رمضان يجمعنا || فى السعودية مع أذار ||

[حَرفُُ هجآءّ]

السعودية

الارض الطاهرة

السعودية

وطن لكل المسلمين

قبلة المسلمين اجمعين

ارض يكفيها فخرأ أن أول بيت

وضع فيها

تتميز السعودية بطابع رمضانى رائع

وجو واجواء روحانية فى منتهى الجمال

معايا النهاردة

بنت الارض الطاهرة

بنت السعودية




أذار .


عضو سوبر










اهلا بكِ اذار
منورة برنامج
رمضان يجمعنا

الشهر عليكى مبارك



اهلا بيك ٲسيل ،
و انتي الي منوره حلقتك الجميله .
و كل سنه و انتي طيبه
و يا رب يبارك لنا جميعاً ما تبقى من شهر رمضان المبارك .
و يجعلنا من عتقائه من النار يارب العالمين .



أول سنة صومتى كان عندك كام سنة ؟


اول سنه صمت فيها كان عندي 11 سنه ، كان وقتها كنا بندرس
في رمضان ، لسى ما كان فيه اجازه برمضان مثل دلوقتي .




بتحسى بأيه أول ما يهل عليكى رمضان ؟


طبعا الشعور جميل ب اطلالة رمضان شهر الخير .
بيكفي الروحانيه الكبيره الي بنشعر بيها بقدومه
و الاشتياق العميق لهذا الشهر الفضيل .



عمرك فطرتى فى نهار رمضان من ورا الاهل ؟


اه طبعا حصلت في اول سنه كنت ب اصومها
كنت ب اجوع كتير ، و بروح اتخبى و اكل
علشان ما حد يوبخني
مع انهم ما جبروني على الصيام




احكى أى موقف مستحيل تنسيه حصلك فى رمضان؟


احنا البنات عندنا مواقف عظيمه في رمضان
خاصة وقت ما تكوني فاطره اجباري و غصب عنك ،
و طبعا لازم تاكلي اي حاجه ، و دي عمليه مش سهله ،
يمكن حد من اخوانك يطب عليكِ و توقعي في سين و جيم .
المهم ،
و انا في عملية الاكل طب علي البابا ،
و كان موقف محرج جداً و لا ينسى ،
وقتها مش عارفه انا اشيل الاكل و لا اقول ايه ، و لا اعيط
كان عندي 15 سنه وقتها ،
طبعا البابا استغرب في البدايه مش مستوعب الموقف .
و بعدها ضحك علي و قال لي خلصي الاكل قبل
حد يشوفك من اخوانك و مره ثانيه اعرفي وين تاكلين .
و بعدها انا اختفيت من الاحراج ما شافني لمدة يومين
و ما نسيت الموقف لحد دلوقتي .





الاجواء الروحانية فى السعودية فى الوقت ده بتكون ازاى ؟


روحانيه عظيمه ، بيعمها الهدوء و السكون ،
و الخشوع و روحانية الايمان ، و راحة النفس
و الفرح بتلك الروحانيه ، روحانية الصائمين .
شعور عظيم لا يوصف


هل بتختلف عادات كل مدينة فى السعودية عن التانية فى استقبالها لشهر رمضان ؟


لا مش بتختلف كثير ، تقريبا جميعاً زي بعض .


ايه العادات السيئة اللى بتحصل فى رمضان فى السعودية اللى تتمنى زوالها ؟


هي مش عاده ، هي شغل كان بيجي مخصوص في رمضان
الي هوه كان موسم قطع التمر من النخيل
احنا عندنا مزرعه كبيره من النخيل
و كان الكل بيشتغل فيها في موسم رمضان
مش بس عندنا ، كان في كل السعوديه
الكل بيشتغل في النخيل .
و كنت ب اشوف انه سيئ جدا لانه بيشغل عن الذكر و الطاعه
بس الحمدلله اتغير الوقت لحد ما صار بعد رمضان .



