عندى قوة فى قلبى

[SaMa.]

ازيكم
عارفين يعنى ايه انسان سفنجة
يعنى عندة قوة يقدر يمتص كل غضب اللى قدامه
يعنى عندة طاقه يقدريقاوم بيها كل السلبيات اللى حواليه
عنده صبر يستحمل سخافات بشر معدومى اﻻحساس
عندة قلب مايعرفش غير انه يحب
وعقل مايفهمش غير نسيان القسوة وفهم المشاعر
انسان عنده قوة فى قلبو مش قسوة
قوة العاقل وثقافة الواعى اللى يعرف يفرق بين انواع الناس
ويعامل كل واحد على حسب تفكيره ونفسيته
انا قررت ابقى كدة ازاى لسه مش عارفه
بس المهم انى فاهمه
دى فضفضة مستنيه النصيحة

[توحد ارواح]

فى مقوله بتقول كن جميلا ترى الوجود جميلا
لو احنا عاوزين نشوف كل حاجه جميله وعودنا نفسنا على كدا
باذن الله نتغير للافضل حتى لو قابلتنا مصاعب كتيره
تسلمى على موضوعكِ سما ونورتى المنتدى

[۩۩ elMagic ۩۩]

علشان تقدري تقوي قلبك
دا بيتم بالإيمان والتقوى
وربنا هيهديكي للتصرفات الحكيمه
المهم تكوني مقتنعه بكل شئ بتعمليه

[the Virgin]

أعانك الله .. بس متنسيش برده ان لكل انسان طاقة

انا هحاو9ل برده أكو9ن كدا .. عشاني انا

ودي

[SaMa.]

اقتباس المشاركة الأصلية كتبت بواسطة توحد ارواح فى مقوله بتقول كن جميلا ترى الوجود جميلا لو احنا عاوزين نشوف كل حاجه جميله وعودنا نفسنا على كدا باذن الله نتغير للافضل حتى لو قابلتنا مصاعب كتيره تسلمى على موضوعكِ سما ونورتى المنتدى

ايوة كﻻمك صح وعجبتنى المقوله

اقتباس المشاركة الأصلية كتبت بواسطة ۩۩ elmagic ۩۩ علشان تقدري تقوي قلبك دا بيتم بالإيمان والتقوى وربنا هيهديكي للتصرفات الحكيمه المهم تكوني مقتنعه بكل شئ بتعمليه

عمرى ماعملت حاجه اﻻ وانا مقتنعه بس عيبى بحمل نفسي فوق طاقتها

اقتباس المشاركة الأصلية كتبت بواسطة the virgin أعانك الله .. بس متنسيش برده ان لكل انسان طاقة انا هحاو9ل برده أكو9ن كدا .. عشاني انا ودي

ياريت نقدر
ثانكس على الردود

[Aya 7ekaya]

بصى
هقولك حاجة
طنشى كل ال حواليكى هترتاحى

[SaMa.]

هههههه اوك ايه بتعملها ازاى

[انا جيجي]

عارفة يا سما مش كل الناس عندها القدرة دى

[Lost Pearl]

انتي محتاجة تكوني باردة بس بذكاء

حاولي تتدربي بقي و ربنا يكون فـ عونك

[Words Whisper]

دا مش اسمه سفنجة
دا اسمه إنسان راقي
عايزه تبئي كدا
يبئا حطي نفسك مكان الناس
هتلاقي انك بتلتمسي الأعذار وبتعرفي تسمعيهم كويس
هتلاقي انك بتعرفي تشوفي الخير جوا الناس ..


ربنا يهدينا جميعا للرقي ..