اعلان تمهيدي للفائز في مسابقة أفضل رجل اعمال

[SiLver Spectra]

اليوم نعلن الفائز بمسابقة أفضل رجل أعمال
المسابقة من النوع المفتوح . أي أنها تقبل أي حل و لكن التنافس على افضل عائد مالي محقق

في البداية بشكر كل اللي شاركوا
فكرة ان الحل كان مكشوف هو لتبادل الافكار و بالتالي المنافسة بين الأعضاء . و لذلك كنا بنشوف كل عضو بيجيب فكرة جديده للحل بيفتح مجال جديد للتحدي
و من أهم الافكار اللي طرحت كانت (لخارج عن القانون) كأول عضو قدم حل فيه عمليات بيع و شراء للمصنع الواحد اكثر من مره بهدف تحقيق ربح اعلى قدر الامكان

لكن بما انها لعبة و جيم فالجائزة هتكون لصاحب اعلى رقم صحيح

هنستعرض مع بعض اعلى الارقام و هنشوف اذا كان فيها اخطاء أو لأ لكن طبعا مش هقدر استعرض كل الاجابات
طالما كان في رقم صحيح و اعلى من رقم عضو اخر فالموضوع مايحتاجش مراجعة خلاص لأن العضو خرج من المنافسة


============
أكبر رقم تم تقديمه كان لـ

Fatma Fareed
5 مليار و 392 و نصف
طبعا رقم مبالغ فيه جدا =))
لخبطي بين ربح المصنع و سعره و تقريبا اعتبرتي السعر هو الفايدة
و بالتالي فالناتج خطأ
و لو اشتغلتي في شركة يا فاطمة هتخربيها

=============
تاني أكبر رقم كان لـ
Safira

2 مليار و 629 رمليون و نصف
الخطأ هنا

اقتباس شراء مصنع l ومصنع m الاتنين بـ 145 مليون يبقا الباقي 11.500.000 (عائد الـ 14 مصنع في سنتين) + الباقي = 528.500.000 ( كدا انا استهلكت 35 سنه )

برضو شكلك لخبطي في العائد في الاقتباس دا و اخدتي اسعار المصانع لان نص مليار في سنتين رقم كبير و عائد المصانع ال16 هو 69 مليون الا ربع
يبقى ازاي في سنتين هتجيبي عائد 528 مليون ؟

و بالتالي فالنتيجة النهائية خطأ
=================

تالت اكبر رقم كان للعضوة المخضرمة

حافظة القرآن

2 مليار و 199 مليون و نصف
الخطأ عندك في البداية
السطر السادس اللي بالاحمر


جبت a,b,x بال 40 مليون
بعد سنتين بعت a,x وبقا المجموع كله 29.5
وبعدين اشتريت c وبعد سنة المجموع 9.25
جبت x وبعد سنة بعت التلاتة والمجموع بقا 59.5
جبت i وبعد سنتين 15.5
جبت a بعد سنة 23

في اخر سطرين كنتي بعتي كل المصانع ..و اشتريتي i بـ 55 مليون ..و باقيلك 4.5 مليون و باضافة ربح المصنع في سنتين هيكون فعلا معاكي 15 مليون و نص
سليم كدا لحاد دلوقتي
و بعدين جبتي المصنع a المفروض ب 15 مليون
لكن واضح انك مش طرحتي ال 15 مليون و اخدتي المصنع مجانا و ضفتي ربح المصنع a و i و اللي هو 7و نص مليون
ضفتيهم على 15.5 فطلع معاكي 23 مليون
لكن الصحيح هو انك هتخصمي ال15 مليون (ثمن المصنع) و هيكون الناتج هو 8 مليون
طيب ايه المشكلة في اننا نمشي حلك و نخصم من الناتج بس 15 مليون و خلاص ؟
هقولك لأ طبعا . تفرق كتير جدا
ال8 مليون ماكنتيش هتعرفي تشتري بيهم المصنع b و اللي تمنه 20 مليون و لا حتى المصنع z و بالتالي كنتي هتتعطلي سنة اضافية على الاقل و ممكن اكتر عشان تقدري تنفذي عملية شراء بربح اعلى
و بالتالي لو اتعطلنا سنة هخصمها من اخر 22 سنة (بعد ما اشتريتي كل المصانع) و ساعتها ربحك النهائي هيقل 68.75 مليون ..اي هتكوني اقل من صاحب الرقم اللي بعدك

و بالتالي فنتيجتك تعتبر خطأ

=================

رابع اكبر رقم كان لـ
۩۩ elMagic ۩۩

عدل على خطة عكاشة الاقتصادية و قدر انه يحقق ربح اعلى منه
و بمراجعة الخطة لم أجد أخطاء فيها

