حب مسموح وحب مش مسموح

[اميره الشعر الشجين]

هههههههههه نرمين دى مضيعه خالص بس جميله اوى بجد

[العاشق الذى لم يتب]

رائع هو الطرح
وعظيمة الإفادة
سلمت يمناك
تحياتى وودى

[M.B]

قصه حلوه اوي وطبعا معروف عنك كده

[ملاك ودمعتى هلاك]

البارت الخامس
هبه سندت راسها على الحيطه وبدات تفتكر كل حاجه حصلت من سنتين
فى القاهره
........: هبه
هبه برعب : ايييييييه .... يخربيت دماغك خضتينى
حنين : انا عاوزه اقولك حاجه
هبه وهيا باصه فى كتابها مارفعتش دماغها : اممممممممم عرفت ........ مين هو بقى المره دى
حنين : اموت فيكى وانتى فهماها وهيا طايره هههههههههه
هبه ومارفعتش دماغها بردو : اخلصى ياحنين انا مش فاضيه امتحنات هاتبداء بعد اسبوع ودى شهاده
حنين : طيب طيب اكلتينى .... اسمو شريف
هبه : اها وبعدين
حنين : باباه ضمن اكبر واغنى اغنياء اسكندريه على الائحه بعد اسم بابا وعمى ع طووول
هبه : يابنتى انتى تفكيرك مادى ... قصدى هو ايه بيشتغل ايه او خريج ايه كده
حنين نامت على السرير وبتبص فى السقف : هو قدى
هبه بصت لها ولاول مره رفعت عنيها عن كتابها بفزع : ايه .... نعم ياعنى انا ماسمعتش ... قدك ؟؟
حنين ببرود غاظ هبه : ايوه قدى
هبه بنرفزه : انتى مجنونه رايحه تحبى واحد عيل فى تالته ثانوى
حنين : بصى انتى عيله ومش هاتفهمى
هبه : مين دى الى عيله برغم انى اصغر منك بسنه واحده بس ...بس تفكيرى احسن منك بكتير
حنين : اوووووووف ياعنى عاوزه ايه بقى ؟؟
هبه : انتى بجد مش حاسه انتى مستهتره اوى (وقالت بتريقه ) حتى انا مش هاستغرب لو عملتوا اى حاجه حتى .... وفتحت عنيها فجاه اول ماجت فى دماغها فكره وبصتلها بسرعه ورعب : اوعى ياحنين ........
حنين فضلت بصالها وبعدها فهمت قصدها : ههههههههههههههه يخربيت دماغك والله طلعتى كبيره يابت ....احم ايوه بس هو وعدنى انو هايتقدملى اول ............
طااااااااااخ
حنين حاطه ايديها على خدها ومش مسدقه : انتى .... ازاى .. انتى
هبه : علشان غبيه .. ليه عملتى كده ؟.... ايه الى ناقصك (وبدات تعيط) ليه ؟؟ . اهلك عملوا ايه
بابا وماما مافكرتيش فيهم فى شكلهم فى وسط مجتمع شرقى احنا مش فى فرنسا ولا لندن ولا اميركا احنا هنا فى القاهره حرام عليكى ده جزاء ثقتهم فيكى ........... (بصت على الباب الى اترزع ورا حنين) : خلاص يااختى انتى ضيعتى كل حاجه ضيعتينى اهئ اهئ اهئ
بعد اسبوع
عدت الامتحانات على هبه صعبه بس حاولت تركز قد ماتقدر وفعلا جابت مجموع كبير
واختها الى ف تالته جابت مجموع كويس
والغريب ان بعد ماخلصوا امتحانات ع طول اختها كانت بتخرج كل يوم وترجع وش الفج واهلها ولا حاسي وحنين كانت عامله زى الورده الى بتدبل وخلصو السنه دى كمان وهما علاقتهم ببعض عاديه جدا وهبه بقت فى اولى كليه وحنين تانيه كليه
وف يوم افتكرت هبه عيد ميلاد حنين
وفكرت ان دى احس فرصه علشان ترجع علاقتهم زى الاول
تك تك تك
حنين بصوت واطى : ادخلى ياماما
هبه دخلت راسها من الباب : ممكن ادخل
حنين قعدت اول ماشافتها : اكيد ادخلى
هبه قعدت قصادها ومسكت ايديها : حنين احنا مهما حصل هانفضل اخوات المهم ان احنا نفضل جمب بعض ومفيش حاجه هاتئذى التانى ان شاء الله ...... المهم انتى مال وشك بقى عامل كده ليه بينطفى كل يوم عن اليوم الى قبله
حنين مااستحملتش حضنت هبه وفضلت تعيط
هبه : خلاص ياحنين ماتخديش كلامى كلو صح مادام بيحبك يبقى هايصدق ويتقدم وبعدين انتو لسه واخدين الاجازه اديلو فرصه اكيد مش هاسيبك
حنين زادت فى العياط وصوتها على : انتى مش فاهمه حاجه خالص اهئ اهئ اهئ
هبه : طب فهمينى
حنين : انا ... اهى انا حامل ياهبه حامل اهئ اهئ اهئ اهئ
هبه بصدمه : حامل .... ازاى

