جبل عالي وفارس الاحلام

[الآمير العآشق]

. مرحبـــاا احلا اعضـــاآء . هيكون اول استضافه ف حلقاتي معكم و بنات مصر وفارس الاحلام . ل عضوه كتير محبوووبهـ من جميع الاعضاء عضوه لها حضور خاص باسلوبها لما تتمتع فيه من طيبه وروح حلووه مع الجميع و ذكاء وبديههـ وخفة دم في اسلوب ردودها وتعليقاتها . اكيد عرفتوو بتكلم عن ميـــــــن مع صاحبة الضحكه الحلووه في مدوناتها . المشرفهـ المتالقهـ والمميزه . جبــل عالي جبل عالي مشرفة الابداعات الادبيه . *وتر يقطر ألـم* وهسيبكم تستمتعو مثلي مع اسرار جبل عالي وفارس الاحلام . وهتكون تعليقاتي علي بعض الاجوبه باللون الوردي . . ــــ اول ادم في حياة كل بنت / العاده بيكون هو الاب وهوونااك بنات بيكون هو الاخ ! وممكن يكون شخص ااخر فمن هو اول ادم ف حياة امل ؟ . مممم اول آدم طبعا والدي (ربنا مايحرمكو من بعض) . . ــــ ياتري وانتي طفلهـ فاكره من اول ولد او صبي او شاب او رجل لفت نظرك سواء من شكله او اسلوبه او طريقة كلامه او طريقة معاملته معك / وخلاك تحسي وقتها انو هوونااك فرق بين البنت والولد . بصراحة شديدة الموضوع ده مكنش بجي ببالي نهائي ايامها لان مكنش في فرق فعلا وكانت الامور ابسط من كده بكتير البراءة كان لها وضع ومعنى . . ــــ واحنا اطفال اتعودنا يكون عادي لعب الولد مع البنت بدون اي قيد او حتي مراقبه / ودا موش ف مصر بس لكن بردو في مجتمعات كتير من الدول العربيه كنا نلعب ولاد مع بنات وكل انواع اللعب امتي بدء بابا او ماما يوجهوك انك كبرتي و موش ينفع تلعبي مع الولاد وباي سن منعوك من اللعب مع الولاد . هو ولله الحمد محصلش منع لان مكنش في مايدعو للمنع لكن السن الطبيعي للفصل بيننا كان بعد تمام الابتدائية يعني اولى اعدادي كان خلاص كده مفروض في فروق بقااا وكده فكانت عملية الفصل الطبيعية دي متوافقة مع التغييرات الطبيعية للبنت وللولد كمان (عجبني وانتي بتحمدي انو موش حصل منع ومنها لله الاعدايه اجبرتك ع المنع ) . . ــــ مع بداية انتسابنا واحنا اطفال للمدارس وقتها بيكون جوانا احساس ان احنا كبرنا ولنا اهميتنا وفي منا بيحس انو خلاص وصل لمرحلة احساس ومشاعر بالاخر / وخصوصا ان المدرسه بتكون ولاد وبنات وبدءت العلاقه تاخذ مجري اخر موش مجرد لعب اطفال يمكن بيدخلها تنافس للاشطر ياتري امل فاكره اسم اول ولد يلفت اعجابك بالمدرسه وايه الي لفت نظرك شكله او ضحكته او شطارته وذكاءه . ههههههههههههههه يلهوي عالاسئلة !!! والله العظيم بأمانة شديدة ... التنافس فعلا كان على مين الاشطر وفعلا كان في ولد خجول جدا وشاطر جدا واللي لفت نظري ساعتها انه رغم شطارته وانه رائد الفصل انه مبيكلمش حد ومهذب جدا وخجول برضو جدا وياسيدي كان اسمه (اسامه) هههههههههههههه (محدش يفضحتي عند عبودي بقااا) ( اطمني سرك في بيييييير الي يعرف رقم عبودي يقولي عليه ) . . ــــ ابن الجيران دي صفه ولقب التصق بكل بنت تقريبا واعجابها بابن الجيران / حاجات كتير بتخلي البنت بيكون اول اعجاب ل ولد في حياتها هو ابن الجيران من هو ابن الجيران ف حياه امل وياتري مازال موجود ابن الجيران هذا ف حياة امل ام انو صار مجرد قصه او ماضي وانتهي . عمر ماكان في ابن جيران عندي لأني هاعترف لك ببساطة شديدة اني اتربيت على اني اخشن من الولد فطبيعي ميلفتش نظري اوي ابن جيران ولاغيره من الاخر دايما بشوف نفسي زيي زي الولد ويمكن اقوى اقوى من حيث التصرف والشخصية لدرجة وصلت اني اكره الميك اب واللبس الناعم كمان فتخيل مين هيلفت نظره واحد صاحبه ؟؟ (عادي ممكن لو اي جار موش بيحب الحريم ) . . ــــ امتي بدءت امل تسرح وهي قاعده تذاكر ف فارس الاحلام وفيه بنات تفضل ترسم قلوب وبنات تفضل ترسم ف مربعات ومكعبات / وبنات بتكون موش عارفه بتعمل ايه اهو تفضل تشخبط وخلاص ف الكتاب او الدفتر وهوونااك بنات بيكون فارس احلامها معلوم موش شخص مجهول ووقتها بتفضل تكتب وتزوق اسمه او اول حرف من اسمه انتي فاكره كنتي بتعملي ايه وقتها . ههههههههههههههههههههههههههه ايه يابني ؟ مين قالك الاسرار دي كلها ؟؟ هارثووود ده انت عارف التفاصيل الدقيقة لسرحان البنت كمان !! طب اجاوب ازاي انا بقااا ؟؟ مبدأتش اسرح ولا افكر الا وانا في الجامعة ويدوب لمدة سنة واحدة بعدها والدتي توفت وبطلت اسرح نوهاااااائي اها والله ولما كنت بسرح كنت برسم او اكتب خواطر هبله كده بس معظمه كان حزين وكئيييب ... بس والفارس ساعتها كان زميل بالكلية معايا وزي ماقلت لك مكملتش الحدوتة .... (دا الطبيعي لكل حدوته مصريه موش بتكمل ليـــه !! معرفش ) . . ــــ دايما بيكون فارس الاحلام ف خيال كل بنت وتفضل ترسم له صوره ف خيالها انو فارس او شخص نادر الوجود وبعدها ممكن تقابل فارس احلامها / ممكن يكون صوره من الشخص الي رسمته بخيالها وممكن يكون ابعد مايكون عن فارس احلامها الي كانت تتمني تشوفه بالحقيقه ياتري امل تقدر توصف لنا صوره هذا الفارس الي كان بيراود خيالها واحلامها وياتري قابلتي صوره هذا الفارس ام انو لسه مازال حلم يراود خيالك فقط . هو زي ماقلت الاول انا معرفتش ولاحلمت بمواصفات الا لو ساعة هبل ايام بقااا هاني شاكر والعالم المهيسة دي ههههههههههههه ع الله حد يتريق وربنا هزعل بس اقولكم على سر هيضحككم بجد ... السر اني كنت بحب اوي افلام (بروس لي) وفعلا فعلا اتمنيت اتجوز حد كده بيلعب كاراتيه ( شفت الخشونة يامعلم؟) شوف هو نوع التربية بيأثر تأثير كبير على طبيعة البنت وكمان علاقتها بأول رجل بحياتها والمتمثل بالأب والأخ ان وجد بس طبعا بعد الحياة ما بتعلمنا ان الاحلام مجرد احلام بنرجع للواقع تاني ونقبله وتمشي الحياة زي ماربنا قدرها والحمدلله رب العالمين .... الحمدلله نصيبي كان زي الفل والله وعشت حياة بحمد ربنا عليها والله فعلا فعلا بحمد ربنا بحلوها ومرها مهو مستحيل هتلاقي حياة (بمبي) كلها ولا (سودة) كلها والرضا أحلى مافى الوجود (ربنا يديم عليك السعادهـ والرضا) بس ايش جاب هاني شاكر ورومانسيته ل بروسلي والعنف / حددي طلباتك ؟ . . ــــ السؤال الاخير ( اختياري وليس اجباري ) ياتري امل وجدت هوونا بالمنتدي فارس الاحلام الي كانت بتحلم تشوفه ــ وبدون ذكر اسامي او حتي وجدت هوونا صوره قريبه لفارس احلامها وهل عرفتيه ان هو فارس احلامك ؟؟ . طبعا حد بالعقلية العجوزة تبعي هيقول ربنا يسعدكم كلكم وتقدروا ترسموا صورة لفارس احلامكم وتكون قريبة من الواقع وتتحقق بامر الله للجميع (عمر الاحاسيس والمشاعر بيكون بالقلب موش بالسن) . . . وشكرا ليك ياماجد هيييييييييييييييييييييييييييييييييييييييييييه فكرتني باللذي مضى ااااااااااااااااا ههههههههه باللذي مضي ! بتحسسيني اني كنت مستضيف ماري منيب بالعكس جبل عالي / انا حقيقي الي كنت مستمتع وانا بقرا اجوبتك نورتي الاستضافه امل

