استضافة رياضية الحلقة الرابعة و معانا ...

[عيون مصرية]

السلام عليكم ورحمة الله وبركاته اهلا بيكم اعضاء بنات مصر الكرام كل عام و أنتم بخير و عيد فطر مبارك عليكم النهارده معانا حلقة مميزة جدا فى استضافة رياضية و هيكون معانا فى الحلقة الرابعة باذن الله ضيفة تتميز بخفة الدم معروفة و محبوبة فى كل مكان بتكون فيه بتعم الفرحة و البهجة عليه كلنا بنحبها و دايما عندها ابداعات جميلة جدا مميزة بنشاطها و قربها من الجميع معانا و معاكم جبل عالي مشرفة الابداعات الادبيه *وتر يقطر ألـم* اهلا وسهلا بيكى يا قمر منورانا النور نورك حبيبتي ربنا يكرمك كل سنة و أنتِ طيبة و عيد فطر مبارك عليكى ان شاء الله وعليكي يارب وعلى مصرنا يااارب عرفينا عن علاقتك بالرياضة ؟ و بتشوفى اد ايه هى مهمة ؟ علاقتي اتقطعت بيها من زمان ... بشوف انها مهمة اكتر من اي حد تاني وعرفت اهميتها بعد وقت طويل طبعا للصحة العامة وللتفكير كمان شايفة ازاى ممكن نطور مفهوم الرياضة فى مصر ؟ نطوره من بداية السن الصغير للطفل ويستمر لما بعد الابتدائي والتطوير بيشمل الاهتمام بمدرسي الرياضة ومرتباتهم لان اللي بنشوفه ان مدرسي الرياضة معادش لهم وجود خالص ع الخريطة ما هى الرياضة المفضلة لديكِ ؟ بحب جدا جدا رياضة الكونغ فو والكاراتيه بصراحة ولازلت بعشقها وكان حلمي اتعلمها صح حصلك موقف مضحك قبل كدا بسبب الرياضة دى ؟ هو موقف مش مضحك الصراحة .. بس يمكن يضحككم كانت حصة ألعاب فى الاعدادي ومفروض بننط من فوق الحصان الخشب اياه المهم نطيت كذا مرة وفل الفل وجيت على المرة الأخيرة دي ومعرفش ايه اللي حصل رجلي اتشنكلت في جسم الحصان فنزلت رزع ع الارض تقريبا شفت الموت بعيني لان التنفس وقف لمدة ثواني ... بس بعدها خلااااص وتبت من اللعبة دي ههههههههه هل تطلعى لممارسة نوع جديد من الرياضة فى المستقبل ؟ انا باتمنى اليوم اللي اخد قرار اني انزل بقااا عن الكسل اللي انا فيه وامارس بجد اي نوع من انواع الرياضة البسيطة طبعاا اهاااا هههههه وهاجي احكيلكم يوم ما ابدأ ان شاء الله و نبقا نعمل حلقة هنا عن مغامراتك الرياضية هل فكرتى قبل كدا فى احتراف رياضة معينة ؟ و ايه هي؟ زي ماقلت فى البداية كان نفسي في الكونغ فو شايفة ان البنات الى بتحترف رياضة معينة ؟ بتاخذ حقها فى الشهرة زى الرجل ؟أم لا ؟ و ايه السبب من وجهة نظرك؟ بما اني مش متابعة اوي خصوصا بقالي كام سنة . بس اقدر اقولك البنت الرياضية عندنا لما بتحترف بيكون احتراف مؤقت وعمرها مابتاخد حقها في الشهرة زي الرجل لأن عمر الرجل الشرقي مابيرضى ان البنت تتميز عنه ده غير انها اول مابترتبط بتنسى كل تاريخها وده طبع مجتمعنا الشرقي ما هو ناديك المفضل عربياً ؟ كنت بشجع النادي الاهلي هل فى حد كان السبب فى اختيارك للنادى ده من البيت او صحابك ؟ لا الصراحة مفيش حد بس كانت ايامها والدي بيشوف ماتش واعتقد انه كان بيشجع الزمالك ... فانا شجعت الفريق المضاد لفريقه بقااا هههههههه ومن ساعتها وانا بشجع الفريق ده ...بس في الآخر كله بيمثل مصر من هو لاعبك المفضل عربياً؟ مفيش حد معين حقيقي ... بس زمان كان في بيبو ده كان عامل شعبية خطيرة ما هو ناديك المفضل عالمياً ؟ البرازيل ومتسأليش ازاي اصل ده الفريق اللي كنت باتفرج له على مباريات من هو لاعبك المفضل عالمياً ؟ عالميا ؟ ممممممم كان مارادونا هل تتذكرى أول مباراة شاهدتيها فى حياتك ؟ هي كانت مباراة بين الاهلى والزمالك بس امتى معرفش هل انتِ متعصبة لفريقك أم لا ؟ الحقيقة كنت زمان بتعصب دلوقت بتعصب على ولادي وبس ههههه ربنا يخليهملك يااااااا رب لو قلنا انك هتأسسى نادى هيكون ايه اسمه ؟ و ايه هى الرياضات الاساسية الموجودة فيه ؟ هيكون اسم النادي \ نادي (مصر الحرة) الرياضات هي رياضة الجري رياضة الكونغ فو رياضة كمال الاجسام(عشان عبودي) رياضة كرة الاسكواش كرة السلة الكرة الطائرة السباحة الايروبكس الجيم لكل الاعمار بقاااا وخصوصا البنات والسيدات ايوا بقا حد هيظبتنا اخيرا و كل بنات المنتدى العضوية مجانية بقا لو حبتى تشكلى فريق كرة قدم من اعضاء منتدى بنات مصر مكون من 11 لاعب طبعا مين هما اللاعبين ؟ وااااااااااو من البنات !!! ممممممم و11 لاعبة ياااه طوووويب حرف هجاء ستوب انا التوب رودي رووكة شهيدة تحت الطلب حافظة القرآن كان حلم رووني نفرتيتي لايفهمني سواي بؤووبا ده شكلوا هيبقا فريق جامد و محدش هيقدر عليه ابدا مين العضو \ة هيكون كابتن الفريق ده ؟ اكيد اكيد حرف هجاء (مفترية) شخصية بقا و هتقدر تسيطر كحك العيد و الرياضة و الصحة الحل ايه من وجهة نظرك ؟ الاعتداااااال ولا شيء غير الاعتداااال نصيحة لاعضاء المنتدى عن الرياضة ياريت نهتم بالرياضة زي الاكل والشرب بجد حاجة حابة تقوليها فى نهاية الحلقة احب اقولك تسلمي عيون على الاستضافة الجميلة دي وبجد ياريت كلنا نعرف قيمة الرياضة قبل فوات العمر ونتعب ونرجع نقول محتاجين شوية رياضة زي حالاتي كده ههههه وكل سنة وانتوا بصحة وسعادة ورضا ربنا يتقبل مننا كلنا صالح الاعمال والنيات تسلميلى يا قمر استمعت كتير بحلقتك عجبتنى كتير و يا رب يكون عيد سعيد عليكى يا رب و على الجميع باذن الله و يتقبل صالح الاعمال و النيات من الجميع ان شاء الله كدا حلقتنا انتهت انتظرونا فى الحلقات القادمة استضافة رياضية ودى

