بكره الرجيم

[™Amiliya]

فضفتي النهاردة هتكون عن الرفيق الاول للبنات ( الرجيم )

طبعا كلنا بدون استثناء عايزين شكلنا يكون كويس عشان اللبس اول حاجة ومندوخش وراه في كل حتة وعشان الصحة تاني حاجة اصلها مهمة جدا
ودايما البرامج الرياضية بتكون مسيطرة في المقام الاول ع عقول البنات والجيم والايروبكس وغالبا لما بنلتحق بالنادي الرياضي الصحي بنروح كم اسبوع ونلزق ع التلاجة الورق الي مكتوب فيه النظام الغذائي ونغيرو كل مرة وياويل حد يجي جنبه الحماس دا في الاول واي حد يقولنا تعالي يافلانة كلي كذا لالا انا عاملة رجيم نتعزم ونروح مغصوبين وقدامنا مالذ وطاب والكلمة الرخمة ع لسانا عاملة رجيم وتدريجيا كدا لغاية ما تيجي مرحلة الزهق ونبطل رجيم يوم ويوم لا لحد ما نرجع زي مكنا لحياتنا اليومية

اننا نخفف وزن عشان في زيادات مالهمش لزمة حاجة كويسة بس اننا نمشي ع رجيم هو دا عدوي الاول وبكره اوي اي حد يجيبلي سيرته او يدور قدامي ع طرق رجيم كيمائي ورجيم الزبادي والفواكه والبروتين والشكولاتة ( لو ع رجيم الشكولاتة موافقة جدا اكيد )

وكل قعدة ستات مفيش غير الرجيم والخسسان لغاية متحس الوحدة انها فيل لازم تعمل حاجة لنفسها ويفضل لو تدفن نفسها

والغريب بقا لو كنتي كويسة وجسمك عاجبك وامورك الغذائية كويسة وتلاقي وحدة بتتفزلك عليكي بانك محتاجة رجيم ( تقوللها ايه دي بالزمة )

وانك في كل مرة تشوفك انتي تخنتي ايه دا انتي ربربتي يابنتي خلي بالك
ولو بصيتي عليها هتلاقيها شوية وتقفل الباب من كتر ماهي مربعة
طب النصيحة الي بتنصحني بيها متخليهالك واعملي بيها خلينا نشوف النتايج

ولا حاجة كمان لما تروحي الجيم ويقولك ايه دا انتي مش محتاجة جيم انتي كويسة طب مافي فلسفة تانية للجيم وهي المرونة والحفاظ ع قلبك وتنفسك
ليه كل الي رايح جيم لازم يكون بيخسس نفسه؟
اه في ناس بتروحو عياقة ومنظرة بس في ناس فعلا عايزة حاجة مختلفة تماما

الرجيم
كابوس بيقتحم جدولنا الغذائي وبيعكنن علينا لانك بتدخلي في حالة نفسية مقلكيش من كتر الضغط ان قدامك حاجة ومش قادرة تكليها

طب منا ممكن اعمل حاجة احسن اخلي بالي ع نظامي الغذائي وفي نفس الوقت محرمش نفسي من حاجة واكل بتوازن اكيد هجيب نتيجة افضل

تقولي مدربة الجيم
ست تقريبا مبتكلش

(انتي مش محتاجة تخسي بس لازم تحافظي ع وزنك ودا مش هيتم الا بالرجيم لازم تقهري نفسك وتحرميها عشان تقدري توصلي للوزن الي انتي عايزاه لكن لو محرمتهاش بتتطمن وتفضلي زي منتي وخسسانك هيكون بطيء )

فلسفة الحرمان من اجل الوصول السريع للغرض المطلوب

وفلسفة الستات لازم تكوني رشيقة اذا دي الفلسفة امال الي بنشوفهم مليانين من ايه رغم الرجيم المتواصل والحفاظ ع الجدول

وكلو كوم ولما نسمع بردو في عالم الرجل رجالة ماشية ع الرجيم

شوطة قديمة ومتجددة



بكره الرجيم



/

رؤية متغاظة

[دمعه حائره]

المحافظه على الصحه وتناسق شكل الجسم مهم جدا لكل انسان
لان بيت الداء هو المعدة والاسراف فى الاكل اضراره كتير
وغالبا بيجى بعد فتره حرمان غير منظمه مع عدم ممارسه الرياضه
مابيظهرش نتيجة ملموسه بشكل عام
انا شايفه الريجيم لما بيكون اسلوب حياه
بيخلى الدنيا ابسط واسهل ومش بيوصل معاهم للسمنه المفرطه او الحرمان المميت
فضفضه جميله ايمى وخلى الريجيم بعد رمضان :*

[ساحر الأحزان]

يعنى بعد ما يخربوها فى الاكل ايمى

ويعملوا لينا مجاعة تقولى رجيم

هو الرجيم مطلوب طبعا لانة بيحافظ على الرشاقة

سوء للرجال او النساء

بسى بخصوص النساء مطلوب اكتر

لان جنس حواء بيجيب غضبة فى الاكل

فضفضة جميلة منك

دمتى بخير

[الحان الورد]

