فى ضيافه رودي..طبق اليوم مع إيميليا

[الأميرة رودي]

السلام عليكم ورحمه الله مسائكم معطر بالورد والياسمين اعضاء بنات مصر الكرام النهــارده رحلتنا المطبخيه هتكون غيــر طبق اليـوم مع [ايميليا] هنشوف ايه طبقها المفضل برمضان هتحكيلنا عنه مع مكوناته والمقادير وطريقه التحضير عشان الكل يستفاد منه واللى مش بيعرف يتعلم النهارده هنشوف القمرايميليا أكلتها المفضله ايه وبالصور والخطوات من مطبخهــا فى انتظـــارك إيمي

[big bốss]

هيكون طبق خطير

فى انتظار طبق ايمى

و ياريت مش تتأخر

تسلمى رودى

[Aya 7ekaya]

ف انتظار ايمى ^^

[اذار .]

ب انتظار ايميليا و طبقها المجهول
شكراً رووكه .

[™Amiliya]

انا جيت اهو وحااااضر عنيا حالا فورا انزل المنيو

[™Amiliya]

اقتباس المشاركة الأصلية كتبت بواسطة big bốss هيكون طبق خطير فى انتظار طبق ايمى و ياريت مش تتأخر تسلمى رودى

حاضر مش هتاخر

[™Amiliya]

اقتباس المشاركة الأصلية كتبت بواسطة aya 7ekaya ف انتظار ايمى ^^

عيون ايمي انا جيت

[™Amiliya]

اقتباس المشاركة الأصلية كتبت بواسطة أذار . ب انتظار ايميليا و طبقها المجهول شكراً رووكه .

مجهول دا انتو هتتبسطو عليه يااذار ههههههههه

[™Amiliya]

اول حاجة بشكرك ع الاستضافة الرمضانية المطبخية الجميلة دي

نيجي للطبق الرمضاني الي بحبه ولازم يكون طوال شهر رمضان ع السفرة مع الشوربة والشوربة هي شوربة حب او قمح زي مبنسميها في مصر

السمبوسة الحجازية



المقادير

عجينة سنبوسة

لحم مفرومة

بصلة كبيرة متقطعة صغير

بقدونس متقطع صغير

بيض متقطع صغير

وخلطة لتقفيل العجينة

/

الطريقة

الخطوة الاولى

تجهيز المفرومة

هتحطي البصلة ع المفرومة وتحطيهم سوا ع النار وتحركي لغاية متنضج وبعدها تحطي الملح والبهارات وبعد كدا تجيبي البقدونس والبيض وتحطيهم عليها وتقلبيهم بالشكل دا



/

وتجهيز العجينة لتقفيل السمبوسة

دقيق وشوية مية وتخليطهم سوا بالشكل دا


/
الخطوة التانية

هتيجي العجينة وتفرديها كدا



/

هتحطي فيها الحشوة كدا



/

هتقرصي العجينة كدا



/

وهتلفي المثلث لغاية الاخر كدا



/

تقومي تسخني الزيت كويس وتقليها بالشكل دا وتقديمها في طبق حلو



/

السنبوسة تتقدم جنبها السلطة اسمها الدوقس

( وهي عبارة عن طماطم وكسبرة خضرا وتوم وملح ولمون وفلفل حراق مخلوطين في الكبة مع بعض)

هيبقى شكلها بالشكل دا



/

وبكدا بالهنا والعافية ع قلبكم

[big bốss]

لآ شطوره يا ايمى

الله ينور

تسلم ايدك يا جميل