الحلقه الخامسه من ( بقى دا كلام 3 ) مع ( esraa )

[morshooo]

بسم الله الرحمن الرحيم

مزاج الخير

النهاردة معايا ضيفه متالقه

نجمه من نجوم ( مقالب رمضان )

( مها احمد ) بنات مصر فى المقالب

بس احب اقولكم انها شكت فى البدايه ان

( نور ونار ) هى الى بعتتلها الكلام دا بس قدرت

اقنعها ان ادا محصلش وفعلا شربت المقلب

وضحكت فى الاخر على نفسها معايا ومعاكم

-esraa-






تعالو نشوف حصل معاها ايه

فى البدايه بعتلها ان فى توبيك جديد بعنوان

( ضد او مع )

والضيف المفروض انه بيقول رئيه

فى ( 10 اعضاء ) من المنتدى وانتى كنتى واحده

من ضمن الـ ( 10 اعضاء ) فلو موفقه تبقى فى التوبيك

هبعتلك دلوقتى رد الضيف على السؤال الخاص بيكى

وماتنسيش ان فى اخر الحلقه من حقك ترفضى عرضها

طبعا (-esraa- ) وافقت وقالت مفيش اى مشكله

فتعالو نشوف اول رساله كان فيها ايه




العضو رقم

( 8 )

-esraa-

العضوة من اهم اعضاء المنتدى الفترة الاخيرة
تقريبا متواجده بشكل مستمر ليها شكل خاص بتتميز بيه
دا غير روحها الجميله بين الاعضاء ؟

ضد او مع

عايز اعرف رأيك الشخصى فى العضوة بعد ماسابت
الاشراف وشايف انها لسه بنشاطها وحماسها فى المنتدى
والا لا ؟

مممممممممممممممم,,
بص آنآآ
مع..
آن اآسراآء عضوة مهمه فى آلمنتدى ومتوآجده
دآ فعلآ صح ودآئما آسرآء موجودة بروحهآ آلمميزة بين الآعضاء
ضد..
تغير آسلوبهاآ بعد مآ خرجت من آلاشرآف ,,
لآنهآ آختفت من وقتهآ هى كآنت مميزة لمآ كآنت
مشرفه قسم الآلعآب كان ليهآ دور جميل جداآ معانآ
كمشرفين ويمكن حصل سوء تفآهم بينآ فى مره,,
وعرفت آد آيه هى حد مش له فى آلمشآكل و آلحاجات دى,,
وآلحمد لله قبلت آعتزارى وقتهاآآ ,,
( بقولك آيه آمورشو لو دآ هيبين اآنا مين ممكن تحذف آلسطر داآ :d )
كماآن اآنا ضد بعض ردودهاآ بشوفه آنه سطحى
ومواآضيعها بقت قليله جداآ آلفترة الآخيرة,,
يآريت ترجع تانى نشيطه,,
ولو هى زعلآنه عشآن الاشرآف آعتقد
الآدارة مش هتقولك لآ ,,
آتمنى آنها مش تزعل من نقدى
وتتقبل النقد بصدر رحب .



الكلام الى شوفته دا طبعا انا الى كتبته

بس فعلا بعته لـ ( نور ونار ) عشان تكتبه بطريقتها

وكنا متاكدين ان الضيفه هتشك فى ( نور )

بس الضيفه لما قولتلها لا مش ( نور ) صدقت

اصلها طيبه قوى

تعالو نشوف رد فعل الضيفه كان ايه




قعدت أفكر كتير مين العضو بس تقريباً عرفت من طريقة الكتابة : ))

طيب تمام أول حاجة شكراً لمورشو و العضو المجهول على كلامكوا :/

أول حاجة أنا مش كنت أبداً مشرفة الألعاب

إشرافي كان بس على الآزياء والميك أب

وبالنسبة لسوء التفاهم فأنا مش فاكرة أي حاجة حصلت

بيني وبين عضو في المنتدى

"ياريتني أعرف عشان بفكر أعمل مشكلة دلوقتي الواحد فاضي "

