استضافة رياضية الحلقة الخامسة و معانا ...

[عيون مصرية]

السلام عليكم ورحمة الله وبركاته اهلا و سهلا اعضاء بنات مصر الكرام النهارده معانا حد من مبدعى المنتدى مشهور بقلمه المميز و قوة التعبير معروف بحبه للنقاش و الجدال ليه شخصيه قويه و مختلفة فى الكتابة معانا و معاكم احساسى صحيح من مبدعى المنتدى اهلا وسهلا بيك منورنا دا نورك يا سارة منوره بيكِ كلمة رياضة بتعبر عن ايه بالنسبة ليك ؟ و شايف هى مهمة لاى درجة ؟ كلمة رياضه بتمثل الصحه والبدن السليم اكييد مهمه جدا للياقتنا البدنيه والجسمانيه عموما ما هى الرياضة المفضلة لديك ؟ كرة القدم اكييد وطبعا متابع لمعظم الرياضات لأنى بحب ايضا كرة السله وألعاب القوى ومارستهم من قبل حصلك موقف مضحك قبل كدا بسبب الرياضة دى ؟ فى مره كنت متقدم للاشتراك فى النادى زمان وانا صغير فى النشئين فى لعبة كرة اليد وكان اول اختبار للمدرب قبل ان يقبل اى ناشىء جديد انه يمسك باليد ويضغط بشده على الرسغ حتى يرى مدى قوتها فهو ما شاء الله المدرب كان لاعب قديم ودولى سابق ويده عباره عن اسمنت مسلح فضغط بشده على يدى وكاد يكسرها فانزعجت وخرج منى حركه لا اراديه بأنى ابعدته بايدى الاخرى بطريقه هذليه نتيجة الالم الذى سببه لى وكان موقف مضحك وتلقائى خرج رغما عنى مما اثار ضحك المجتمعين .. ههههههههههه حركة تلقائية بس جامدة هل تطلع لممارسة نوع جديد من الرياضة فى المستقبل ؟ فى نيتى بالمستقبل انى اشترى بعض الادوات الرياضيه لامارس بها الرياضه فى المنزل كلما كان عندى وقت فراغ هل فكرت قبل كدا فى احتراف رياضة معينة ؟ و ايه هي؟ اكيد .. لأنى وانا صغير كنت بمارس اكثر من لعبه فى وقت واحد ككرة القدم والعاب القوى وكرة السله والسباحه ولكنى استمريت فى لعبه واحده فقط هى كرة القدم لمده قصيره وانقطعت بعدها بسبب الدراسه ايه رايك فى فكرة المدوامة فى الذهاب للجيم ؟و هل انت من المداومين على ذلك ؟ فعلا فى فتره ما كنت مواظب وكان جسمى شكله وقوامه رائع ولكن مشاغل الحياة اثرت على استمرارى ما هو ناديك المفضل عربياً ؟ الهلال السعودى اعشقه لانى كنت اعمل فتره بالسعوديه وكنت من مشجعيه ومصريا الزمالك هل فى حد كان السبب فى اختيارك للنادى ده من البيت او صحابك ؟ العائله كلها زملكاويه ابا عن جد يعنى واخدينها وراثه من هو لاعبك المفضل عربياً؟ عربيا الحمادى اللاعب الاماراتى ومصريا محمد صلاح ومحمد ابراهيم لاعب الزمالك ما هو ناديك المفضل عالمياً ؟ طبعا البلانكو ريال مدريد اكييد من هو لاعبك المفضل عالمياً ؟ كريستيانو رونالدو اكييد اصلى بتحب مشاهدة المباريات خاصة مباريات القمة فى البيت ولا مع صحابك ؟ لا مباريات القمه بكون عصبى فاصحابى صعب ولكن مع اخواتى طبعا خاصا مباريات الاهلى والزمالك ايه هو البرنامج الرياضى المفضل ليك ؟و مين المعلق الرياضى الافضل من وجهة نظرك ؟ معظم البرامج الرياضيه المصريه فاشله مهنيا وتقنيا وكل شىء فاانا بتابع دايما معظم برامج الجزيره الرياضيه وتحليل الدورى الالمانى على دبى الرياضيه ممكن تشكل فريق كرة قدم من اعضاء منتدى بنات مصر مكون من 11 لاعب طبعا مين هما اللاعبين ؟ بس طبعا ولاد عشان يكونوا فى مواجه فريق البنات تبع جبل عالى ؟ هههههههه فكره بردوا حارس مرمى مورشو علشان عرفت ان وزنه زيد شوه فانا قولت بردوا يقدر يسد الجون للدفاع الامير العاشق احساسى صحيح مسك الشهاده صمت السكون لانهم عباقره فى الدفاع عن الحق فاكيد هيكونوا حديد فى الخلف خط الوسط الماجيك ساحر الاحزان بيج بوس لانهم شغلتهم الباص التمرير يعنى على طول طول اليوم نازلين تمرير موضوعات للاعضاء الهجوم ساد ايس طبيب الهوى شاعر الاحساس لانهم ما شاء الله كل حروفهم اهداف قيمه ودايما كلامهم فى الجول شكله هيبقى فريق جامد جدا يلا يا بنات عايزين نشد حلنا كدا عندنا مباراة قوية و بعدين عايزين مبدا خير وسيلة للدفاع الهجوم مين العضو هيكون كابتن الفريق ده ؟ طبعا اخونا ووالدنا طبيب الهوى لانه بيتمتع بحكمة القائد كمان يلا بقا بس بردوا البنات هتكسب هل تتذكر أول مباراة شاهدتها فى حياتك ؟ لا الحقيقه صعبه دى ما هى المباراة التى لم و لن تنساها ؟ اكيد اول مباراة فى السوبر الافريقى وكانت بين الزمالك والاهلى واقيمت فى جنوب افريقيا وطبعا الزمالك هزم الاهلى فيها وكانت اول كاس سوبر مصريه باسم الملكى الزمالك هل انت متعصب لفريقك أم لا ؟ جداااااااا اول حد هنبدا معاه حملة لا للتعصب نصيحة لاعضاء المنتدى عن الرياضة اعطوا نفسكم ولو نص ساعه ف اليوم لممارسة الرياضه ولو الجرى فى المكان حتى حاجة حابب تقولها فى نهاية الحلقة اشكرك اكيد سارة استمتعت اكيد بالاستضافه نورتنا فى الحلقة النور نورك اكيد سارة وكل سنه والجميع بالف خير و انت طيب و بالف خير ان شاء الله و استمتعت كتير بالحلقة منور كدا حلقتنا انتهت انتظرونا فى الحلقات القادمة استضافة رياضية ودى