***************************
تانى يوم هبه راحت لحنين اوضتها واتفقوا انهم يقابلوا شريف
وفعلا راحو
حنين :صباح الخير
شريف اتوتر اول ماشاف هبه معاها : صباح النور فى ايه ياحنين ... وايه الى جاب اختك دى مش بتاعه جونا ههه
حنين قعدت على كرسى هيا وهبه وقالت ببرود : انا حامل ياشريف
شريف وشو بهت واترمى على الكرسى الى وراه : ايه ؟ حامل
هبه : انا جايه معاها ياستاذ شريف علشان نلاقى حل للمشكله دى
شريف : مشكله ايه ...بسيطه اوى الواد ينزل
حنين : تفتكر انى مافكرتش يااعنى ..... لو نزلتو احتمال 30% انى هاعيش بعدها ... ياعنى تنزيلو فى خطر على حياتى
شريف :يبقى ربيه لوحدك انا مش هابقى اب وانا لسه مافرحتش بالدنيا ولا عشت حياتى
هبه : ممكن انتو الاتنين تسكتوا اولا هاتقولوا انكو هاتسافرو برا مصر تكملوا تعليمكو برا مصر وتروحو اسكندريه انا هانقل كليتى هناك وانتى كمان هاتسحبى ورئك علشان نكون هناك مع عمى ونرمين معارفها كتير وتعدو فى شقه اى شقه
وده هايدينا وقت نفكر ايه الى هانعمله بعد ماتولدى
شريف وهو قايم من الكرسى بهمجيه : الى يحصل مع نفسكو ......... انا ايه الى عرفنى انو ابنى اصلا


ياترى ايه الى هايحصل بقى
وشريف هايوافق ولا هايسيبهم
هبه موقفها ايه من الحكايه دى كلها
وهل هاتقدر تحل المشكله دى
حنين هاتشيل اليله لوحدها ولا شريف هايكون معاها
توقعاتكم بقى
قرائه ممتعه ^_^










************************************************** ************************************************** ***
البارت السادس



شريف وهو قايم من الكرسى بهمجيه : الى يحصل مع نفسكو ......... انا ايه الى عرفنى انو ابنى اصلا
هبه بنرفزه :لو حابب تعرف اوكى
ممكن احنا بقى نقول لاهالينا ومش محتاجه اقولك والدى وعمى يبقو مين ولو ححد داسلهم ع طرف بيعملو ايه
شريف قعد وبعد فتره سكوت قال بعد تفكير: خلاص ... هاعمل الى انتو عاوزينو
حنين باحتقار : انا فعلا اسفه انى حبيت واحد زيك
شريف : بقولك ايه ...
هبه بنرفزه : بقولكو ايه انتو الاتنين ممكن تسكتوا وتعملوا الى انا قولتو وبس وانت اياك تحاول تلعب بديلك او تختفى اهلك هما الى هايشيلوها
شريف الى لقى طوق نجاه : ههههه وانتو بقى هاتقدروا تقولوا لاهاليكم .... تؤ ..... مااعتقدش
هبه : هههه ياحرام ده انت غلبان اوى وقلبت وشها جد اوى وبصتلو : يابا احنا ماعندناش حاجه نخسرها
بطنها كمان كام شهر وهاتبان بدل بقى مااحنا الى نشيلها
تؤ احنا نقولهم عليك ونلهيهم بيك وباهلك ياخدو بتارنا منكو ويحلو عننا لحد ماالموضوع يهدى خاااااااالص
(بصت لحنين ) ههه طب ده كده احسن تسدقى
شريف : يووووووووووووووو خلاص خلصنا مش هاغور ف حته
هبه الى وقفت : يلا ياحنين
ومشيو ومرت الايام والشهور وادي اختها بين الحياه والموت


