النجدة

[الاميرة نورهان]

صراحة موضوعى حساس شويتين بصو المشكلة معاى انا واخى الكبير
بصوا ده رأيى فيه مش بس كده دى كمان الحقيقة:

هو متكبر مغرور جدا على طول يتعامل معانا بالضرب والشتيمة على اساس ان ده هزار




وهتكلم عن طريقتى معاه:


صراحة ساعات بيضحك معانا وكده وانا بعمل نفسى مبسوطة وبحبه وبعزه كأخ اكبر بس اللى جواى مش كده خالص تصوروا
انا وهو والبيت كله رحنا عند نفس المدرسة بتاعة الانجليزى من الحضانه للجامعة فهى اللى مربيانا فطبيعى يكون بيحبها المدرسة دى عندها5 بنات مش هتكلم غير على2 بس واحدة اسمه........ فى نفس سن اخى وواحده اخرى اسمها................ فى نفس سنى و مرة اتخاصمنا انا واللى فى نفس سنى وهو راح وقف جنبها وغلطنى مع انها هى الغلطانه

يا جماعة بجد انا محتاجة النصيحة

م

[حـيـــــآة ❤]

شوفئ حبيبتئ
ممكن التعامل بالضرب ده هزآار زي مقولتئ كده
إماآا بالنسبه ﻷنو بيغلطك وإنتئ مش غلطانه ليه يعنئ
م يمكن إنتي غلطانه ي جميله وانتئ مش واخده بالك
بعدين ده أخوكئ الكبير وﻵآازم تحترميه وتستحمليه
وكمان كم سنه والكل هيروح ف حالوآا
هتتجوزوآا وهتبعدوآا عن بعض وهتقولئ ساعتها ي ريتنئ...
مشكوره.. تسلمئ

[ملاك صعبة الإمتلاك]

والله بصراحه انا حاسه انك انتي الصح
في حكايه الضرب دي مش من حقه لو انتي
مش بتغلطي طبعا .. وبعدين يا قلبي ممكن يكون وقف معاها بس
لانه بيعز امها مش اكتتتر ... مش عارفه انصحكك
ربنا يهدي الجمييع

[شاعر الحب الحزين]

صراحة ساعات بيضحك معانا وكده وانا بعمل نفسى مبسوطة وبحبه وبعزه كأخ اكبر بس اللى جواى مش كده خالص

انتي اعترفتي على نفسك هنا انك بتتظاهري قدامه بالسعادة

لما يهزر معاكي وان اللي جواكي مش كده خالص

اتعودي تخلي اللي ف قلبك على لسانك وحاولي تتقبلي هزاره

وتفتحيله قلبك الضحكة الكدابة مش حل

شيء طبيعي انه يغلطك قدامها هو كده بيحافظ عليكي

انتي الغلطانة انك دخلتيه ف حكاية زعلك مع صاحبتك

هو اخوكي الكبير عايزاه يتصرف ازاي بقى ؟

عامليه كويس لما يرجع البيت استقبليه بالورد وباجمل تحية

اسأليه بينك وبينه بيحب ايه وبيزعل من ايه

وان شاء الله ربنا يهديه ويهديكي ويهدينا جميعا

[شهيده تحت الطلب]

يا بختك
عندك اخ اكبر منك
دي نعمه وربنا
ميحسش بيها غير المحروم منها
دا احلي حاجه الغلاسه بتاعته
ياريت كان عندي اخ اكبر مني
وبالنسبه لانه يغلطك وانتي مش غلطانه بقي
ف ممكن فعلا تكوني انتي الغلطانه
او هو اللي شايف ان انتي الغلطانه

[SaMa.]

هم الولاد كده هزارهم ضرب وغبى ماتهزريش معاه واعملى حدود فى هزاروا

[-esraa-]

ده أخوكي
مهما عمل هو في الأول وفي الآخر أخوكي
يمكن مش بيعرف يهزر ونفسه يهزر معاكوا بس مش عارف
طبيعة شخصيته كده , وهو بيحبك اكيد انتوا اخوات مالكوش غير بعض
حاولي مش تتحسسي من تصرفاته حتى لو كان هو الغلطان سامحيه وانسي

ربنا يهديكوا ويوفقكوا

: )

[الآمير العآشق]

هههههههههههههه
يابت انتي ف نعمه وموش حاسه فيها
هقولك شي قبل ردي
انا وحيد / وبتفوت عليا ايام كتير
وقتها بتمني ان كان ليا اخ او اخت
وكنت اتمني يكون ليا اخت بالذات
عشان اعمل عليها راجل واخوها الكبير واضربها

بالنسبه لاخوك حتة الغرور دي عادي
بتكون في اي شاب وانا كتير بكون مغرور
لكن الكبر اظن انتي ربطتي بين معني الكبر والغرور
عشان الكبر دا شي تاني / نستعيذ بالله من الكبر

وبردو كون انو وقف مع صاحبتك
بردو عادي / لها اكتر من سبب
انتي بتقولي ان هي الي غلطانه
وطبيعي كل واحد موش بيشوف نفسو غلطان
وعشان كوودا يمكن اخوك شاف انك انتي فعلا الي غلطانه

الشي التاني حتي لو هي غلطانه
ممكن بردو ذوقيا موش حب يحرجها ويطلعها غلطانه
علي اساس انتي اخته / وسهل تتقبلي ان يقولك انتي غلطانه
لكن هي غريبه وبيكون شي محرج
يطلعها غلطانه عشان خاطر اخته حتي لو كانت هي الغلطانه

طرح جميل نورهان
دمتي متالقهـ