وايه اجمل العادات اللى بتحصل فى رمضان وتتمنى وجودها طول السنة ؟

اجمل العادات في رمضان ، هي الجَمعه بين الاسر ،
و هي انه بيعين كل يوم على حد بيجتمع الكل عنده و بيفطروا
سوا و بيكون ذلك بشكل دوري
يبدٲ طبعا من عند كبير العائله و تستمر هذي العاده
لحد انتهاء شهر رمضان .



ايه اشهر الاكلات السعودية فى رمضان ؟

من اشهر الاكلات في السعويه
الي هي السمبوسه ، و الشوربه و اللقيمات
و التميس عند اهل الحجاز .
و الحلويات منها الكنافه و البسبوسه و القطايف .
تقريبا هذي اشهرها .



( المغش ) اكله شهيرة ف ى السعودية فى رمضان بتكون عباره عن ايه ؟ ومكوناتها وطرقتها بتكون ازاى ؟


صراحة ، انا اول مره ب اسمع ب اكلة المغش
و سئلت عنها ، قالو انها اكلة تخص اهل جيزان ،
و جيزان منطقه في جنوب المملكه .
و مش ب اعرف طريقتها و لا المقادير
بس هتعلم طريقتها و اجي اقولك يا اسوله




طبق الفول أساسى فى رمضان على السفرة السعودية وعرفت انه له طرق بجد عمرى ما سمعت عنها
زى الفول باللحمه المفرومه والفول باللبن مش غريبة استخدام اللحمه واللبن فى الفول ولا ده شىء عادى فى السعودية ؟



الفول طبق اساسي عند اهل الحجاز ، الي هم مكه و جده و المدينه ،
مش بنسوي احنا الفول في رمضان
و بنسوي الفول العادي الي الكل بيعرفه .
و لانه مشهور عند اهل الحجاز فهم بيعملوه باللحمه و اللبن
و صراحة انا ما جربت و اكلته وهو بالفعل
حاجه غريبه و مش ب اعرف كيف يعملوه ، اسئلي
بقايا صمت يمكن يكون عندها فكره بالموضوع دا




الفيتمو أنا شخصياً بموت فيه بس عندنا مش اساسى على الفطار لكن عندكم اساسى صح ولا لا وايه انواع العصائر اللى تقدم فى رمضان ؟


ايوه الفيمتو من المشروبات المشهوره في السعوديه ، و كمان
عصير البرتقال شي اساسي
كمان فيه السوبيا عند اهل الحجاز برضوه .
و قمر الدين ،
و فيه مشروب جدا مشهو ر عندنا في جنوب
المملكه الي هو عصير التمر ( المريسه )


تمر هندى يعنى


الجو الاسرى وصلة الرحم فى رمضان لها طابع وطقوس خاصة يعنى اعرف ان بعض العائلات
طول رمضان يتناوبوا على الافطار فى كل بيوت العائلة بداية بكبير العائلة احكيلنا اكتر عن الجو الاسرى عندك



ايوه مثل ما ذكرت لك قبل هي من العادات
الجميله عندنا في رمضان .
جميله اجواء العائليه و التواصل بين الارحام .
و ب اتمنى ما تزول هذه العاده و يظل التواصل بين الارحام .
و فيه كمان عادات الافطار هذه بين الاصدقاء و الجيران ايضا .




تنتشر فى جميع انحاء المملكة خصوصا فى رمضان مناسبة اسمها ( البازارات )
ايه اللى بيحصل فيها ؟


ايه هى ( الهرجه ) ؟



اي و الله يا اسيلو ايش الهرجه هههههههه

البازارات الي هي الاسواق الشعبيه
و هذا موجود في جميع مناطق المملكه
بيكون متوفر فيها كل الحاجات مثل
الملابس او الاواني القديمه ،
و اشياء جميله ، يبقى اذا نورتي
عندنا في السعوديه هوديك لها



نورتى اذار الحلقة واخيراً كلمة منك تحبى تقوليها لاعضاء المنتدى ؟


تسلمي يا اسيلو على الحلقه الجميله
و الاسئله اللزيزه .
هقول ليك ِو للاعضاء الحلوين
كل سنه و انتم طيبين ، و العيد قرب
يارب يبقى سعيد عليكم
و ربنا يتقبل صيامكم و طاعاتكم
و يجعلنا من عباده المعتقين من النار
في ذا الشهر الفضيل .