************************
************************888888
محمود بقلق : لااااا انا قلقت اوى
ساره: طب خلاص روحلهم ... وانا كمان هاجى معاك
علا : وانا كمان جايه
محمود وهو بيدفع الحساب : يلا بينا


*****************************
نرمين وهيا بتهز كتف هبه السرحانه : هبه .....هبه .. انتى يابنتى
هبه : ها ... فى حاجه
نرمين : نعم... بقولك اختك ولدت وعاوزاكى
هبه برعب : بجد ... طب ... طب انا داخله


**********************************88
حنين اول ماشافت هبه مدت لها ايديها
هبه مسكت ايديها ع طول : فى ايه ياحبيبتى ماتخافيش انا جمبك
حنين : قولى لماما وبابا انا اسفه ...... انا ماستاهلهمش ..انا حيييييييييييييييييييييييييييه <<<< بتحاول تاخد نفسها
هبه بعياط : حنييييييييييين ....... مالك فى ايه فى اييييييييه
حنين وروحها خلاص بتطلع مسكت ايديها اوى : بنتى .... بنتى امانه ف رقبتك ياهبه ليوم الدين .... هاسالك عنها قدام ربنا ... بنتى امانه عندك
هبه خلاص انهارت حضنت اختها وبعياط : اهئ اهئ اهئ لااااااااا لاااااااااااااا ماتقوليش كده لااااا
انتى هاتعيشى وهاتربيها .... وهاتشوفيها ...اهئ اهئ وهاتشوفيها عروسه ... ومش هاتسيبينى لوحدى
فجاه حست بتقل اختها ع ايديها
اتصدمت وبطلت عياط فجاه
وعم على الاوضه سكوت تقيل اوى ونرمين حطت ايديها على بوئها وبدات مسيره العياط
وده كلو وهبه بتبص على حيطان الاوضه من ورا ضهر اختها
خايفه تسيبها وتتاكد انها ماتت
نرمين بعدت ايدين هبه عن حنين
هبه شافت اختها وهيا بتنز على السرير فى ثوانى طويييييييييله اوى عليها
هبه : لاا ... لالالالا ... ده هظار صح (بصت ع نرمين الى بتحاول تتماسك ) بتهظر معايا .. طول عمرها هظارها تقيل (بصت لحنين ) بتهظرى ... قولى وادحكى وانا هاسامحك مش .... مش هادايق ... (بصت لوشها وبدات تستوعب ) لاااااااا .. حنيين ماتسيبينيش .... انتى قولتى انك موش هاتسيبينى ( جريت ع اختها وحضنتها بقووووه ) لااا احنا وعدنا بعض ... مش هانسيب بعض اهئ اهئ اهئ اهئ اهئ
نرمين بتحاول تبعد هبه الى زقتها : لاااااا ماحصلش ماماتتش لااااااا ( وبقت تكسر ف حاجه فى الاوضه ونرمين واقفه مش عارفه تتحرك )
نرمين : خلااااص ياهبه خلاص افهمى .. اهئ اهئ (وبصوت واطى ) حنين مات.....
هبه وهيه حاطه ايديها على بؤ نرمين وبسريخ : لاااااااااااا ماتقوليهاش لاااااااااا
دخلو الممرضين والدكتور بتاعها
وواحده بتحط الغطا على وش حنين
هبه وهيا بتزقها : لاااااا مامتتش لااااااااااا (وبصت لحنين وماسكه وشها ) حنين ماتسيبينيش .. انتى هاتسيبيلى حمل تقيل اوى لا ماترحيش نفسك وتهربى زى كل مره لاااااااا
الدكتور حاول يبعدها بس ماقدروش عليها وغرس حقنه مخدر فى رقبه هبه
بعد ثوانى معدوده جسمها بقى تقيل ومش عارفه تكرو كويس نزلت ببطئ على الارض وهيه بتفتكر
وشوش
اصوات
ناس
واصوات دحك
حنين
وشافت وشوش قدامها
بس بدات تختفى
ونامت هبه بهدوء وسلام



