اهتمامات الجنسين وتأثيرها على علاقتهم ..(تابع مسابقة الاقلام المميزه)

[احساسى صحيح]

طبعاََ من فتره بسيطه إنتهت مباريات كآس العالم
إللى شدت أغلبية الناس وإمتلئت القهاوى والكافيهات
بأغلبيه خاصاََ من الشباب الذى ينتظرها كل اربع سنوات
فبتكون لنسبه كبيره منهم اهميه كبيره
انا هناقش بالتحديد نقطه مهمه ظهرت اثناء كآس العالم
وهى إهتمامات الشاب المرتبط سواء خاطب او متزوج
وتأثيرها على خطيبته او زوجته خاصاََ إذا تعارضت
مع اى مصلحه او شىء مشترك بيجمعهم
وتضحية الشاب بخطيبته من اجل مشاهدة مباراة
من الممكن إن الشاب فى سبيل مباراة لكآس العالم
ان يخلف موعد لخطيبته او يقوم بتآجيله ؟
إللى جعلنى اطرح تلك المشكله أنى لى صديق حدث معه تلك القصه
ولكن تآثيرها إنه كان متفق مع خطيبته للخروج
للبحث عن فستان فرح مناسب نظرا لقرب زفافهم
وبينما العروسه تنتظر ذلك اليوم بلهفه شديده
كان راس العريس فى شىء آخر تماماََ
وقام بالاعتذار لها وقام بتأجيل الخروجه من اجل مشاهدة
مباراة مهمه فى كآس العالم ..

اسئلتى التى احب ان اناقشها ..

هل من الممكن ان يؤثر إهتمام الشاب بحاجه بيحبها
على خطيبته وممكن تؤدى إلى الانفصال لا قدر الله ؟
سؤالى للبنات
هل ممكن تقبلى ان خطيبك يؤجل موعد او يخلفه
من اجل مشاهدة مباراة ؟
ايه رأيكم فى الشاب إللى بيعمل كده
هل ده يعتبر شىء عادى ومن الممكن قبوله
ام ممكن يؤثر على علاقتهم المستقبليه؟
هل اهتمامات الخطيب له تأثير على خطيبته

بأنتظار تفاعلكم
تحياتى ..

[حـيـــــآة ❤]

طبعاآ مش سبب مقنع أن يعتذر عن الموعد عشان مباراة لو نظرتلها من جهة تانيه هتﻵقي أن مش ممكن
الموعد الي اتفقو عليه عشان يجيبو الفستان يتكرر... ممكن تحصل أي ظروف
إنما لو ع المباراة يئدر يشوفها ف أي وقت
المفروض
أن إهتمامات الرجل متأثرش ع العﻵقه بينو وبين خطيبتو أو..أو..
تقبل مرورئ يآاسر..
موضوع رآائع

[احساسى صحيح]

اقتباس المشاركة الأصلية كتبت بواسطة °ﻵ يفهمني سوآي° طبعاآ مش سبب مقنع أن يعتذر عن الموعد عشان مباراة لو نظرتلها من جهة تانيه هتﻵقي أن مش ممكن الموعد الي اتفقو عليه عشان يجيبو الفستان يتكرر... ممكن تحصل أي ظروف إنما لو ع المباراة يئدر يشوفها ف أي وقت المفروض أن إهتمامات الرجل متأثرش ع العﻵقه بينو وبين خطيبتو أو..أو.. تقبل مرورئ يآاسر.. موضوع رآائع

ربما يكون وجهة نظر الشاب يا هاجر تختلف
لأنك هنا ذكرتِ إن المباراة ممكن مشاهدتها فى اى وقت
والمباريات دى كل اربع سنوات وتعتبر من اهم اهتمامات الشباب بالعموم حاليا
بينما على العكس من كلامك
ممكن خطيبك يقول عكس كلامك
إن الايام جايه كتير وان الماتش هو إللى مش هيتعوض
اكيد إختلاف الاهتمامات من البنت للولد بتعمل حساسيه كبيره
خاصا لو تعارضت مع مصلحه تخصهم هما الاتنين

شكرا لرأيك هاجر
ومنتظرين باقى الاراء
تحياتى لكِ ..

