايجابى
السلبى يمنعنى اكون عندى طموح وامل
والايجابى
رحم الله امرئ عرف قدرنفسه
تسلمى ايمى
تحياتى

[دمعه حائره]

لازم كل واحد يعيش على قد امكانياته ومايوعد بحاجه مايقدرش يحققها
لكن ماتنسيش الطموح والامل انه يقدريحسن من مستواه
كمان الحب ده قدر مالناش يد فيه
ولو على البنت والولد ممكن يتحملوا ويرضوا باى ظروف
لكن الاهل هم اللى غالبا بيكونوا عاوزين طلبات مبالغ فيها
المهم يكون كل طرف واضح ومايخبى او يغش التانى ويوهمه بحاجات مش موجوده
تسلمى ايمى

[محمود أبوزيد]

انا مع رأي الاخت الفاضله دمعه حائره والاخت الفاضله اميرة الشعر الشجين واضف الي ذلك ان المظاهر ليست الوسيلة لكسب المشاعر وقد يكون الواقع مؤلم ولكنه افضل من التخفي ابدعتي اختي الفاضله ذكرتيني بفيلم احمد ذكي"انا لا اكذب ولكني اتجمل" احترامي وتقديري

[™Amiliya]

اقتباس المشاركة الأصلية كتبت بواسطة aya 7ekaya هى الفكرة ي ايمى والهدف من المثل زى كل واحد يعرف قدراته كده وحدوده وامكانياته ده رايى

متفقة معاكي وطول مالواحد صريح في الموضوع دا كل مكان الاختيار في البقاء اسهل او اصعب

نورتيني اية

[™Amiliya]

اقتباس المشاركة الأصلية كتبت بواسطة big bốss ما هو ممكن يوعد و يوفى بوعده بس الظروف الماديه بتقهر اى حد و ممكن تكسره و تخليه ميقدرك يوفى بوعوده لان لآ يكلف الله نفسآ الا وسعها و الاهل مش بيبصوا لكدا عايزين بنتهم تكون جوزتها محصلتيش و مش بيبصوا لسعادتها او اى اعتبرات تانيه موضوع جميل ايمليا

معاك حق يانور في اهالي اه حاجة عندهم بنتنا متكونش اقل من بنات العيلة وهكذا وتبقى مزايادات في الفرح والعريس
بس لو هي وافقة معاه بمعنى انها عارفة ظروفو وعارفة اهلها وتقدر توفق بين الاتنين يبقى هتنجح علاقتهم بكل الوسائل الممكنة

منورني نور دايما