و شكراً لك سيلو حبيبتي


نورتى الحلقة اذار استمتعت معاكى جدا


واستنونى فى آخر حلقة

من برنامج رمضان يجمعنا

فى الامارات

[حافظة القرآن]

حلقة جميلة اوى
ضيفة مميزة وعسولة
والاسئلة والاجابات حلوين
تسلمى يا اسيل ع المجهود
وتسلمى آذار
فى انتظار الجديد ان شاء الله

[العاشق الذى لم يتب]

جميل اكون اول واحد
يتشرف بحلقة اليوم
وخاصة الجمولة هنوف
منورة الدنيا كلها
منورة السعودية ومصر والبرنامج والمنتدى
والله العظيم منورانى أناكمان
ماشاءالله جميلة الحلقة وكل اللى ذكرته آذار
كل سنة وانت طيبة هنوف
كل سنة وانت طيبة اسيل
وجميل البرنامج
بيخدنا مع الضيوف واحوالهم واخبارهم وجديدهم
تحياتى وودى

[غالي الأثمان]

مشاء الله تبارك الله على العضوة (اذار ) إجابة بإجابات مختصرة ومنظمه وتشرح عن بلد الحرمين باختصار . الف شكر لها .

وماقصرتي يااسووووله يا مذيعة رائعة وطيووويبه.

ننتظر ضيفك القادم

[Aya 7ekaya]

آذار
رغم انها عضوة جديده لكنها اخدت مكان كبير بيناا وق قلوبنا
وعندى اان شخصيا شخصيه هاديه وراقيه
منورة اكيد
اساله جميله والضيفه اجوبتها جميله
يدوم الابداع

[اذار .]

تسلمي اسيل ،كانت حلقه جميله معاكِ
و متميزه انتي دائما بكل حلقاتك الي بتعمليها .
دمتِ بخير و عافيه .

[اذار .]

اقتباس المشاركة الأصلية كتبت بواسطة حافظة القرآن حلقة جميلة اوى ضيفة مميزة وعسولة والاسئلة والاجابات حلوين تسلمى يا اسيل ع المجهود وتسلمى آذار فى انتظار الجديد ان شاء الله

تسلمي عزيزتي لكلامك الجميل .
و نورتي بتواجدك

[اذار .]

اقتباس المشاركة الأصلية كتبت بواسطة العاشق الذى لم يتب جميل اكون اول واحد يتشرف بحلقة اليوم وخاصة الجمولة هنوف منورة الدنيا كلها منورة السعودية ومصر والبرنامج والمنتدى والله العظيم منورانى أناكمان ماشاءالله جميلة الحلقة وكل اللى ذكرته آذار كل سنة وانت طيبة هنوف كل سنة وانت طيبة اسيل وجميل البرنامج بيخدنا مع الضيوف واحوالهم واخبارهم وجديدهم تحياتى وودى

جميل هو تواجدك ، و تسلم لكلامك الجميل .
و كل سنه و انت طيب يارب

[اذار .]

اقتباس المشاركة الأصلية كتبت بواسطة غالي الأثمان مشاء الله تبارك الله على العضوة (اذار ) إجابة بإجابات مختصرة ومنظمه وتشرح عن بلد الحرمين باختصار . الف شكر لها . وماقصرتي يااسووووله يا مذيعة رائعة وطيووويبه. ننتظر ضيفك القادم

شكراً لتواجدك الرائع ، نورت

[اذار .]

اقتباس المشاركة الأصلية كتبت بواسطة aya 7ekaya آذار رغم انها عضوة جديده لكنها اخدت مكان كبير بيناا وق قلوبنا وعندى اان شخصيا شخصيه هاديه وراقيه منورة اكيد اساله جميله والضيفه اجوبتها جميله يدوم الابداع

تسلمي يا ٲيه ، ربنا يخليك
و انتم كلكم و الله اصبح لكم مكان في قلبي
المنتدى جميل بالاشخاص المتواجدين فيه بروحهم الطيبه
و تسلمي لكلامك الجميل عزيزتي .