البارت خلص
وقبل ماحد يتكلم
انا عدمت عياط فيه
ياترى ايه الى هايحص مع البيبى هل هبه هاتاخدها فعلا وتنفذ وصيه اختها ؟؟
شريف الى ماكنش ليه دور فى البارت ده ايه موقفو هاياخد بنتو ولا هايهرب ؟
هبه ياترى نامت بفعل المخدر ولا ... ؟
هانعرف البارتات الى جايه
توقعاتكم بقى
قرائه ممتعه ^_^

[اميره الشعر الشجين]

البارت السادس دا جميل جدا بس اكيد شريف الرخم دا هيعمل حاجه فى الانتظار ياقمر

[ملاك ودمعتى هلاك]

ده طبعا اخر فصل ف القصه يارب تعجبكم


البارت السابع

بعد اسبوع فى المستشفى
محمود : حمد الله ع السلامه يلا بقى شدى حيلك وقومى
هبه بتعب : امال فين بابا وماما
نرمين : اهى اهى اهى وجريت برا الاوضه
محمود ابتسم بارتباك وسكت
هبه : فى ايه ؟ ايه الى حصل ؟
محمود : بصى ياهبه انتى واحده مؤمنه بالله وبالقداء والقدر وممكن ربنا يعمل حاجات احنا نشوفها وحشه لكن ربنا بيبقى عاوز يختبر الانسان الى بيحبو و ...
هبه قاطعتو بنرفزه : اخلص يامحمود ف ايه ؟...ايه الى حصل ؟
محمود اخد نفس طويل وفكر انها اكيد هاتعرف يبقى تعرف منو احسن : بصى ياهبه والدك ووالدتك لما عرفوا الى حصل ... ياعنى حنين ... وانها ياعنى .. مش مسافره برا مصر تكمل دراستها وكده وانها ... وانها كمان حامل ..وكانت متجوزه .. وحامل وولدت وكمان ... ماتت والدك ........ جاتله الازمه .. ومقدرناش نلحقه ووطنط ... مااستحملتش كل الى حصل ده وهيا كمان .....
هبه بسريخ : ايييييييييييييييييييييييييييييييييييييه اهئ اهئ اهئ .... بابااااااااااااااا ماماااااااااااااااااا ... لااااااااااااااااا حنييييييييييييين لاااااااااا .. اهئ اهئ اهئ ..سبتونى لميييييييين سبتووووووونى ليييه
انا عملتلكوا ايه انتو ليه ... بتكرهونى ليه
محمود بفزعه بشكلها وسريخها : هبه اهدى .. الله يخليكى اهدى
هبه : اهئ اهئ اهئ مش بيحبونى .. اهئ .. كلهم سابونى مع بنت حنين اهئ اهئ
محمود : لالالالا ماتخافيش احنا مش هانقول لحد (وبتردد ) ده حتى بنت حنين ... ماتت ف الحضانه
هبه بخمول : حتى هيا سابتنى لا ... لا
محمود برعب من شكل وشها : هبه ... هبه ردى عليا .. هببببه ... الحقوووووووووووو حد يجى بسرررررررررررعه

