"طبيبة القلوب"دويتو لشاعر الحب الحزين ومحمود أبوزيد

[محمود أبوزيد]

الابيات باللون الاحمر "محمود أبوزيد" الابيات باللون الازرق"شاعر الحب الحزين" "طبيبة القلوب" ماشي فطريقي ومش شايف اودامي راحت وراح معاها كل احلامي ومالك زعلان قوي كده ليه احكي اللي مضايقك وقولي عليه قالت فيوم انها عايشه علشاني وفجاه باعتني وقالت انساني طب راجع نفسك وتعالى نحسبها سوا إيه اللي غيرها وخلاها تنسى الهوا إزاي تبقى طبيبة قلب وتحرمك من الدوا كانت بصوتها تحلي ايامي عاشت وكانت هيا كل احلامي ومنها ليه يجي الامي دا انا كنت وهبلها دفي احضاني يبقى إنتا حبيتها زيادة عن اللزوم واللي يحب اكتر هو اللي يبات مهموم بس انتا انتصرت ومش انتا المهزوم عمره الوفي ما يبقى خسران ف يوم ماكسبت غير اني كرهت كل الاماني وكرهت كلمة حبيت وعايشه علشاني وبتمني اموت او اني اعيش عمري وحداني كسبت وقت كان هيضيع من عمرك قدامك كسبت إنك محيتها من سطورك وكلامك بكرة تحب غيرها ما تقفلش باب احلامك طبيبة يوم ما تحب تدمر وجداني ونسيت اوام عطفي وحناني مفكرتش لو يومها كانت مكاني عارف مشكلتك إنك صعب تقدر تنسى وإنك لما تحب حد ويظلمك متقدرش تقسى عشان قلبك طيب في الكره ملوش مرسى بيحب وبيوفي من قبل ما يعرف اللي قدامه مين لسه سؤال في قلبي محيرني وشاغل كياني هيا فعلا حبيتني ولا كلامها تسالي هيا مشاعري ليها كانت تستحقها ولا كان لازم ابقي اناني...... ممكن كانت بتحبك ومبقتش خلاص بتحبك هتلاقي جواب لسؤالك لما تسئل قلبك وعمرها الأنانية ما كانت هتخليها تفضل جنبك يمكن عشقتك هيا بس ما ارتحتش ف قربك بقيت عاجز عن التفكير ودموعي خطفاني ولون وشي من الالام اصفر ودبل تاني وكل كلامها لسه سامعه بيتردد فاذهاني اقول خاينه ولا اقول ربي يصبرني فالامي مش كل الخيانة بتبقى خيانة ده كان حب مغصوب ومحدش خان حد للأمانة هي قلوب ما ارتحتش مع قلوب هوهم نفسي واصدق كلامك واوهامي واقول نصيب ومفيش حد اناني وازاي ياصاحبي تاني يوم اشوفها فحضن واحد تاني مش بالضرورة ترجع معاها هيا في الحب هتلاقي غيرها ألف وميــة اختار صح يا صاحبي عشان متبقاش ضحية عايز قلبي يجرب ويحب من تاني وارجع ااسي واشكي للناس اوهامي وترجع تاني وتقولي همشي وانساني ولا قولي ياصاحبي هو في حب فزماني عمرك ما تحكم على كل الناس عشان قابلت واحدة عديمة الإحساس حكم قلبك ومتحكمش من غير أساس في ناس بتحب بجد وناس بتحب وخلاص ادعي وقول ربنا يرزقني بوحدة تعشق الحب والإخلاص......... عايش ياصاحبي وحياتي اودامي ونفسي فحبيبة تشاركني احلامي دلني ياصاحبي هلقيها ولا اروح كوكب تاني؟ هتلاقيها يا صاحبي وهتعيش معاك ومش هييجي يوم وتقول هبعد وانساك اختار صح تحس بفرح تنسى الجرح وهتفضل معاك هحب واعيش وهستناها من تاني وعمري فيوم ماهحرمها من حبي وحناني وهوهبها روحي وعقلي وجسدي وكياني ولو يوم جرحتني ياصاحبي فوت علي قبري واقري الفاتحه وانساني بقلم "شاعر الحب الحزين ,محمود أبوزيد"

[bobaOo]

ماشاء الله تبارك الله

إبداع بمعنى الكلمه

دويتو رائع بين أ / محمود و أ /خالد

إيه الحلاوة دي

بجد أروع الكلمات الي شفتها

إحساسكم جميل جدا

تسسلم إيديكم بئا

ومن تميز لتميز

ويدوم الإبداع

تحياتئ

[شاعر الحب الحزين]

