عملتو ايه في العيد

[™Amiliya]

كل سنة وانتو بخير وعيدكم مبارك وايامه كلها فرح وسعادة

العيد
يوم مش عادي الفرحة فيه مختلفة باختلاف طريقتك بالاحتفال بيه

في ناس العيد هو اللمة والكعك وبسكويت والافراح والزيارات والفسح

وفي ناس العيد هو اجازة حقيقية من كل حاجة كان بيعملها قبله من شغل وخلافه

وفي ناس العيد يوم عادي اهو هيعدي زي اي يوم

وناس العيد هو فرحة صلاة العيد وبعد متخلص الصلاة يروح يديها نوووم

وناس العيد لازم كل حاجة فيه جديدة من لبس وتوابعه

وناس زي كدا العيد هو الصلاة والعيدية والفسحة واللمة والكعك

وياسلام لو في العيد جت فيه مناسبة بتبقى الدنيا زيطة وهيصة

الناس في العيد نوعين

نوع بتفرح بالعيد زي الاطفال ومن جواهم لسة طفولة العيد

والنوع التاني بتفرح بيه زي الكبار بجمود

النوع التاني هو الي ميحسش بالعيد يادوب مستني يخلص العيد وحياته ترجع للروتين الي كان فيه

نيجي للسؤال

عملتو ايه في العيد؟
وايه العيد بالنسبالك ؟

/

تحياتي العيدية

[حـيـــــآة ❤]

العيد بالنسبه ﻷي مسلم هيكون فرحه بالفطر وفرحة إنهاء شهر الطاعات والمغفره
.... إنهاآ عملت إيه....
الحمدلله عملت صنية بطآطس
تسسلمئ حبيبتئ

[™Amiliya]

اقتباس المشاركة الأصلية كتبت بواسطة °ﻵ يفهمني سوآي° العيد بالنسبه ﻷي مسلم هيكون فرحه بالفطر وفرحة إنهاء شهر الطاعات والمغفره .... إنهاآ عملت إيه.... الحمدلله عملت صنية بطآطس تسسلمئ حبيبتئ

هههههه بالهنا عليكم يارب

وعيدك مبارك عليكي وع الاهل

[رووكه]

العيد عندى كان وقت الصلاه ووقت ما جت
آختى بولادها والحمد لله عملو اللازم معايا
وعملنا ايه عملنا حرب عالميه 15
انضربنا من العيال
كل سنه وانتى طيبه يا قلبى

[™Amiliya]

اقتباس المشاركة الأصلية كتبت بواسطة رووكه العيد عندى كان وقت الصلاه ووقت ما جت آختى بولادها والحمد لله عملو اللازم معايا وعملنا ايه عملنا حرب عالميه 15 انضربنا من العيال كل سنه وانتى طيبه يا قلبى

هههههههههه الله بموت في العيد الي كليان عيال عشان الحرب دي ياروكة هههههههه

كل سنة وانتي بخير ياقلبي

[CAN _ 7LM]

العيد بالنسبالى من اول يوم الوقفه بليل لغايه الصلاة الصبح
الحاجه الوحيد اللى طلعت بيها فى العيد الشكولاته والعيديه والقاعده فى البيت

تسلمى ع التوبيك

[ساحر الأحزان]

عملت ترمس

وجبت شوية كحك وبسكويت

اتسلى فيهم

منى مفيش معاية اهل هنا

غير بعض الاقارب والاصدقاء

وبعدها طلعت بقى اغير جو واشم هو انا واصحابى

وعدى العيد

وكل سنة وانتى طيبة حاجة ايمى

والاخوة الاعضاء

[شاعر الحب الحزين]

بتفكرينا ليه بس ما هو خلص خلاص

ومشي وعدى

مكدبش عليكي ليلة العيد كانت احلى حاجة في العيد

يمكن مش هتصدقيني لو قلتلك

إن يمكن طول أيام العيد لحد دلوقتي يمكن ما كلتش غير 3 /4 مرات بس

واسمه عيد فطر مكنش بييجي على بالي حاجة

وكمان ما نمتش 10 ساعات على بعض طول العيد

هو المنتدى اللي كان مصبرني الحقيقة ومسهرني برده

كل سنة وانتي طيبة يا إيميليا

وان شاء الله تكوني قضيتي أيام عيد جميلة

احترامي وتقديري

[™Amiliya]

اقتباس المشاركة الأصلية كتبت بواسطة ♥♡ ~ can 7lm العيد بالنسبالى من اول يوم الوقفه بليل لغايه الصلاة الصبح الحاجه الوحيد اللى طلعت بيها فى العيد الشكولاته والعيديه والقاعده فى البيت تسلمى ع التوبيك

اهم حاجة العيدية

كل سنة وانتي طيبة ياقمر

[™Amiliya]

اقتباس المشاركة الأصلية كتبت بواسطة ساحر الأحزان عملت ترمس وجبت شوية كحك وبسكويت اتسلى فيهم منى مفيش معاية اهل هنا غير بعض الاقارب والاصدقاء وبعدها طلعت بقى اغير جو واشم هو انا واصحابى وعدى العيد وكل سنة وانتى طيبة حاجة ايمى والاخوة الاعضاء

اخبار الترمس ايه عايزين صورة قبل ميخلص ياامجد تعيد علينا بيه

كل سنة وانت طيب والسنة الجاية تعيد مع الاهل