هبه فضلت اسبوع تفوق وتنام من تاثير المخدر الى كانت بتاخدو لانها كل ماتفوق تنهار وتعيط ويتطرو ينيموها تانى
اهلها قالو انها حدثه وماتو فيها
وطبعا لواحد زى والد نرمين ماكنش صعب انو يقنع الناس ويعمل تقارير تؤكد كلامه
والموضوع شبه اتنسى للناس الى برا طبعا
احم او د/ احمد لو فاكرينو ارجعوا للجزء الاول
اول ماعرف كان بيروح لهبه كل يوم لحد ماخرجت من المستشفى بعد شهر
واصرت من وهيا ف المستشفى انها مش هاتروح ع فلة اهلها وانها هاتسكن ف بيت جديد احمد نفذلها رغبتها وخرجت من المستشفى ع شقتها
هبه ونرمين وساره وعلا ومحمود داخلين الشقه الجديده بتاعه هبه ونريمين الى قررت تقعد معاها
وبعد نص ساعه كلام
ساره :بس ياستى وريم وسمر مارجعوش تانى ابدا
علا : تقريبا راحو جامعه تانيه وخصوصا لما عرفوا انتى تبقى بنت مين
نرمين : ههههههههههه لا بس بصراحه الصور والفيديوهات اتشالو لوقت عوزه هههههههه واهو جه وقتها كانو عاوزين يستهبلو تانى ربيناهم تانى بردو ههههههههههههه
هبه بتعب : هههههههه والله بجد قعدتكوا بتنسينى همى ... ماتباتو معايا
علا وساره بصو لبعض : ههههههههه
هبه : ياسلام وايه الى بيدحك
محمود : احم احم اسمحولى انا اتكلم .. بصى بقى سيادتك المهابيل الى قصادك
خلونى سواق وجبتلهم شنطهم واحده واحده علشاااااااااااااااااااااااااان . هايعيشووووووو معاااااااااااااااااااااااكى تتارارااااااا
ساره : انا وزميلاتى الموقرات فضلنا نقرف فى اهالينا علشان يوافقوا وقولنلهم يعتبرونا فى سكن جامعى وبعد التفحيص والتمحيص واااااااااااااااااااافقووووووووو
هبه دمعت عنيها : انتو احلى صحاب ف الدنيا
نرمين : احم احم
هبه : ههههههه واحلى بنت عم فى الدنيا واخت كمان مش بنت عم بس
علا : لالالالا ترانى تاثرت لحظه ابكى
اعااااااااااااااااااااااااااااااااااااع
نرمين : ايه الجموسه الى بتجعر دى سمعت حاجه يابيبو
محمود : لا سمعت صوت بقره مدبوحه هههههههههههههههههههه
ساره : يلا حضن جماعى (وبصت لمحمود بطرف عنيها ) ماعاداك احسن تهيص ف الهيصه انا عرفاك


هوووووووووووووبا ههههههههههههههههههههه





*************************************
بعد سنه

هبه بفرحه : مبروووووك يابت ولد زى القمر
نرمين بتعب : بجد ؟ ... عاوزه اشوفو
ساره : انتى عارفه تفتحى عنيكى علشان تشيليه
علا : ياستار ياربى الملافظ سعد يابنتى جايبين دبشه معانا
نرمين : بس عبط ياريت كان فيا صحه ...
ساره : ياعنى كنتى هاتعملى ايه .. هاتدربينا ياعنى ؟
نرمين : لا كنت هاستعبط معاكوا ههههه ااه لا بلاش دحك دلوقتى انا .........
ساره : ههههه بت انتى نمتى يااااااااالهوى عليكى خوم نوم
علا : ههههههههه لا يابت اسمها خميره نوم
هبه : ههههه ياهبله انتى وهيا ده من تاثير البنج والتعب كمان ماثرين عليها
محمود الى كان قاعد معاهم صحى من النوم فجاه : ايه ؟ فين ؟ مين ؟
ساره وعلا وهبه : هههههههههههههههههه
ساره :هههههههه قسم بالله عبيط بعد الدوشه دى كلها جاى يتفزع دلوقتى لا ومن مين من صوت هبه ههههههههه
علا : ههههههههه لالا مش عبيط مدى على اهبل ممكن ههههههههه
هبه : ههههههههههههه
محمود : والله بجد ده المفروض اعمل ايه مع الظرف الجامد ده .. ادحك ؟
ساره : لا مش شرط بين سنانك بس o_O
محمود :هاهاها لا بجد هاموت من الدحك
هبه : ماشى تمام باى
محمود بيكلم ساره وعنيه على هبه : اييييييييييه ده .. بتكلم مين البت دى ..انا شاكك انها جاسوسه
ساره اندمجت : سيبلى الموضوع ده ياكبير
ساره : احم احم .. هبه
هبه : ياساتر يارب مادام عامله فيها بنوته وطيبه كده يبقى ليكى طلب اطلبى خير
ساره : بصراحه وعلى بلاطه كده كنتى بتكلمى مين ؟
هبه بهيام ورومانسيه : هييييييييييح وانتى مالك
ساره : يبقى مفيش غيرو احمد
هبه : اها
تك تك تك
هبه قامت بسرعه : اهو جه