هو فعلاً من ساعت ما سبت الإشراف وأنا نشاطي قل كتير

عن ما كنت مشرفة بس إن شاء الله عن قريب هرجع نشيطة تاني

, بالنسبة للردود فشوف

.. الردود بتعتمد بشكل كبير على المواضيع في مواضيع بتسمحلك أنك تكتب

رد وتناقش وغيره وفي مواضيع زي مثلاً الأقسام المصورة

مش شرط تكون كتبت رد " سطحي " أنك مجرد هدفك زيادة عدد مشاركاتك

لا بس الموضوع مش هينفع تقول غير رد اللي ممكن كتير يشوفه سطحي

آخر حاجة الإشراف .. ليه أزعل وأنا اللي طالبة أني أتشال منه !

......

أكيد مفيش حاجة تزعل في الموضوع






اخبر ابيض بقى انتى مش مشرفه ( الالعاب )

ياجماعه هى بعتتلى قبل ما ترد على فكره

وقالتلى اتاكد ان الضيفه بتكلم عنى انا مكنتش مشرفه الالعاب

طيب ما احنا عارفين ماتقلقيش ^_^

تعالو نشوف حصل ايه فى تانى رد

مممممممممم
طيب كلام إسراء محترم جدا اكيد
وسورى أسفه على الخطأ بخصوص قسم الالعاب
انا مبسوطه انك معترفه بقله نشاطك ودا مش جديد عليكى
بس عايزة اعرف نشاطك مش كبير عشان
بقيتى باللون الاسود والا دا حاجا طبيعية
بخصوص المشاركات السطحيه معتقدش هتفرق
قسم الصور من قسم تانى لان انتى تواجدك
مش كبير فى الاقسام الى بتحتاج نقاش وعرض الاراء
زى مثلا قسم النقاش او قلم الاعضاء
فى حاجا اخيرة يا مورشو مش عارف
هينفع تنزل والا لا بخصوص السياسه
ورئيها فى الرئيس الحالى ( السيسى )
وتأيدها الدائم ليه
ياترى ضميرك مرتاح لأرائك السياسيه والا لا
وشكرا



ياترى ضميرك مرتاح يا هانم

والا لا

تعالو نشوف الرد الاخير للضيفه

قبل ماتعرف انه مقلب كان ايه .

طيب تمـام ^^

لوني مالهوش علاقة بنشاطي , أنا سبت الإشراف لآن كان

في ظروف عندي وعارفة أني نشاطي هيقل ده غي

ر الدراسة والوقت اللي بذاكره زاد 180 درجة :

( بس بما أننا دلوقتي في أجازة فإن شاء الله يعني ناوية أرجع للنشاط

ايوه صح تواجدي مش كبير في الأقسام دي بس مفيش رد

سطحي فيهم لما بدخل على ما أظن :/
,
تأييدي الدائم !

تقريباً أنا فترة من الفترات" من زمان شوية : )) "

كنت فعلاً مؤيدة للسيسي حتى حطيت رمزيتي وكده ومن

بعدها بقيت ببتعد تماماً عن أي موضوع سياسي " أساساً

كان دخولي قليل فيها " بس حالياً أنا مش مع حد لا سيسي

ولا إخوان ومش بشوف أي حاجة خاصة بالسياسة لا

أخبار ولا برامج فمش عندي الثقافة الكاملة للموضوع ده

عشان أحكم على السيسي بحاجة بس احنا نتفاءل أن وضع

البلد هيتغير للأحسن وإن شاء الله يتحسن في عهده

وبالنسبة لضميري بالنسبة لآرائي فأكيد يعني لو ضميري

مش مرتاح ,آرائي هغيرها أكيد في أي حاجة يعني




لا طلع مرتاح ضميرها والحمد لله

ودلوقتى مع اللحظه الحاسمه

والصدمه الكبرى ^_^

انا بس قبل ماقول ليه تعليق بسيط
انتى مين عشان تقولى انك نشيطه
احنا عمرنا ماشوفنالك نشاط اصلا
عموما


























انا
( morshooo )
ودا كان مقلب حضرتك
بمناسبه شهر ( رمضان )
عايز اعرف شعورك ايه من الكلام
الى اتقالك دا ولو كان بجد كنتى هتعملى ايه
وتحيى تقولى ايه لاعضاء المنتدى ف رمضان ؟




