برنامج سناب شات

[هشام البرامج]

برنامج سناب شات هو برنامج رسائل صوريه..
وطول هالبرنامج واحد مليح اسمه ايفان سبيجيل
البرنامج متاح فقط لمستخدمين ابل و مستخدمين الاندرويد
يعني الي معه بلاك بيري لايدرعم ويسال ترا مافيه

باستخدام هذا البرنامج المستخدمين يقدرون يرسلون صور
ورسائل فيديو، والكتابه على الصور والشخمطة وغيرها ..
ثم ارسالها للمستخدمين وتكون معروفه بال"سنابس"
ولكل مستخدم طريقته الخاصه في السناب يعني مثلا
عندي صوره بحطها تنعرض من ثانية واحده ل عشر ثواني حد اقصى
والصورة تكون من تصوير الكاميرا يعني تصور شيء
قدامك وترسله ماينفع تاخذ من الاستديو مايخلونك
وتحدد الزمن المحدد لعرض الصوره للمستخدمين
ولين توصل الصوره الي انت راسلها ومحدد عشر ثوان
المستخدم يتلقاها ويوم يجي يشوفها تنعرض له
لمده 10 ثوان فقط ومايقدر يشوفها مره ثانيه او يستخرجها
او انه يطلعها مرتن ثانية لا

البرنامج حجمه خفيف لطيف وطريقه التسجيل مافيها اي
تعقيد تختار لك اسم وتحط ايميلك وباسوردك وتسجل
ويجيك التاكيد تضغط على الصور الي فيها اشباح
وخلصنا ..



فكره البرنامج، ان الصور الي ترسلها مباشره لايف من
كام فونك للمستخدمين على طول
وهذا يعيشهم اللحظه ..
غير كذا ان مايمدي يستعرض الصور مره ثانية اذا شافها
وهذا يعطيه الحق بالاستهبال في الصور وياخذ راحته
امم.. غير كذا لو احد صور الشاشه وقت عرض الصوره
يجيك تنبيه صغيرون ينبهك ترا هالمستخدم صور وتقفطه


لكل برنامج سلبيات ولكن سلبيات هالبرنامج ماتغني
عن حلاوته وسهوله استخدامه ..
ياخوك السلبيه الاولى انه فضيحة .. يوم تجي
ترسل للناس وتبدا خلاص بالارسال .. وكذا
تبدا تتفاعل مع الناس
السناب شات تلقائي يختار لك 3 من المستخدمين
الي ترسل لهم دايم ويرسلون لك ..
يحطهم لك بست فرندز- Best Friends
وهالشيء تلقائي من البرنامج وغصب عليك
والكل يقدر يشوف منهم البست فرندز حقونك
وانت تقدر تشوف منهم بست فرندز للناس
يعني يشوفون من تكلم اكثر شيء
الفيديو ياليت يطولون مدته يعني احس 10 ثواني ماتكفي مثلا
يخلونها 17 ثانية كشيء رمزي وطويل كفايه
- بالنسبة لي هذي العيبين الوحيده الي لقيته بهالبرنامج الرائع


في الآونه الاخيره انتشرت طرق تسجيل
او حفظ بعض الصور الي تنرسل وهذا الشيء
موجود وتم اختراقه في قاعده بيانات
السناب شات وتم رصد اكثر من 250 مليون
مستخدم بصورهم وجميع اشيائهم
السالفه - ان في بعض البرامج والاشياء
الي تطلع السنابس وهذي مشكله كبيره وهي ساريه
في النظام الان كما وبعض البرامج
تقدر ترسل صوره من الاستديو على السناب شات
لكن فريق عمل السناب شات جالس يدرس هالسوالف
ويضبطها لنا باذن الله قريباً
انتم استخدمو البرنامج للسوالف وتصوير المناظر الطبيعيه
وكذا يعني لاتتعمقون بالشخصيات وتصورون انفسكم
وتنبلشون



تقييمي للبرنامج هو من افضل البرامج وبالنسبة لي
افضل من الواتس آب واستخدمه بشكل يومي صباحاً
مساءاً واغناني عن الكثير من الوسائل االاخرى مثل كيك
وانستقرام و ببي و واتس آب كلها صرت اسخدمها اقل
بعد هالبرنامج الكويس ..
بصراحه انصحكم فيه

( الاستفسارات مفتوحة بهالموضوع والي حاب يستفسر يتفضل ويسأل عن كل شيء بخاطره )

[bluetooth1]

مشكور .

[bluetooth1]

موضوع رائع جدااااااا

[العاشق الذى لم يتب]

رائع ماتفضلت به وطرحت
وجليلة الإفادة والمضمون
بوركت وجزيت خيرا
تحياتى وودى

[۩۩ elMagic ۩۩]

الله ينور
تمام الجهود
يدوم التميز والنشاط ,,