ليه البنات بتكره غسيل المواعين ؟

[big bốss]

ليه البنات بتكره غسيل المواعين ؟


سؤال ملح جدآ ، و فكرت فى اسبابه علشان اوصل لحقيقة مره جدآ و هو ليه البنات

عامتآ بتكره حاجه اسمها غسيل أطباق و مواعين بعد الآكل و بتحس بعذاب و كأنها

أخر الدنيا و تشتكى و تعيط و بلآوى زرقه بتحصل بسبب الموضوع دا

و الى تقلك الجماد الوحيد الى بيتكاثر هى المواعين

و الى تقلك امى خلفتنى علشان مش لقيه حد يغسلها المواعين

و الى تقلك اكتر حاجه بكرها هى غسيل المواعين

فقلت اعمل دراسه مستفيضه عن ظاهرة كره البنات لغسيل المواعين

ياترى يكون السبب هو وقتهم الثمين و الى دايمآ بيكونوا مشغولين فى مشاهدة

المسلسلات الهنديه و التركيه و المصريه و يقيموا المسلسلات و يقعدوا يعيطوا

على المواقف الى بتحصل و يتدمجوا كمان كأنه حقيقه .

و لآ ياترى السبب علشان الموناكير الى فى ضوافرها مستخسره يروح من

غسيل المواعين و لا بسبب ان ايدها نعمه و مش عايزه رحتها تتغير و تبقى

راحتها أكل و طبيخ

و لآ هما مش نافعين فى حاجه خالص مش عارف بصراحه

مش لآقى سبب

و فى انتظار البنات ترد عليا و تقول

ليه يا ضنايا منك ليها بتكرهى غسيل المواعين ؟

[✿ Celiηα]

ههههههههه وربنا انت بتدخل فحاجات مش عارفة يعني
تعالى جرب وانت هتعرف

[big bốss]

اقتباس المشاركة الأصلية كتبت بواسطة ✿ Celiηα ههههههههه وربنا انت بتدخل فحاجات مش عارفة يعني تعالى جرب وانت هتعرف

هههههههههههه

لآ مش تنفع الاجابه دى يا سيلينا

جوبي اجابه نموذجيه

ليه مش بتحبي غسيل المواعين البنات ؟

انا جربت قبل كدا مفيش حاجه عادى

[A-rab3awya]

مش للدرجه ديه بالنسبه لى
عادى يعنى ما هو زيه زى باقى شغل البيت

جت ع غسيل المواعين يعنى ولا يمكن عشان بيبقى كذا مره ف اليوم الواحد وكل يوم

ماهو احنا لازم نساعد بأى حاجه يعنى

لسه شغل العيد كله جاى هنقول ساعتها دة غسيل المواعين ده حاجه فله خالص

جرب انت بقى يا نور و قولنا احساسك بس من غير ما تعمل خسائر باهظه

o_o
:d
😁

[big bốss]

اقتباس المشاركة الأصلية كتبت بواسطة a-rab3awya مش للدرجه ديه بالنسبه لى عادى يعنى ما هو زيه زى باقى شغل البيت جت ع غسيل المواعين يعنى ولا يمكن عشان بيبقى كذا مره ف اليوم الواحد وكل يوم ماهو احنا لازم نساعد بأى حاجه يعنى لسه شغل العيد كله جاى هنقول ساعتها دة غسيل المواعين ده حاجه فله خالص جرب انت بقى يا نور و قولنا احساسك بس من غير ما تعمل خسائر باهظه o_o :d 😁

ميش نفع اجرب انا لانها مش وظيفتى

انا ممكن اساعدهم فى شغل العيد علشان انا ببدع فى بسكويت العيد

بس غسيل اطباق مش بعمله الا فى الضروره القصوى

[A-rab3awya]

اقتباس المشاركة الأصلية كتبت بواسطة big bốss ميش نفع اجرب انا لانها مش وظيفتى انا ممكن اساعدهم فى شغل العيد علشان انا ببدع فى بسكويت العيد بس غسيل اطباق مش بعمله الا فى الضروره القصوى

تمام بس انا قصدى شغل العيد واللى هو التنضيف برضوا مش البسكوت والدلع ده


طبيبعى طبعا مش وظيفتك

[انت احلى الناس]

هههههههههههههههه
على مش عشان منوكير
ولا عشان المسلسلات
والله بصراحه انا عمري ما كرهت غسيل المواعين
انا الحمدلله الكبيره والدنيا كلها فوق دماغي
بس غسيل المواعين ده بحسو عادي مش صعب يعني يعني مش حخسر حاجه لو غسلت وخلصت وبعديها قعدت

مواضيعك دايما متميزه
تحياتي بيج بوص

[شهيده تحت الطلب]

تعليق بسيط قبل ما ارد
اسمه منوكير مش موناكير
وربنا موتني ضحك

نيجي بقي للموضوع

انا عن نفسي بكره غسيل المواعين كره العمى واكتر
ومتسألش ليه
انا حاسه ان دي غريزه موجوده في كل بنت
بس اقول الصراحه برضوا
انا بيني وبين حوض المطبخ ذكريات لا تنسي
ده المكان اللي بقعد فيه مع نفسي
واضحك علي مواقف بفتكرها
واشتم علي اللي مدايقني
وكل ما تتوقعه
ده عشرة عمر
ولو عايز تعرف احنا ليه بنكره غسيل المواعين
ابقي جرب اسبوع وقولي زهقت ولا لا

[Śลяą..ღ]

ههههه
وجهه نظر برضوو
مش عارفة انا ممكن صحيح اعمل اى حاجة الا غسيل المواعين دا
يمكن لما انتو تحبوه احنا هنحبه^^

[-esraa-]

جواب السؤال هو انك تجرب تغسل المواعين لمدة يوم واحد بس
وبعدين قلنا إحساسك :d