نسيت دقني فـ خلوني اشد شعري

[الآمير العآشق]

.

.

قال رسول الله صل الله عليه وسلم ــ( خالفوا المشركين
ووفروا اللحيه واحفوا الشوارب )
.
انا بديت كلامي بحديث لرسول الله صل الله عليه وسلم
عشان احكي موقف حصل ليا من تعليقات للجميع
بخصوص اطلاق اللحيه
.
ف ايام رمضان حبيت اسيب دقني شوي
يحني يدوب خليتها زي مابنقول منبته
ويااه ع الي سمعته من هونا ومن هووناا
عشان بس تركت دقني كام يوم بدون حلاقه
.
اول واحد كان الحلاق الي يعرفني كويس
واول ماروحت اقص شعري / فقلت له
قص شعري بس وخلي دقني
ولسه يدوب ماكملت كلمة خلي دقني موش هحلقها
الا وقالي : هو انت انضميت للاخوان !
<< خلااص اطلاق اللحيه صار انتسابها عندنا
اما للسلفي او الاخواني ومش لشباب ورجال المسلمين
وكانها ليس امر من رسول الله
.
اما اصحابي / اضحكووا علي تعليقاتهم
.
صاحب ليا قالي : شكل دقنك حلوو عليك
و ماشيه مع وشك
بس كنت حددتها من هووناا وخليت الجنب دا
اطول من الحته دي عشان تمشي مع الموضه
.
وصاحب تاني ليا قالي : انت سبت دقنك ليه
موش خايف يقبضوا عليك عشان ربيت دقنك
.
اقوال وتعليقات كتير سمعتها
موش هسردها كلها
بس كان اكتر تعليق استفزني
هو تعليق عم ليا / وهو تحديدا موش اخو ابي
لكن هو ابن عم ابي / بس ذوقيا بناديه عمي
المووهييم اول ماشفني وانا ف زياره لهم
عشان له ولد وبنت اصحابي بالجامعه
ومتعود اني ازورهم وهو يعرف ارائي السياسيه
وانا بقول تفاصيل عنو عشان هو رتبه عاليه ف الجيش
وبيكره دايما يسمع ارائي السياسيه
المووهيم اول ماشفني قالي: ايه القرف
الي عمله في وشك دا ياماجد

<< يقصد ان تركت دقني كام يوم بدون حلاقه
.
وهووناا انا قعدت مع نفسي وسالت نفسي سؤال محيرني
ويمكن الائي اجابه سؤالي عندكم
هي تربية الدقن خلاص صارت وصمه في حياتنا
اللحيه الي رسولنا الكريم اوصي لاطلاقها
وبصيغة امر / يحني تكاد تكون فرض وليس سنه
اصبحت في بلدنا شي مهان او مكروه
او موضه عن بعض الشباب واللعب برسمها
زي بعض بنات مابتلعب بشكل الحجاب
اصبح من يطلق دقنه خلااص مهدد من امن الدوله
اما بالحبس او الاعتقال ويكون عرضه للمراقبه
.
وعشان كوودا وانا بفكر حسيت اني عاوز اشد شعري
بس للاسف جيت اشد شعري موش لئيت شعري
نسيت اني حلقت شعري زيروو / عناد مع نفسي
.
والتعليق الوحيد الي ريحني / كان تعليق امي
لما حكيت لها عن كلام الحلاق وكلام عمي
قالت ليا / اعمل الي يريحك انت وموش يهمك كلام الناس

.

.