[الآمير العآشق]

اقتباس هل من الممكن ان يؤثر إهتمام الشاب بحاجه بيحبها على خطيبته وممكن تؤدى إلى الانفصال لا قدر الله ؟

ممكن وموش ممكن
بمعني.. ف حالة الحب كتير ممكن بتكون تضحيات
من اجل الحب
ووقتها مهما كان االسبب لايمكن يفضل
اي اهتمام له علي من يحب
وبتوضيح اخر / ممكن استغني عن كل مواعيد العالم
من اجل من احب
لكن لو كانت الخطوبه تقليديه / ومجرد تعارف
بدون معرفه او حب سابق
وقتها بيكون هوونااك عوامل اخري بتتدخل
زي مثلا: انو يكون خاطب بس موش حاسس
انو فيه عوامل جذب بينه وبين خطيبته
او اي التقاء فكري او حتي تفاهم بينهم
وقتها بيحس انو بيقضي وقته معها
مثل الموظف الي كل شوي يبص ف الساعه
عشان ملهوف علي ساعة انتهاء العمل
وهوونا لو اي شي اخر او ميعاد اخر
هيتعارض مع لقاءه معها
ممكن وقتها يفضل الميعاد الاخر
وبالتبعيه من غير مايحس بيكون الانفصال بينهم
شي عادي ويكون محبب له
وممكن بردو يكون محبب لها الانفصال هي الاخري
عشان الاهمال بيولد شي من الكره او القرف
لدي الشخص الي بيتم اهماله

طرح راقي وجميل ياسر
دمت متالق

[توحد ارواح]

اقتباس سؤالى للبنات هل ممكن تقبلى ان خطيبك يؤجل موعد او يخلفه من اجل مشاهدة مباراة ؟ ايه رأيكم فى الشاب إللى بيعمل كده هل ده يعتبر شىء عادى ومن الممكن قبوله ام ممكن يؤثر على علاقتهم المستقبليه؟ هل اهتمامات الخطيب له تأثير على خطيبته

عموما خير الامور الوسط فى كل حاجه
ولكن بالنسبه للسؤال ولو حطيت نفسى مكان الخطيبه
الشباب عموما بيكون ليهم اهتمامات خاصة بتؤثر عليهم جامد وخاصة كرةالقدم بيحبوها جدا وتشغل جل تفكيرهم وممكن يضحوا باى حاجه علشان ماتش مهم
وعندما اتفهم تلك الجزئيه مش هحط نفسى ف موقف مش كويس
بمعنى انى اعرف طالما الماتش مهم وعاوز يشوفه مباشر
مفيش مانع انى ااجل مشوارى حتى لو ايه
لان متعلق بذاك الشىء جدا وضرورى برده بالنسبه ليه
لانى متيقنه انه هيبقى متضايق لو ساب الماتش
اما بالنسبه للعموم ومش كرة القدم
انا اعرف اولوياته واهتماماته واحاول اكون مشتركه معاه فيها
طالما يوجد الحب والاحترام بين الطرفين
شكرا ع الطرح المميز
بالتوفيق

[Aya 7ekaya]

أه طبعا بيأثر وبشكل كبير جدآ كمآن
العذر ده تافهه ويدل انه شخص غير متحمل للمسؤليه ممكن لو فى عذر او شىء مهم اتقبله عادى لكن لو مباراه كورة ف ده شىء تافه جدا لا يستدعى انه ياجل حاجة مهمه فى سبيله

[Lamees]

على فكرة يا جماعة انتوا مكبرين ليه الموضوع كده
أكيد أهتمامات حبيبي تحترم ولازم أحسسه أني مقدرة ده
عادي لما نأجل مشوار ممكن يتعمل في اي يوم
يكفيني بس كلمة حلوة منه
" يعني يقولي معلش يا حبيبتي وبس "
هو كمان لازم يحترم اهتماماتي ويقدرها
الحاجات دي كمان والتقدير ده من صميم الحب

شكراً ياسر للطرح

[SaMa.]

هو الفستان مش هايطير ايه يعنى المشوار يتاجل
لكن لو هاتتلكك هاتعملها خناقه
ماهو لو راح غصب عنو ومقريف مش هايكون كويس معاها
ولازم تحترم هواياتو
ثانكس ع الموضوع

[رضا التركى]

على فكرة يا ياسر كل واحد/ة ليه تفكير

هو إهتمام الشاب بحاجه بيحبها طبعا ليه تأثير

من رأئى انه طالما حدد معاد الفستان يلتزم بمواعيده

وبعدين يا اخى هأجل فستان الفرح عشان ماتش

بناقص الكورة أساسا

هى أولويات مش أكتر

موضوع قيم

دمت متألق تحياتى وخالص ودى

[انت احلى الناس]

في بنات بتتقبل الامر عادي
وفيه مش بتتقبلو خالص وبتعمل حكايه وحكايه

بس انا شايفه انو عادي جدا مش حيحصل حاجه لو شاف المباراه وانت قولت دي كل اربع سنين

ومن نحيه انها تاثر فهي بتاثر على اللي مدي الموضوع اهميه زياده

طرح راقي
تحياااااااتي