فى كلــمــتــيــن مع مـح ـ الصاروخ ـمود

[Stop Ana Eltop]

السلام عليكم ورحمة الله وبركاته عاملين ايه ان شاء الله تماام حلقه جديده من برنامج فى كلمتين وعضو جديد هنتعرف عليه عن قرب مع المتميز مـح ـ الصاروخ ـمود مشروع شهيد من مبدعى المنتدى اسمك . سنك . عنوانك اسمى / محمود السيد الشهرة محمود الصاروخ السن / 22 سنه العنوان / المنصورة عرفت المنتدى ازاى بصراحه مش فاكر اوى بس تقريبا كنت كتبت على جوجل و ظهر المنتدى اول واحد و سجلت فيه و مخرجتش تانى دخلت المنتدى من امتى كنت ف 2012 بس مش فاكر ف شهر كام بالظبط لان سجلت و مدخلتش بعدها بعد التسجيل بفتره قررت إن اشتغل ف المنتدى اول حد اتعرفت عليه كان єЛ- мiлshαwi اتكلمت معاه و اتعرفنا على بعض لان كنت برفع اغانى ف قسم الشعبى زمان و اتكلمنا فتره بس ماتكلمتش معاه من زمان و اتمنى انه يكون بخير بيمثلك ايه المنتدى أول حاجه بدخل عليها أول ما بفتح نت لازم أفتح المنتدى ابص و اشوف الدنيا فيها ايه و اطمن على جميع الاعضاء و الناس اللى بحبهم هنا بحب المكان ده اوووى بجد اول قسم تابعته فى المنتدى أول قسم تابعته اول ما سجلت كان قسم الاغانى لان كنت شغال ف مجال المهرجانات وقتها و كنت برفع شغل دايما فيه ولما اختفى قررت أشتغل ف جميع الاقسام وحبيت الاقسام كلها يعنى تتمنى تمسك اشراف قسم ايه والله انا مافى دماغى فكرة الاشراف دى خالص أهم حاجه حب الناس اهم من أى حاجه بس انا يوم ما اتمنيت أمسك اشراف اتمنيت اشيل نور وامسك مكانه قسم النقاش شكلى هتضرب من نور (يارريت ) فى حياتك الشخصية ايه امانيك فى الدنيا والله انا كل أمانيا ف الدنيا حاجه واحده الاقى صاحب ميكونش مصاحبنى عشان مصلحه هو أه انا عارف ان قليل لما الاقى حد كده بس أهو أدينى بدور و ربنا يسهل وفوق كل ده رضا ربنا حققت حاجه من الى حلمت بيها ههههههههههههههههههههه بصى انا حلمت ب حاجات كتير اوى لحد دلوقتى لسه بحاول اهو وشكلى هموت من غير ما أحقق أى حلم ربنا يسهل يارب من اغلى شخص فى حياتك أغلى شخص ف حياتى اللى بيقدرنى بجد مهما يكون هو مين لان انا لو بحب شخص وغالى عندى و مش بيقدرنى خلاص يبقى الكلام ميت من نحيته عمرك اتمنيت ترجع بيك الايام لورا ولو اه ليه ؟؟ هى بصراحه مره واحده .. ليه عشان أشوف أبويا الله يرحمه .. واحشنى جدا ندمت على حاجه قبل كدا ولو الاجابه نعم زى ايه ؟؟ الحاجه الوحيده اللى ندمت عليها ف حياتى معرفتى لـ واحد كان صحبى و ندمت بعدها ان عرفته غير كده عمرى مابندم على اى حاجه معنديش حاجه اندم عليها اصلا ايه اكتر صفه فيك بتكرهها أنا مش عارف دى بجد بس اتمنى ان لو أى حد شايف فيا صفه مش حلوه يقولى وانا احاول اغيرها رايك السياسى تبع مين هو بصراحه من جوايا لا ده ولا ده لان لا عاجبنى ده ولا عاجبنى ده انا اه وقفت مع السيسى و انتخبته بس قولت بعدها ياريتنى مانزلت مش كرهها فيه لا بس ربنا اللى عالم مين الصح ومين اللى غلط وانا مش عاوز أكون بشاركه ف حاجه غلط أو اكون سبب ان أى نقطة دم تنزل سواء من هنا أو من هنا (ربنا يعيين ) قد ايه متعلق بالنت عادى لو موجود و قاعد ف البيت بفتح نت واكون موجود دايما لو مش موجود و هبعد عن النت مش بتفرق لو هقعد سنه من غير نت مش أووى يعنى ندمت انك اتعرفت على حد من الى اتعرفت عليهم عن طريق النت والله حصل كام موقف زمان زعلونى جدا وفضلت فتره بعدها مفتحش نت بسبب كده بس اهو كله مع الوقت بيتنسى اصدقائنا من على النت ساعات بيبقوا اقرب من اصدقاء الحقيقه بتصدق الكلام دا على فكره الكلام ده حقيقى و فعلا انا ليا صحاب كتير جدا من ع النت ف كل مكان ف مصر ونزلت قعدت معاهم ورجوله أكتر من أى حد ع أرض الواقع و صحاب بجد بس لحد دلوقتى مقابلتش حد م المنتدى عمرك اتمنيت الموت لقدر الله ولو اه ليه والله الموت ده حاجه بتاعة ربنا ووقت ما يجي لا هنتأخر ساعه ولا هنتقدم ساعه بس ربنا يدينا طولة العمر يعنى حسيت قبل كدا انه مكنش عندك حسن تقدير فى موقف معين لا بصراحه الميول السياسيه عندك بتأثر على تعاملاتك قد ايه السياسه مش ف دماغى اوى يعنى انا ممكن أقول رأى بس مش سياسى اوى اتعرضت لخيبة امل فى حياتك ؟؟ لا .. الحمدلله المنتدى بقن ايه عيوب المنتدى من وجهة نظرك لحد دلوقتى مشوفتش أى عيب غير ف الفتره انه كان بيقع كتير اكتر قسم بتحبه فى المنتدى بحب أقسام كتير طبعا ومنهم قسم اليوميات و الصفحات و النقاش و الرياضه تتمنى تغير ايه فى المنتدى من وجهة نظرى شايف كل حاجه تمام والاداره ظابطه كل حاجه يعنى ومسيطره ع المكان موقف حصلك فى المنتدى عمرك ما هتنساه هو مفيش موقف معين بجد بس بفرح اوى لما بتعرف ع حد ويطلع رجوله و جدع معايا ده اللى عمرى ما أنساه طول العمر ايه الى يخليك تتخلى عن المنتدى مفيش حاجه تخلينى أتخلى عن المنتدى ان شاء الله وجه رساله للاداريين والمشرفين والاعضاء الأداريين / طيبين جدا و عمرهم ما أخرو لحد طلب ربنا يوفقهم يارب و نشوفهم ناجحين دايما المشرفين / نفس الكلام برده الاعضاء / تعالو نعمل إعتصـام ضد مورشو - نور رساله لحد من المنتدى مش هقول اسم بس اكيد هي هتعرف لو شافت الرساله / ربنا يكرمك و يوفقك وكفايه بس ان بشوف اسمك ف المنتدى و بسمع عنك كل خير رساله لحد بره المنتدى لجميع صحابى قدر تتقدر .. تغلط تتكدر تسلم يا محمود على الاجابات الجميله وحقيقى كنت منور الحلقه الى اللقاء مع ضيف تانى عما قريب بقن ان شاء الله فى امااان الله