[حـيـــــآة ❤]

ههههههههه عسسل وربناآا أ. أمل
كنتئ بتسرحئ
تسسلم مآاقد ع اﻹستضافه أم دم عثل دئ

[Stop Ana Eltop]

ههههههههههههههههههههههههههههه

اساامه اجبل وانا الى كنت واخده فكره عنك غير كدا

استضافه جميله يا ماجد

تسلمواا

[العاشق الذى لم يتب]

ايه البرنامج الجميل ده واللذيذ
منورالدنيا ماجد
الاستاذة أمل
تلك الخلوقة والمثقفة
والرائعة حيثما تكون
اجبات جميلة وعالقة
وصراحة مافيش كده
تسلمى ام عبدالله ومنورة البرنامج
والجميل انك اول ضيفة فى اولى الحلقات
لكما تحياتى وودى

[Lamees]

جميلة يا امل وربي
ربنا يسعدك ويخليلك عبودي

أستضافة جميلة ماجد
تسلم

[Aya 7ekaya]

ههههههههههههه امول حلوة صراحتك وفعلا زمان كان فى براءه كتير عن دلوقتى بيحبو ف الحضانه
لقاء جميل

[انجي_1]

حبيبة قلبي اامولتي
اجابات عسل
وبرنامج اعسل

( متسالش يا ماجد يعني ايه اعسل ) اهي كلمة وخلاص

منورين والله

[احساسى صحيح]

ههههههههه
استضافه وحوار ممتع يا ماجد
ما شاء الله عليكِ اخت امل
شخصيه جباره ممكن تقلب اى حاجه لضحكه بسهوله
ربنا يسعدك يا رب
اسئله جامده يا ماجد تسلم عليها
ومنتظرين الضيفه القادمه باذن الله

[ويبقى الأثر]

لالالالالالالالا
دى اسرار خطيييييييييره لابد من البحث فى تفاصيلهاوخصوصا اسامه ده

اموله دى اطيب وانقى قلب عرفته
لذيذه اجاباتها
وجميل موضوعك ماجد
بالتوفيق بقا فى الحلقات القادمه

[حافظة القرآن]

حلو البرنامج
والحلقة جميلة جدا
جبل منورة
واجاباتها جميلة اوى
تسلموا