البنات ميعرفوش يسكتوا ..كل البنات تجمع هناسريعا مارش

[احساسى صحيح]

تانى موضوع ليا هنا بالقسم
وحبيت يكون فيه مشاركه نسائيه واسعه
لأنه مهم جدا لمعظم الشباب
وانا حبيت يكون على اسم برنامج الستات ميعرفوش يكذبوا
بس فى الحكايه دى اتضح ان البنات طلعوا مصيبه

نبدأ الحكايه :
من فتره قريبه ذهبت لأحدى محلات الملابس
علشان اشترى كام طقم كده على الماشى
اول دخولى المحل لاحظت فتاه فائقة الجمال
شدتنى جدا بجمالها وكمان لما قربت منها
لاحظت رقتها واسلوبها الجاذب وهى بتتكلم مع اختها الصغيره
بصراحه مقدرتش انى امنع نفسى انى اتابع ملامحها
واسلوبها وطريقتها فى الكلام
طبعا انا نازل اقلب فى الملابس وعيونى ليست فى راسى
ولكن فى مكان آخر تنظر عليها طبعاََ
حاولت انى انظر لعيونها لم اراها نظرت لى ولا مره
وعندما كنت قريب منها وانا اتجول بالمحل
سمعتها بتتكلم مع اختها الصغيره وبتقولها
بلاش البنطلون ده احمد مش هيدخلنا البيت لو شافه
ولو داخلنا بيه البيت احتمال كمان يطردنا
وهما الاتنين بيتهامسوا ويضحكوا
انا سمعت كلمة احمد طبعا انصدمت
فقولت لنفسى اكيد ده خطيبها
وبتشترى له هديه ولا شىء
الموهيم هى اشترت وخلصت ومشيت
وانا محلك سر ومذبهل
بعد ما ذهبت سألت صاحب المحل عنها لأنه يعرفنى كويس
وطبعا عرفته انى معجب وكده وعايز اعرف معلومات عنها وكده
علشان اعرف إذا كنت اقدر اتقدم واتكلم واشوف ولا لأ
الموهيم طلع احمد ده اخوها وكانت بتشترى له هديه لعيد ميلاده
طبع فرحت وعن طريق ابن عمها اخدنا الفون وكل المعلومات
وطبعا كلمت اختى الاول انها تروح وتتكلم وكده وتشوف الظروف


وانا فى انتظار اختى بكل الشغف طبعاََ
اتت وطبعا قابلتها على طول .. ها ايه الاخبار
ردت وقالت : اتنيل خيبتنا الله يخيبك
قولتلها الله يبشرك بالخير اختاااااه

طبعا انا انصدمت وقولتلها هاتى م الاخر بقا كده لأنى خلاص
الموهم عرفت منها إنها بعد ما اتكلمت مع والدتها
اتكلمت مع البنت فتره لوحدهم
وطلع ان البنت كانت غير عاديه
وإتضح إنها فصصتنى حته حته
وشبر شبر وإنها إتكلمت مع اختى بجراءه تحسد عليها
وقالت عنى كل حاجه
منها إنى هو فى شاب دلوقت يمشى من غير ساعه فى ايده
وانا فعلا اليوم ده كنت نسيت الساعه وكسلت ارجع اجيبها
ولم تنكر انى شيك والكلام ده بس وقفتى فيها غرور
وريحة البرفان كانت تجنن بس مسمعه زياده
والبنت سألتها انا عندى عربيه ولا لأ
وحاجات لم اتخيل ان فى الوقت البسيط ده
ان اى حد يقدر يطلع كل الملاحظات دى
رغم انى لاحظت انها لم تنظر باتجاهى او هكذا كان يبدوا المشهد
الصراحه انا بعد كل الكلام ده خوفت منها واتعقدت
بسبب إنها طلعت خبيثه جدا وكمان إزاى قدرت تعرف كل ده عنى
وأل انا إللى فصصتها أل
وعرفت بعدها اختى قالت عليا خيبه ليه
الموهيم انا بعد التجربه دى
بقا عندى حاله نفسيه قبل ما انزل الشارع
لازم افتش على كل حاجه
وبقيت ألبس الساعه قبل ما ألبس هدومى


بلاش اكملكم الحكايه
كفايه لغاية كده
وتعالوا بقا يا بنانيت نتناقش

هل فعلا فى بنات كده ناوو ؟

هو ممكن يكون البنات كلها كده دى تبقى مصيبه ؟

ايه اكتر حاجه ممكن تشدكم فى الشاب دون سابق معرفه ؟

الاشياء السطحيه الاهم ام الجوهر والشخصيه

ومش عايز كلام دبلوماسى

علشان اقدر اعرف الجيل ده بيفكر ازاى

يلا منتظركم

[ارهابية وامى عرفة]

