موش هاحلق شعرى (تابع مسابقة الاقلام المميزه)

[SaMa.]

ازيكو
بمناسبة العيد ولبس الجديد ونيو لوك
موش هاقول كل الشباب عشان بتزعلو
كتيرمابيحبوش يحلقوا شعرهم ويسيبون يطول اوى
لو ناعم مافيش ازمة هاتلاقيه مقبول وشبه الهندى ولا الصينى
اما بقا لو مجعد ياحظنا اللى شكله كده
يبقه عامل زى شمسيه فوق راسو
وسعات بيعملوا ضفاير ويكمل اللوحة دى بهدوم مقطعه
تيب ليه بتعملوا كده
الموضه دى مش طالعه من هنا دى جتلنا من برا
واشك انها من قبائل افريقيه
ده قسم الولاد وعاوزة رد على الموضه دى
موافقين ولا نوو
وتنصحوا الل بيعمل كده بايه

[✿ Celiηα]

ههههههههه والله معاكي حق يا بنتي
حتى لو ناعم بردو ميطولش اوي لدرجة انه يتعمل ديل حصان ^_^
انما لو مجعد ده بقى يحلق قرعة احسنله
فالحالتين لازم ميخرجوش عن الطول االمناسب

[SaMa.]

كده اتنين بنات مش عاجبهم ارجعوا لعقلكو واحلقو

[احساسى صحيح]

هههههههههههه
تقصدى زى المطرب عبد الفتاح الجرينى واللاعب البلجيكى مروان فيلاينى
دى مودضه للاسف جايه من برا
وانا كشاب بضحك على اللى بيعملها
بس التطور بقا انها اتنقلت للاطفال دلوقت

[الآمير العآشق]

هههههههههههههه

موش عارف سما
يحني بتكون حسب تفكير كل شاب
عن نفسي شعري ناعم وكنت بسيب شعري يطول
لحد ما بيوصل اما كتفي من الاجناب
او يغطي كل رقبتي من ورا
بس بالعاده بلمه ورا واعمله ديل حصان
ومع ذلك قبل العيد بكام يوم / حلقت شعري زيروو
وحلقته بمزاجي موش غصب عني

يحني هي مساله تغيير الشكل
زي البنات مابتحب تغير تسريحه شعرها
ويمكن بتغيرها مع كل خروجه
احنا بردو بنحب نغير قصة وتسريحة شعرنا لاكتر من شكل

طرح جميل سمـــا
دمتي متالقهـ

[SaMa.]

هههههه
مشرف القسم عجبتو الموضه انا قولت انت هاتحلقلهم
وايوة احساسي موضه حتى لاطفال
تيب يعنى. مش هاتنصحوهم بحاجه

[Lamees]

انصحهم يحلقوا بمزاجهم
بدل ما يروحوا الجيش ويحلقوا غصب عنهم
شكراً للطرح يا سما

[SaMa.]

يبقة الجيش هو الحل زى اطياف ماقالت

[شهيده تحت الطلب]

يا لهوي بيبقي شكلهم يقرف
يعني احنا مثلا خرجنا تاني يوم العيد
وكان في مجموعة شباب شكلهم يضحك اووي
تحسيهم كانوا حاطين قنفد علي راسهم
لو شعره ناعم زي شاهد ورانبير كابور كدا
هنقول ماشي
لكن يعمله ضفاير و عرف الديك وقنفد بقي والكلام ده
لا يحلقه زيرو احلي

تسلمي لموضوعك الرااائع ^^

[شاعر الحب الحزين]

لا بصراحة مش بنصحهم يحلقوا زيرو

ولا يطولوه كتير يعني يكون عادي طوله مناسب

أو حسب القصة اللي بتليق على وشه وخلاص

جميل طرحك يا سما

تسلمي ع الأفكار الجميلة دي