صداقة بنكهة الحب

[™Amiliya]

العلاقة بين بنت وشب

بتجمعهم صداقة واخوة بتتطور مع الوقت بسبب عوامل كتير اهمها الارتياح و القرب والسؤال المتواصل والاهتمام والاحتواء

فتتحول من صداقة الى حب خامد عامل زي البركان مستني الوقت الي ينفجر فيه

وهناك تلات انواع لتحول العلاقة بين الطرفين

النوع الاول

لما يكونو الطرفين بينهم لبعض مشاعر ويعترفو بيها لبعض في الوقت المناسب ودي العلاقة الطبيعية

النوع التاني

لما تتحول من صداقة الى حب بس بين الطرفين وعشان فروق كتير بينهم كاتمين الحب دا
لكن كل تصرفاتهم وكلامهم بيقول في حب وفي اكتر من كدا


النوع التالت

لما تتحول الى حب طرف عن التاني وتبقى حب من طرف واحد
لان طرف بيحب قوي وطرف مش دريان غير ان فلان او فلانة احنا اصدقاء


اصعب احساس لما تتحول من طرف عن التاني ويكتم جواه خوفا ع الصداقة الي بينهم

ويبدا يحاول بشتى الطرق يخفي مشاعر كتير اهمها الغيرة

والخوف الزايد ع فلان من الهوى

وتدريجيا يفقد السيطرة ع مشاعرو ويجي في يوم يقرر يعترف بكل الي جواه

هنا مفيش وقت مناسب لان الحب من طرف واحد مفهوش وقت مناسب ولو استنيت انت بتضيع عمر وجهد

القرار مليان بالتردد مرة واتنين لغاية مايخلص الصبر جواه

وهي كلمة هتخرج بكل مافيها من مشاعر

انا بحبك

بحبك دي ممكن جدا يحصل بعديها كلام وممكن يقف عندها الكلام

اما انك تتقابل بالصد واحنا اخوات واصحاب وتستمرو بس بشوية حذر والعلاقة مبترجعش طبيعية زي الاول بينكم

او تتقابل بالقطيعة ويسحب نفسه منك ويسيبك مبقاش قدامه خيار تاني انت كدا اقتحمتو والعلاقة مش هترجع زي الاول

وكل الي بينكم من اخوة ضيعته كلمة بحبك

خليني بس اقولكم ع حاجة مهمة في الحب

مفيش حد بيحبك حب كببير ومش هتحس بيه
ولا تلاحظ دا ومفيش اعجاب من فلان ليك الا وانت عارف ان فلان معجب او دايب فيك

حتى لو انت مش بتبادلو حب بس المشاعر ياجماعة عاملة زي الحرارة الي بتقتحم جسمك ويحسها الي قدامك

اما هتكون حرارة عارضة تاخدلها خافض وتبقى كويس

او مزمنة محتاجة زيارة طبية

في ناس مش بتصدق وبتكدب الاحساس الي جواها بس في نقطة مهمة

( من امتى قلوبنا بتكدب علينا)

مش بيقولو استفتي قلبك

ولو مكنش القلب قارئ الاشعارات الاول مكنش نبض وحس وغير الكون حواليك بنبضة

العقاب لعلاقة صداقة بنكهة الحب عقاب قاسي اوي

اما انك ترفض تكمل الصداقة دي

او انك تكملها بس مش زي الاول

او انك تكملها وانت عارف ازاي تساعد صديقك انه يتجاوز الموضوع

ولانك صديق حقيقي محولتش تهد ع دماغو المعبد بالعكس انت وقفت جنبه

وخسارة لو هو الي اختار البعد عشان مش قادر يشوفك قدامه

ومبيطلش يحبك

/

تحياتي ليكم بحب بنكهة العشق

ايميلياالجنزوري
2014

[حـيـــــآة ❤]