[جبل عالي]

استضافة جميلة عيون وفكرة برنامج راقية

واجابات رجل رياضي قديم ماشاءالله

عارف النوادي والفرق واللعيبة

مش زي جبل ( بطييييييييييخ )




تسلم ياسر للحوار والاجابات الراقية

تسلمي عيون للمجهود الجميل


تحيتي لكم جميعا من القلب

[حـيـــــآة ❤]

إستضافه رآائعه حبيبة قلبئ
تسلمئ ي رب
وإجابات جمييله من يآسسر
تسسلم اﻷيآدئ بئاآ
بإنتظار الحلقه الجايه

[phalsteen]

واووووووووو زملكاوي اياسر
منور اخي
جميل البراجرم يا قلبي
تحياتي

[Magic Dreams]

لالا زمالكاوى يا ياسر وقاعد معانا
مش مكسوف يا راجل شعارك سنظل اوفيا
حلقه جمليه وضيف اجمل واخ كريم وغالى علينا كلنا
متابع معاكى يا ساره

[Stop Ana Eltop]

الله الله بتشجع الزمالك كماان

حلقه جميله يا عيووون والضيف منور ^^

بالتوفييق

[د. محمد الرمادي]

معترض!!!!!!!!!!!!!!!!!!!!!!!!!!!!!!!
لا أطيق راحة الظمالقوية
خمسة وخميسة


أحنا بتوع السباحة
بتوع السمك البلطي
أحنا إللي علمنا السمك العوم
لا نطيق راحة البلاستيك
أقصد كرةالقدم
بتوع الجودوو

[M@HMOUD]

حقله جميله
وكفايه ان هو زملكاوى
بالتوفيق

[انت احلى الناس]

استضافه جميله جدا

[سارة بنت مصر]

استضافه جميله

وايوه كده زملكاوى

حلقه جميله

باتلتوفيق