[۩۩ elMagic ۩۩]

حوار راقي ومميز
نورت يا محمود
بالتوفيق ليك يا غالي
ويارب تحقق كل ما تتمناه
الله ينور هبه
تسلمي لمجهودك
كل سنه وانتم طيبين بقآ

[sad prince]

حوار جميل
وضيف اجمل
تسلم ايدك هبه
ومنورنا يا حوده

[Stop Ana Eltop]

اقتباس المشاركة الأصلية كتبت بواسطة ۩۩ elmagic ۩۩ حوار راقي ومميز نورت يا محمود بالتوفيق ليك يا غالي ويارب تحقق كل ما تتمناه الله ينور هبه تسلمي لمجهودك كل سنه وانتم طيبين بقآ

تسلم يا ماجيك ع المرور

عقبال لما اشوفك مكانه

نورت بقاا

[Stop Ana Eltop]

اقتباس المشاركة الأصلية كتبت بواسطة sad prince حوار جميل وضيف اجمل تسلم ايدك هبه ومنورنا يا حوده

تسلم ع المرور

وعقبال لما تبقى مكانه بردك

نورت

[محمود أبوزيد]

دائما مبدعة ليست بجديدة
حوار اكثر من رائع....
مع انسان اكثر من رائع..
مع متقنة لفن الحوار في قمة الرووعه
ابدعتي تقبلي تحياتي...