الرقم اللي توصل اليه كان
2 مليار و 167 مليون

و بكدا و لحاد اللحظة النتيجة صحيحة

و يكون هو الفائز بالجوائز و اللي هتكون
وسام + 500 مشاركة + 50 نجمة

لكن ..لكن مش هيستلمهم النهارده
هيستلمهم بعد 24 ساعة من تاريخ الموضوع
اللي هيطلعله خطأ في حله هنديله نص الجايزه
و لو كان مشارك و محقق رقم بعده على طول هياخد الجايزه كاملة لان كدا الماجيك هيعتبر خطأ

فعايزكم تفلوا اجابته كدا و تشوفوا لو في خطأ
الفكرة اني مش عايز ادي جايزه و بعدين يطلع في خطأ
أنا راجعت فعلا عملياته و مش لاقيت خطأ . لكن ممكن أكون أنا مخطئ
فالناس اللي شاركت و بتعرف تحسب تجرب و تراجع و تتأكد

و بكرا هيكون موضوع تاني بتأكيد الجايزه للماجيك لو ثبت فعلا ان مافيش خطأ

مشاركة حل الماجيك

بالنسبة لباقي المشاركين فبشكر الجميع على مشاركته و تعبه
زي ماذكرت مش هراجع ارقام اقل من اعلى رقم صحيح الا لو حد ثبت ان رقم الماجيك مش صحيح و فيه خطأ حسابي

[Marwan1337]

الف مبروك

يدوم يا دوك ..

[توحد ارواح]

فعلا كانت المسابقه صعبه وعاوزه حسابات كتيره
برافو لكل اللى حاول ومبارك ع الفائز مقدما ويستحق فعلا
شكرا دكتور ع المجهود المميز
وعاوزين حاجه تانيه بس تكون سهله شويه

[شهيده تحت الطلب]

يا لهوي
دا انا جربت مره واحده
وقعدت فيها اكتر من ساعه
واتعقدت من الرياضيات
مبروك اماجيك
اللي عايز يطلعلك غلط بقي
يروح يتعمق ويحسب في اجابتك
شكرا عالمسابقه

[۩۩ elMagic ۩۩]

ههههههههههههههه
لا والنبي
طب يعني احنا محاسبين
هينفع بردك حد يدخل يعدل علينا
انا بس كنت عايز أوضح ان جدول عكاشه
مفهمتوش الا ف بعد ما خلصت الحل
لان كان مبهم شويه ومش مفهوم الى حد ما بالنسبالي
يمكن لو كان الحل مكتوب كتابه كان هيبقى واضح اكتر
وعموما الخطأ وارد وما يقع الا الشاطر
بس انا شايف إني إستغليت المصانع أفضل إستغلال
قبل كل خطوه كنت بأبص ع كل الاحتمالات واكبر عائد بأشتغل به
احنا بروفشنال ع رأيك قبل كده
متواضيع من يومي الحمد لله

[✿ Celiηα]

فل عليك يا عم ابراهيم محدش قدك اعم ^_^
مسابقة ممتعة ومسلية د.طارق
احنا فينا دماغ بقى ندخل نقلب فاجابته
وبعدين عيب يعني اقلب وراك اماجيك اي خدمة

[Aya 7ekaya]

انا ماحاولتش بصراحه لما بشوف ارقام كتير بحس انى اتحولت :d
مبروك بقا للى حلها

[Stop Ana Eltop]

المسابقه دى كانت معقده اووى وبعد المثال بتاعك كله بدء يعملها بالعشر سنين
بس هى لو اتعملت بالسنه هيبقى اعلى

تسلم على المسابقه بقن

بس اختار حد غير الماجيك لانه مستكفى من الجوايز

[Safira]

طب كل ده ومفيش نجمه واحده حتى للـ شارك

[خارج عن القانون]

فيه غلط فعلا يا طارق
الماجيك اشترى كل المصانع وكان معاه فعلا 112 مليون
بس ده ماكنش فى السنه ال30 لا ده كان فى ال 31 ^^
لو لاحظت فى اخر عمليه وهو بيشترى z اشترى معاه l

اقتباس ـــــــــــــــــ شراء z العائد = 1 + 60.75 = 61.75 + 51.5 الباقي = 113.25 شراء اخر مصنع في المجموعة L بـ 70 مليون العائد = 7+ 61.75 = 68.75 + 43.25 الباقي = 112 ـــــــــــــــ

دول سنتين مش سنه واحده
ابعتلى الجايزه بقا يا طارق

اقتباس احنا بروفشنال ع رأيك قبل كده متواضيع من يومي الحمد لله

انت بكالوريوس تجاره اه يا احمد
بس مازال دبلوم الصنايع هو اللى يكسب ^_^