ههههههههههههههههههههه ضحكتني كتير ^^

منك للـه وأنا اللي عمالة أجاوب بضمير لا وكمان عرفت العضو

اللي كاتب ده طلعت انت

ولا لما قولتلك : هي العضوة عارفة أنه أنا إسراء يعني

عشان بتقول مشرفة الألعاب

تقوم ترد عليا لا أكيد عارفة لأني بعتلها ملفك

أنا شكيت أنه مقلب بنسبة 3% بس بعدين لا مش شكيتش أبداً
..
عادي ولا أي حاجة ما أنا اهو كنت بحسبه حقيقي وماعملتش حاجة يعني
...

أقول ايه للأعضاء !

أقولهم حاولوا تجتنبوا مورشو في رمضان

وكل سنة وانتوا طيبيبن

esraa



دا كان المقلب الخامس

^_^

وطبعا بقول للضيفه

كل سنه وانتى طيبه

و أن شاء الله تكونى ضيفه

فى رمضان ( 2015 )

ماتنسوش بقى

( ونور ناااااار )

ياترى هتقول ايييييييييييييييه ؟

[big bốss]

انت جبت اسراء الغلبانه الى مش بتهش و لا بتنش

هتروح من ربنا فين يا مفترى

متزعليش يا اسراء ميقعش الا الشاطر

بس جوبتى بضمير

كل سنه و انتى طيبه يا اسراء الى بتعمليه فى اصحابك بيطلع عليكى


نايس مورشو استمر

[ana aboodya]

ههههههههههههههههه اسئله جامده واجوبا اجمد

[رآقيہ بأخلاقـى]

يا مقالبك يا مورشو
لا بس اسراء طلعت جامدة فى ردودها ومهمهاش اذا كان مقلب
او بجد الله ينور يا اسراء بحييكِ على ردودك
حلقة جميله يا مورشو شغل جامد عاملة انت ونور
كل سنه وانتم طيبين

[Lamees]

يا مقالبك يا مورشو نروح منك فين بس

تحيااتي لأسراء الجامدة اوي

[العاشق الذى لم يتب]

اسراء اخت فاضلة وذوق جدا
منذ معرفتى بيها وماشوفتش منها اى شيئ وحش
غيركل خيروالله
كمان اناعن نفسى بالرغم من انها معترفة ان نشاطها قل
اناشايف انها زى ماهية ماتغيرتش
قبل الاشراف ولابعده ولافيه
لك عندى كل تقديروتحية اختى اسراء
كل سنة وانت طيبة
ومعلش مرشو ربنايقدره على فعل الخير
هدى نفسك خليك كووووووول على الآخر

[Words Whisper]

ردودها هادية
ودي حاجة جميلة جدا ماشاء الله
تقريبا شافت ان الكلام عادي وانها بترد وخلاص
وجميل بردو في إسراء انها مش استخدمت أسلوب الإنكار وإنما الرد
ويمكن دا عشان شافت انها مش محتاجه دور الدفاع وانما التوضيح ..


حلقة هادية
إسراء
أ.مرشدي
تسلموا ..

[PrinCesS Gege]

هههههههههههههههههههههههه
حرام عليك امورشو انا من وقت ما دخلت المنتدى وانت شغال مقالب ف الناس بتفكرنى ب رامز :d
ارحمهم شويه ياجدع
حلقه جميلة اوووى
منوره يا اسراء

[الأميرة رودي]

عسل ياإسراء
ردودك هاديه ومقنـعه
حتى لو نشاطك قل شويه بس لسه وجودك له بصمه طيبه
واراءك دايما عاقله ومتزنه
وخفـه دمك اصلا دي كفايه
كنت مستفــز أمورشو
كالعاده يعني
ف انتظار نـور

[شهيده تحت الطلب]

طبعا حلقه جامده
واجاباتها كمان جامده
بس من ساعة ما البرنامج بدأ
وانا مستنيه ان المقلب يتعمل في ولد
بس كلهم حتي الان بنات
هي المقالب مبتتعملش غير في البنات بس ولا ايه