***************************

بعد سنتين بعد ما البنات خلصوا جامعه
فى اوضه فى شقه هبه
نرمين بتنيم ابنها : بس بس ياسامى (سمتو على اسم والد هبه ) بس ياحبيبى هوووو
بعد شويه
هبه : نرمين
نرمين : اوووووش اما سدقت انو ينام تعالى برا
خرجوا برا الاوضه
هبه وهيا بتلف حوالين نفسها : ايه رايك ف الفيتان
نرمين : حلو اوى تحفه .. بس .. عاوز شويه تعديلات .. تعالى اقولها قدام الخياطه علشان مش قادره اتكلم كتير
هبه وهما رايحين للرسيبشن مكان ما الخياطه قاعده :انتى بئيتى كسوله من ساعه ماخلفتى اصلا
نرمين : نعم نعم نعم
هبه وهيا بتجرى : وتخينه كمان ههههههههههههه
نرمين جريت وراها : والله لوريكى




***********************************
فى بيت احمد
محمود : احمد ماتخلص بقى ياعمى كل ده بتقيس
احمد وهو بيفتح الباب : وله هاسقطك وربنا لو ماحترمتنيش شويه ده انا اكبر منك
محمود : ياعنى خلاص مااتخرجنا ومابقاش ليك كلمه عليه هع هع هع وبعدين انت اكبر فى السن بس انا اكبر فى العقل عادى ياعنى وبعدين انا مخلف انت مخلف لا ^_^
ادهم بصلو بطرف عنيه
محمود : لاااااا بلاش البصه دى .. بث انا اثلا عيل
احمد : ههههههههههه المهم ايه رايك فى البدله
محمود : ايه بدله ايه .. ااااااااه خلاص افتكرت تمام بس ... لا استنى تعالى
نشوف جرافت تانيه دى مش حلوه
احمد : اممم وانا بردو مش عجبانى اغير ونخرج نتفرج

********************************


بعد اسبوع من الاحداث دى
فى الفرح


* *
* * * *
*
* *
احمد & هبه
* *
H & A
* *
* *
*

ساره وعلا وباقى البنات قدوها رقص وفرحه ودحك
كان يوم دمااااااااااااااار
وههبه مااستحملتش قامت معاهم ومحمود شد احمد ورقصو مع بعض
وبعد كده رقصو سلو
احمد : بتحبينى ياهبه
هبه باستغراب : بتسال ؟؟
احمد برومانسيهانتى ماقولتهاش ولا مره
هبه بكسوف وباصه على صابعا : اه
احمد باستهبال : اه ايه ؟
هبه : بحبك
احمد باستهبال بردو : ايه ماسمعتش
هبه بصت ليه : لا انت سمعت
احمد هههههههههه ياناس والله بموت فيكى وف برائتك دى الى جننتنى من اول يوم فكراه
هبه بسرحان : تاكد ان السنه الى عرفتك فيها دى مااقدرش انسى احداثها ابدا
احمد بندم : انا .. انا اسف بجد ماكنتش اقصد والله
هبه بابتسامه : ماتقلقش خلاص اتعودت بس كان نفسى ماما تكون معايا وهيا الى تلبسنى طرحتى وتقولى كلامها الحلو وتوصينى عليك وبدات عياط وبابا يمسك ايديا ويدينى ليك كان نفسى اختى تسهر معايا يوم الى قبل الفرح ونودع العزوبيه بهبلنا مع بعض كان نفسى اهئ اهئ
احمد بندم جامد اخدها ف حضنو وماحدش اخد بالو كلهم كانو مفكرين انهم فى احلى لحظاتهم بس مش دايما الظاهر بيبقى حقيقى
رفع وشها بايديه : وبعدين ياعنى انا ازعل بقى انا مش كفايه
هبه بتمسع دموعها : لا طبعا مااقصدش انا ..
احمد : انا فاهم ومن انهارده انا هاكون جوزك وحبيبك واختك وامك وابوك وصاحبك واخوك بالمره فوق البيعه ههههههه
هبه : بحبك
احمد : بحبك









