سلسلة الإبداعات الفنيه " هواية الرسم " "1"

[۩۩ elMagic ۩۩]

السلام عليكم ورحمة الله وبركاته


يارب يا ساتر
العنوان غريب شويه انا عارف
طبعا هواية الرسم دي مش خاصه بيا
انا مش بتاع الحاجات دي انتو عارفين مش محتاجه كلام يعني
الهوايه دي خاصه بزميل ليا إسمه محمد حسني
فاشل ثانويه عامه زى العبد لله كده
بس اللي محدش يعرفه إن الفاشلين دول هما المبدعين أصلاً
محمد بقى متميز ما شاء الله في مجال الرسم ،،
بيرسم بألوان الميه والفحم والرصاص
وزي ما هو مبدع كمان بيعرف يقلد اى صوره قدامه
ويرسمها بكل تفاصيلها وملامحها ما شاء الله ..

الهدف من عرض بعض أعمال محمد
هو الإفاده له من خلال عرض وجهات النظر
واى تعليقات من الاعضاء اللى هترد على الموضوع
على كل عمل انا هأنزله هناا
..

:: دا أحد الأعمال ::




تعليقاتكوا وملاحظاتكوا يا مبدعين الهوايات ..

[phalsteen]

حلوة الرسمه
انا ماليش في الرسم
بس بحب استفرج
جميل يا ماجيك ابقي قول كة لمحمد
ميرسي للعرض

[شهيده تحت الطلب]

حلوه الرسمه
بس فيها حاجه غريبه
شكله غريب كدا
ممممم
العيون بعاد عن بعض
والعين الشمال مش زي اليمين
وظلل الانف وتحت العين ومظللش باقي الرسمه
بس حلوه ^^

[bobaOo]

حلوة الرسمه
بس مكملش تظليل ليه
تسسلم إيدو بئا

[دمعه حائره]

ماشاء الله مبدع فعلا ياريت يسجل معانا
ويقدم ابداعاته هانكون سعداء بوجوده
تسلم ماجيك على التوبيك

[حـيـــــآة ❤]

جمييله الرسمه
بس معوقه شويتين
تسلم بئآ
وتسلم إيدو

[حَرفُُ هجآءّ]

انا مليش فى الرسم
بس حلوه بجد
واكيد عنده احلى منها
خليه بئا يسجل معانا
وانت امشى

[اذار .]

الرسمه حلوه بجد
و انا فكرتها عاملها بالفوتوشوب
لا هو موهوب و لو بيشتغل على
تطوير و تحسين موهبته هيطلع فنان عالمي
و مش فاشل مثل ما انت بتقول
الفاشلين هم الي ما عندهم مواهب خالص
و مش اقصدك انت طبعا يا ماجيك

كل التوفيق له ان شاء الله .
و شكراً لك احمد

[الأميرة رودي]

جميــله جدا
شكلها موهوب ومبـدع حقيقي
هنتشرف بوجوده أكيد أهو ينافس رسامين المنتدى
جميله بجد تسلم ايديه

[Aya 7ekaya]

جمييله اوى ي احمد
بس النسب مش مظبوطه شويه تسلم ايده اكيد
يدووم بقا ^^