اقتباس المشاركة الأصلية كتبت بواسطة boba0o ماشاء الله تبارك الله إبداع بمعنى الكلمه دويتو رائع بين أ / محمود و أ /خالد إيه الحلاوة دي بجد أروع الكلمات الي شفتها إحساسكم جميل جدا تسسلم إيديكم بئا ومن تميز لتميز ويدوم الإبداع تحياتئ

الله ع التشجيع الجميل منك يا بوبا

بجد وجودك جميل وفعال جدا

اكيد الأروع هو وجودك الجميل

ونظرتك الرائعة للكلمات البسيطة

نورتينا يا بوبا واسعدني ردك الجميل

كل سنة وانتي طيبة وبألف خير

احترامي وتقديري

[انت احلى الناس]

الله الله الله
شعراء المنتدى في اجمل كلمات
احساس رائع
دايما متالقين ومبدعين

تحياتي
استاذ محمود
وشاعرنا الاستاذ خالد

[شاعر الحب الحزين]

اقتباس المشاركة الأصلية كتبت بواسطة انت احلى الناس الله الله الله شعراء المنتدى في اجمل كلمات احساس رائع دايما متالقين ومبدعين تحياتي استاذ محمود وشاعرنا الاستاذ خالد

صاحبة الحضور الجميل نورهان

كلامك دايما بيسعدني وبيشرفني ردك

واكيد التألق البسيط ده بنستمده

من حضورك ومتابعتك الدايمة لكلماتنا القليلة

نورتي يا نورهان بحضورك الجميل

احترامي وتقديري

[العاشق الذى لم يتب]

ماشاءالله تبارك الله لاقوة الابالله
جميل الفكرة والمضمون والتعاون
شاعرين كبيرين ألتقيا
فعزفا لنا أنشودة راقية جليلة
تعاون مثمر
اتمنى الاستمارالنسعد نحن
لكما نجومى وتقييمى
وتحياتى وودى

[جبل عالي]

قطبي الأحاسيس والإنسانية مجتمعان

إذاً فالروعة والجمال يسكنان مابين السطور والكلمات


حوار انساني مابين مجروح ومهموم

وبين صديق يهون ويسدي النصح


كنتما مميزين بسلاسة الكلمات والتعبير



كل التوفيق وكل الدعاء بالخير

[محمود أبوزيد]

اقتباس المشاركة الأصلية كتبت بواسطة العاشق الذى لم يتب ماشاءالله تبارك الله لاقوة الابالله جميل الفكرة والمضمون والتعاون شاعرين كبيرين ألتقيا فعزفا لنا أنشودة راقية جليلة تعاون مثمر اتمنى الاستمارالنسعد نحن لكما نجومى وتقييمى وتحياتى وودى

الاجمل هو مرورك العطر

اخي الغالي رفعت

والكلمات ليست كلمات

بدون ان تنال اعجابك

تقبل تحياتي وودي

لا تحرمنا من مرورك العطر اخي

[محمود أبوزيد]

اقتباس المشاركة الأصلية كتبت بواسطة جبل عالي قطبي الأحاسيس والإنسانية مجتمعان إذاً فالروعة والجمال يسكنان مابين السطور والكلمات حوار انساني مابين مجروح ومهموم وبين صديق يهون ويسدي النصح كنتما مميزين بسلاسة الكلمات والتعبير كل التوفيق وكل الدعاء بالخير

سيدتي اميرة القصر الوردي

الم نخبرك باننا حينما نلتقي

ونعزف باقلامنا فاننا لا نقوي

علي العزف الا بوجود معني الانسانيه

والرقة والاحساس الا وهو انتي

فتوقعي منا الكثير فقط مادمتي

معنا ولا تسالينا عن الرحيل

ان غبتي لحظة عنا .......

تحياتي ومودتي..

[رآقيہ بأخلاقـى]

ماشاء الله دويتو رائع بين اتنين من مبدعى المنتدى
والله كلماتكم الرائعه رسمت بسمه على شفاهى
ماشاء الله الكلام موزون وفيها تناسق رائع
واكيد دى مش حاجة غريبه او صعبه على اتنين جامدين زيكم
دمتم بود ودمتم مبدع ومتألقين ومن تميز لتميز
منتظره جديدكم بقى وحلوة فكرة الدويتو
اعملوها كتير
تحياتى لك محمود \ وخالد