هههههههههههههههههههههههه

اللاول احيك على طريقت سردك للموضوع بجد

اكتر من رائع

اجى بقى للموضوع

انا هقول وجة نظرى انا

هل فعلا فى بنات كده ناوو ؟

فى بس مش كتير دول الى بيبقو هيموتو ويتجوزو

وبدور على عريس ومن نوع عريس يماى طخو بس متموتوش يا بوى

هو ممكن يكون البنات كلها كده دى تبقى مصيبه ؟

لا طبعا مش كلهم فى بنات تقدر تقول عليها معقدة

ايه اكتر حاجه ممكن تشدكم فى الشاب دون سابق معرفه ؟

غير العربية واللبس الكجول وتسريحة الشعر والساعة

طريقة كلامو ودة المهم


الاشياء السطحيه الاهم ام الجوهر والشخصيه


اكيد الجوهر اهم والشخصية فى كتير حلوين بس ميطقوش دقيقة وحدة

ويكون دمهم تقيل

تسلم ايدك على الموضوع

تقبل مرورى

كيفوك

[انت احلى الناس]

هههههههههههههههه
كانت واخده بالها من كل حاجه عنك حتى وصلت للساعه

هل فعلا فى بنات كده ناوو ؟

اكيد فيه بنات كدا بس مش كلهم

هو ممكن يكون البنات كلها كده دى تبقى مصيبه ؟
لا مش كلهم كدا فيه اللي محترمه وطيبه وفيه اللي خبيثه كدا


ايه اكتر حاجه ممكن تشدكم فى الشاب دون سابق معرفه ؟

معاملتو مع الناس

الاشياء السطحيه الاهم ام الجوهر والشخصيه
الجوهر طبعا لانو المظاهر خداعه

تسلم ايدك موضوع حلو قوي
تحياااااااااتي

[✿ Celiηα]

هههههههههه فنفس الوقت اللي انت بتبص فيه عالبنت وفاكر انها
مش واخدة بالها لا هي واخدة بالها وبتبص عليك من غير ما تاخد انت بالك

بس طبعا البنت مبالغة بشكل كبير ساعة ايه وعربية ايه بس
هي البنت اول ما تشوف الشاب لو عينها جت عليه طبعا ممكن تتشدله من وسامته
ومش قصدي بكده انه يكون توم كروز مثلا لا العادي يعني
وطريقة كلامه ثم طريقة كلامه ثم طريقه كلامه ثم لبسه فالاخر
وطبعا الاهم من ده كله اخلاقه وشخصيته وده هيتعرف بعدين
بس انا بقولك على الانطباع بتاع اول لقاء

[حـيـــــآة ❤]

هههههه البت مركزه معآك وإنت مش وآخد بآلك
أنآ عن نفيئ ﻵ مش هركز كده من أولهآ
وبعدين مش كل البنآت كده أعم
تسسلم ع الموضوع بئآا

[Magic Dreams]

هههههههههههه انا هتفرج عليكم وشوف هبل البنات قصدى ردد البنات

[ana lola]

ههههههههههههههـ
الخلاصه انا شايفه انها هبله
وبـس مليش رأيى تانى ..
تسلم آيدكـ : ))

[Hearts Whisper]

هههههههههههههه
على فكرة هى مش محتاجة
تركز معااك عشان تقول كل دا
هى تفكيرها متظبط على كدا ..
من نظرة وحدة هتلاقيها جابتك من فوق لتحت
ههههههههههههههه .. اعرف بنات كدا
وعلى فكرة لو مكنتش لفت انتباها اوى
مكنتش بصت اصلا وفرق معاها .. وفضلت فاكرة هههههه
بس طبعا مش كل البنات كدا .. وفى البداية الى بيشد البنت
الكريزمة .. وطبعا بيختلف تأثيرها على بنت والتانية ..
لان فى معظم الاحيان ببقا نظرة قبل ما تتكلم وتسمع
صوته .. ولو سمعت طريقته واسلوبه بيحدد بقا

[شهيده تحت الطلب]

يالهوي فصلتني ضحك

هل فعلا فى بنات كده ناوو******؟

اكيد في بنات كدا ودول بقي اللي ميعرفوش حاجه اسمها "غض البصر"

هو ممكن يكون البنات كلها كده دى تبقى مصيبه ؟

اكييييييد لاااااااااااااا عندك انا مثلا اهه

ايه اكتر حاجه ممكن تشدكم فى الشاب دون سابق معرفه ؟

بدون تفكير الحياء
هموت واشوف ولد خجول
بس مفيش مفييييييييييييييييييييش

[bobaOo]

ههههههههههههه
بغض النظر عن القصة
أنا أعرف ان في بنات بنفصفص الواحد بس مش لدرجة الساعة يعني

في بنات كده آه للأسف بس مش كلنا كده

أكثر حاجه بتشدني ليه شكلو الخارجي
وبعدين شخصيتو من جوا

وربنا بئا يعوضك أحسن منها خير
تكون بنت عندها حياء ومبتبصش ع الولاد وتفصفصهم