،

أولًا ، طريقة عرضك للموضوع تُحفة :d

عن الريجيم بقى
أنا بكره الريجيم و الريجيم كمان بيكرهني =))
شوفي ، أنا معاكِ جدًا في نقطة المحافظة أكتر من الحرمان
وإن البنت لما تقرر تاخد بالها من أكلها يبقى همها الصحة أكتر من مجرد الشكل
وعشان تعجب الناس وغيره :d
يعني الواحد لما بيرقى بأهدافه شوية ، عزيمته بتقوى كمان
والمحافظة طبعًا غير الريجيم ، لان الريجيم غالبًا بيعتمد على حرمانك من حاجات كتير كلنا بنحبها :d
فـ ممكن الواحدة تمسك نفسها شوية ، وبمجرد ما يخلص الريجيم
ترجع حليمة لعادتها القديمة =)
لكن لو كلتِ كل اللي نفسك فيه ، بس بكميات محددة
مع الرياضة عشان فوايدها العديدة ،، أعتقد إن ده أصح و ليه جدوى كمان ..
وبيكون أهون علينا لما نبدأ فيه عشان بنبقى عارفين إننا مش هنحرم نفسنا
بس هنقلل الكميات :d

حلو الموضوع ^_^
تسلم إيدك ..

[ملاك صعبة الإمتلاك]

والله العظيم انتي زيي
انا همووت اكتر رجيم طول عندي كان 4 ايام بس
وبعدين خرب .. هيا حاجه تجلط بصراحهه

[۩۩ elMagic ۩۩]

اختى عندى ف البيت
شكلها بدأت تحط ف دماغها حوار الرجيم دا ومتاكلش كتير ووتظبط برنامج وكده
رغم انها لسه صغيره وفى مرحلة النمو يعني لازم تاكل كويس
عمتا انا بأبقى فوق دماغها دايما وبأخليها تاكل ^^
وهو بيبقى مناسب مع ناس وناس لاء
والرجيم بيبقى مشكله لو بقى أسلوب حياه وحاجه روتينيه
أظن هتبقى البنت معقده .. موضوع جميل منك
تسلمي ايميليا

[™Amiliya]

اقتباس المشاركة الأصلية كتبت بواسطة دمعه حائره المحافظه على الصحه وتناسق شكل الجسم مهم جدا لكل انسان لان بيت الداء هو المعدة والاسراف فى الاكل اضراره كتير وغالبا بيجى بعد فتره حرمان غير منظمه مع عدم ممارسه الرياضه مابيظهرش نتيجة ملموسه بشكل عام انا شايفه الريجيم لما بيكون اسلوب حياه بيخلى الدنيا ابسط واسهل ومش بيوصل معاهم للسمنه المفرطه او الحرمان المميت فضفضه جميله ايمى وخلى الريجيم بعد رمضان :*

فعلا هو اسلوب حياة يامنة ومفيش رجيم ههههههه لا بعد ولا قبل رمضان

[™Amiliya]

اقتباس المشاركة الأصلية كتبت بواسطة ساحر الأحزان يعنى بعد ما يخربوها فى الاكل ايمى ويعملوا لينا مجاعة تقولى رجيم هو الرجيم مطلوب طبعا لانة بيحافظ على الرشاقة سوء للرجال او النساء بسى بخصوص النساء مطلوب اكتر لان جنس حواء بيجيب غضبة فى الاكل فضفضة جميلة منك دمتى بخير

ههههههه الا غضب الاكل دا متعة ياامجد

منورني

[™Amiliya]

اقتباس المشاركة الأصلية كتبت بواسطة الحان الورد ، أولًا ، طريقة عرضك للموضوع تُحفة :d عن الريجيم بقى أنا بكره الريجيم و الريجيم كمان بيكرهني =)) شوفي ، أنا معاكِ جدًا في نقطة المحافظة أكتر من الحرمان وإن البنت لما تقرر تاخد بالها من أكلها يبقى همها الصحة أكتر من مجرد الشكل وعشان تعجب الناس وغيره :d يعني الواحد لما بيرقى بأهدافه شوية ، عزيمته بتقوى كمان والمحافظة طبعًا غير الريجيم ، لان الريجيم غالبًا بيعتمد على حرمانك من حاجات كتير كلنا بنحبها :d فـ ممكن الواحدة تمسك نفسها شوية ، وبمجرد ما يخلص الريجيم ترجع حليمة لعادتها القديمة =) لكن لو كلتِ كل اللي نفسك فيه ، بس بكميات محددة مع الرياضة عشان فوايدها العديدة ،، أعتقد إن ده أصح و ليه جدوى كمان .. وبيكون أهون علينا لما نبدأ فيه عشان بنبقى عارفين إننا مش هنحرم نفسنا بس هنقلل الكميات :d حلو الموضوع ^_^ تسلم إيدك ..

اضافتك جميلة الحان
منوراني ياعسل

[™Amiliya]

اقتباس المشاركة الأصلية كتبت بواسطة yǻ-Řǻ والله العظيم انتي زيي انا همووت اكتر رجيم طول عندي كان 4 ايام بس وبعدين خرب .. هيا حاجه تجلط بصراحهه

هههههههههههه ومين سمعك فعلا تجلط
منوراني ياعسل