[۩۩ elMagic ۩۩]

اجمالك انت بالكونغوفو والكاراتيه
ميس أمل
نورتي الحلقه بقآ
الله ينور عيون
تسلمي لمجهودك

[رووكه]

اقتباس لو حبتى تشكلى فريق كرة قدم من اعضاء منتدى بنات مصر مكون من 11 لاعب طبعا مين هما اللاعبين ؟ وااااااااااو من البنات !!! ممممممم و11 لاعبة ياااه طوووويب رووكة

طب هكون ايه آجبول حارس مارمى ودفاع ولا هصفر

انا جبانه جدآآ من شوطه الكوربس شطره ف التشجيع

وآخيرآ هلحب كويره

يارب تكثبى بينا آجبول ده فريق زى الفل والله

كل سنه وانتو طيبين ومنحرمش منك يا جبل
ودائما ربنآ مجمعنآ بالخير
تسلمى عيون ع الدعوه وع مجهودك الجميل
كل سنه وانتى طيبه ي قلبى

[احساسى صحيح]

لو حبتى تشكلى فريق كرة قدم من اعضاء منتدى بنات مصر مكون من 11 لاعب طبعا مين هما اللاعبين ؟

وااااااااااو من البنات !!! ممممممم و11 لاعبة ياااه طوووويب

حرف هجاء
ستوب انا التوب
رودي
رووكة
شهيدة تحت الطلب
حافظة القرآن
كان حلم
رووني
نفرتيتي
لايفهمني سواي
بؤووبا

ههههههههههههه
ايه ده
دا هيبقى فريق خطيررر ام عبدالله
كان نفسى اعمل فريق من الشباب ونعمل ماتش بقى ضدهم
يااااه دا احنا كنا نضحك عليكم ضحك
يعنى ممكن نسجل فيكم 25 جوول ولا حاجه

حلقه جميله مع ام عبدالله يا عيون
تسلموا عليها
وعيدكم سعيد

[سارة بنت مصر]

بقى كده الزمالك وحش وبتشجعى الفريق المنافس

انا زعلانه

حلقه جميله مع ضيفة اجمل

[bobaOo]

الله
أنا في الفريق أهو
خليني في الإحتياط بئا عشان ماخسركوش
حلقة جميله جدا مع أ/ أمل
واجابات رائعه
تسسلم إيدك عيةن

[CAN _ 7LM]

اقتباس لو حبتى تشكلى فريق كرة قدم من اعضاء منتدى بنات مصر مكون من 11 لاعب طبعا مين هما اللاعبين ؟ وااااااااااو من البنات !!! ممممممم و11 لاعبة ياااه طوووويب حرف هجاء ستوب انا التوب رودي رووكة شهيدة تحت الطلب حافظة القرآن كان حلم رووني نفرتيتي لايفهمني سواي بؤووبا

اول مره اتوقع انى اكون فى فريق رياضى
بس اقولك ع حاجه بس متقوليش لحد
انا شوله

حلقه جميله
مع ضيفه محبوبه وعقلانيه
اسئله مميزه
يسلمو ع المجهود

[العاشق الذى لم يتب]

والله ام عبدالله طلعت رياضية خطيرة
وراتيه ومش عارف كونوغو دى ولاايه
وبعدين الفريق
كله بنات
مافيش حد ولارفعت واحد وسطيهم
منورة الحلقة ياكابتن امل
وكل سنة وانت طيبة
وتسلمى عيون
وهذا البرنامج الجميل
دمتم بخيروعافية

[الأميرة رودي]

اجاباتك جميله يامولا
هتاخديني من ضمن تشكيله فريق البنات
طيب وهيبقى مركزي ف الملعب ايه بقى عشان ابدأ اتدرب وأرفع راسك ههههه
استضافه رائعه عيون
وضيفتك انسانه مميزه ف كل المجالات
تسلمو حبيباتي ♥♥

[حافظة القرآن]

يا سلام يا سلام
وانا من الفريق كمان هههه
يعنى اتعلم الاول بس
عشان نكسب ان شاء الله
هههههه
تسلمى يا حبيبتى

الحلقة جميلة جدا
والضيفة مميزة وزى العسل
واجاباتها جميلة
تسلموا