طبعاآ الحب إحساس ومشاعر رآاقيه..
وﻵ يمكن حبسه بداخلنا..
تسسلمئ حبيبتئ
موضوع تحفه
تقبلئ مرورئ ي جميله

[Lamees]

الموضوع صعب جداً ايمي خاصة لو الطرف الآخر مش دريان زي ما قلتي
بس من امتى فعلاً قلوبنا مش بتحس بنبض القلوب
نعم القلب يشعر ويحس بنبضهم
وبناءاً على هذا الأحساس يكون رد الفعل
ولا ننتظر المواجهة
طرح راقي أيمي راقني
دمتِ بود
روني ..~

[✿ Celiηα]

موضوع مهم وجميل ايميليا
وانتي معاكي حق انك لازم تحسمي الموضوع
وساعتها يا تكملي يا تقفي لكن تفضلي
مدارية هتضيعي عمرك عالفاضي
تسلم ايدك

[phalsteen]

مش بيقولو استفتي قلبك

عجبتني اوي دي
بس الصعب فعلا ان القلب بيكدب علينا
والاحساس بيخون
في عز ما بتكون فاكر انك في قمه الحب
ممكن تبقي في قمه السخافه والاستهتار بمشاعرك

غالبا ما بيكون الحب من بعد الصداقه
وزي العاة صعب العلاقه تنجح
مش معني انها نجحت كصداقه يبقي هتنجح كحب
بتلاقي علاقات كتير بدأت حب وفشلت ارتباط

علاقات صعب والاصعب اننا منبستغناش

[شاعر الحب الحزين]

احيانا بيبقى لفظ الصداقة كلمة بتتقال

لسحب الطرف التاني عشان مش ينفع

إن أي حد يعترف من البداية لحد إنه بيحبه

ف بيختار كلمة صداقة وبيضطر يخفي بعض

مشاعره وأحاسيسه كام يوم كده وبعد كده

بيعترف باللي جواه للشخص ده إنه بيحبه

طب ما يمكن الطرف التاني ده مرتبط من قبل

أو خلال فترة الصداقة ارتبط بإنسان تاني

ف هنا بيكون الإعتراف عامل سلبي على صاحب الإعتراف

وممكن يؤدي إن العلاقة تنتهي

وفيه أسباب تانية كتير وانتي ذكرتيها هنا

قلمك راقي جدا إيميليا وكل ما تطرحيه

رائع ومن نبض الواقع وبتميز في الأسلوب

وشرح كافي لكل المسائل المطروحة هنا

ربي يعطيكي العافية إيميليا ويدوم نشاطك الرائع

احترامي وتقديري

[SaMa.]

الحب دايما اوله صداقه وتفاهم
كلامك حلو ثانكس

[™Amiliya]

اقتباس المشاركة الأصلية كتبت بواسطة °ﻵ يفهمني سوآي° طبعاآ الحب إحساس ومشاعر رآاقيه.. وﻵ يمكن حبسه بداخلنا.. تسسلمئ حبيبتئ موضوع تحفه تقبلئ مرورئ ي جميله

ويسلملي وجودك حببتي

[™Amiliya]

اقتباس المشاركة الأصلية كتبت بواسطة اطياف الماضي الموضوع صعب جداً ايمي خاصة لو الطرف الآخر مش دريان زي ما قلتي بس من امتى فعلاً قلوبنا مش بتحس بنبض القلوب نعم القلب يشعر ويحس بنبضهم وبناءاً على هذا الأحساس يكون رد الفعل ولا ننتظر المواجهة طرح راقي أيمي راقني دمتِ بود روني ..~

الاكثر رقي وجودك روني

[™Amiliya]

اقتباس المشاركة الأصلية كتبت بواسطة ✿ Celiηα موضوع مهم وجميل ايميليا وانتي معاكي حق انك لازم تحسمي الموضوع وساعتها يا تكملي يا تقفي لكن تفضلي مدارية هتضيعي عمرك عالفاضي تسلم ايدك

ويسلملي وجودك ياعسل