كده روايتى الرابعه خلصت
بس الحب مابيخلصش
وعاوزه اقول ان الى بيتبنى على الحلال دايما والصح هايدوم على طول والى بيتبنى على حرام وغلط عمرو مابيكمل مهما كان جميل فى الاول
جماله مع الوقت او اول مشكله صغيره بيروح
اما بالنسبه للشخصيات
طبعا هبه واحمد ..... اتجوزو
ساره وعلا .......اتخطبو من مين ؟؟ ........ مش مهم
ريم وسمر لو فاكرينهم ارجعو للفصل الاول دول بعد ماحاولو يدايقو هبه تانى
نرمين اخدت الصور والفيديوهات الى كانو نسيوهم اصلا من مشاكل هبه ونلتهم على الفيس وبقو مهزئه الجامعه
سابو اسكندريه واتنقلو لبلد تانيه وسمر قطعت علاقتها بريم وطبعا ده لان دى ماكنتش صحوبيه بس كانت مصالح
كده انتهت اتمنى تكون عجبتكو من كل قلبى
مستنيه تعليقاتكو وطبعا ماتنسوش التقييم بقى
ونقدكو طبعا اصلى تعبت بقى وعاوزه تشجيع لو سمحت
والروايه دى انا عملاها باسامى شلتى حتى الغايبين ^_^

[ملاك ودمعتى هلاك]

اقتباس المشاركة الأصلية كتبت بواسطة Ǯ'rǿrŷ Śhe Ðãrǿrŷ اوبا بقا يارب يضربوها هههههههههه اصلى بحب الجو ده انا زى ساره دى بظبط لالا قصه روعه اخر تلت اربع حجات بس لو تبطلى رخامه وتكماى يارب بقا تنزلى الجزء التانى فى اسرع وقت

ههههههه طول عمرك رخمه زي ساره عارفه :d:d

تسلمي منوره بقي

اقتباس المشاركة الأصلية كتبت بواسطة اميرة الحب الضائع بوت انا مش قولتلك ابل كدا انك عيزه تتضربى هنفوخك نفخ زى البلونه وبعدين هطيرك او ندحرجك عشان تبطلى رخامه مكملتيش ليه يا رخمه يلا بقا هى القصه شكلها كميله كملى بقا وبسرعه تحياتى

ليه بث كته ده انا حونينه وكيوت
نورتي بقي

[ملاك ودمعتى هلاك]

اقتباس المشاركة الأصلية كتبت بواسطة اميرة الحب الضائع لالا جمده يا بوت ونرمين عليها افكار شيطانيه البت دى كفائه وربونا انجزى بقا ومتتئخريش فى تنيزيل الباقى تحياتى

نرمين طول عمرها كده

اهي نزلت كلها بقي
نورتي

اقتباس المشاركة الأصلية كتبت بواسطة ana lola ههههههههههههههههههـ حلو البارت دا ونرمين دماغها عاليه تسلم آيدكـ

نورتي

[ملاك ودمعتى هلاك]

اقتباس المشاركة الأصلية كتبت بواسطة اميره الشعر الشجين هههههههههه نرمين دى مضيعه خالص بس جميله اوى بجد

نرمين ع طول مش جديد
نورتي

اقتباس المشاركة الأصلية كتبت بواسطة العاشق الذى لم يتب رائع هو الطرح وعظيمة الإفادة سلمت يمناك تحياتى وودى

تسلم نورت

اقتباس المشاركة الأصلية كتبت بواسطة m.b قصه حلوه اوي وطبعا معروف عنك كده

ايوه كبشه بقي عجبتك المهم منور ياض

اقتباس المشاركة الأصلية كتبت بواسطة اميره الشعر الشجين البارت السادس دا جميل جدا بس اكيد شريف الرخم دا هيعمل حاجه فى الانتظار ياقمر

اهو القصه خلصت رايك بقي

[اميره الشعر الشجين]

ياعينى ياعينى لاء والله الروايه حلوه من اولها لاخرها نو كومنت بقن وبعدين مغزاها حلو فعلا عمر ماكانت الصحوبيه بالمصالح فى انتظار جديدك ياقمر