[Eng Esraa]

راي والدتك صحيح يا ماجد
مش لازم تسمع للناس كتير لان
التفكير بيختلف و خصوصا ف الناحية السياسية
هتسمع تعليقات اكتر لو ركزت فيها للاسف
... اعمل اللي يريحك انت لان انت بتعمل لنفسك
مش لهم ... مش فارقة اخوان او لا ... مش عارفة بصراحه
هما ليه بيربطوا شي موجود ف اسلامنا و محلل بالاراء السياسية
و اكترها غلط
تسلم ع التوبيك

[اميره الشعر الشجين]

ههههه لا حول ولا قوه ال ابالله معلشى بقى هى دى دماغ الناس

[ساحر الأحزان]

اللحية ولا هى عيب ولا حرام

دى سنة عن الرسول الكريم

أهم حاجة أنها تكون مهذبة بطريقة منسقة

لانك بتشوف بعض اللحى شكلها ينفر ولا اهتمام ولا تنسيق

فدة الى بخلى الناس متخوفة شوية من اصحاب اللحية

وخصوصا بعد التعليقات وما اثير حولها

موضوع جميل امير

بالتوفيق

[إيلاانا]

سيظل هكذا حالنا إلى ان نسقط في الهاوية

لاننا ابتعدنا عن القران وسنة واحاديث الرسول وحفظنا الاغاني

فكيف يدركون سنة الرسول عليه السلام وهم ينظرون لمن يطلق اللحية ارهابي

هل مايفعله الان الكثير من الشياب من تسريحات شعر وفتح قميصه ومايرتديه في يده

وغيرها هو رجل بل لايمد لرجولة بصلة

حتى شبابنا في حالة يرثى لها اشغلتهم الدنيا ووجدوا من يساعدهم امثال هؤلاء

بل عليك أخي بفعل ماتجده صح ولا يغضب الله ورسوله ولكل ظالم يوم

والحق لابد له من الشروق وان طال

تحياتي لك

دمت بخير وسعادة

بقايا صمت

[ملاك صعبة الإمتلاك]

هههههههههههههههههه
حلوو تكون واثق من نفسك
مالك دخل في كلام الناس ع رايي امككك
هو فعلا اللحيه حاليا صارت خطيرة جدا
انا كانوا هياخدوا بابا في المطار
..

[شهيده تحت الطلب]

تيكت ايزي
خلاص حفظنا الكلام ده
يعني انا بتعرف اني اخوان من الخمار
مع اني مش لابسه خمار عادي
ده خمار لف
يعني زي الطرحه كدا
بس احنا طالما عارفين ان احنا مبنعملش حاجه غلط
ف ميهمناش كلام الناس
اللحيه سنه عن الرسول
ولما يتقال عليك اخوان بمجرد ان دقنك كبيره
يبقي دا فخر للاخوان وليك
ورأي والدتك تماااام
موضوع جميييل ^^

[حـيـــــآة ❤]

صح إعمل إلئ يريحك بس المثل بيئولك
كل إلي يعجبك
وإلبس الي يعجب النآاس..
مش بحبط أنا ع فكره.. بس هما أكيد متعودين ع شكلك من غير دقن
عشان كده ردة فعلهم غريبه
بس برده إعمل الئ يريحك ي سطآا
تسلم

[الآمير العآشق]

اقتباس المشاركة الأصلية كتبت بواسطة essoo راي والدتك صحيح يا ماجد مش لازم تسمع للناس كتير لان التفكير بيختلف و خصوصا ف الناحية السياسية هتسمع تعليقات اكتر لو ركزت فيها للاسف ... اعمل اللي يريحك انت لان انت بتعمل لنفسك مش لهم ... مش فارقة اخوان او لا ... مش عارفة بصراحه هما ليه بيربطوا شي موجود ف اسلامنا و محلل بالاراء السياسية و اكترها غلط تسلم ع التوبيك

وهو دا الي بعمله فعلا ايسوو
اني موش بهتم باراء الاخرين
خصوصا لو حسيت انها راي سياسي او راي شخصي
يحني راي عي دا راي سياسي
وار صاحبي راي شخصي عشان الموضه هههه
وعشان كوودا بحب اعمل الي انا عاوزه دام بحق
وضميري راضي بالي بعمله

نورتي موضوعي ايسوو

[احساسى صحيح]

ههههههههه
حاجه تحير فعلا يا ماجد
صعب جدا اننا نرضى الناس على حساب انفسنا
وفعلا كلام والدتك صحيح
طالما لك مبدأ ثابت ماشى عليه
فلتترك من يريد ان يتفلسف يتفلسف

موضوع جميل ماجد
وحمدالله على السلامه