عقدة الرجل

[™Amiliya]

عقدة رجل امراة وعقد المراة رجل

عادة لما بيحصل ان رجل بيجرح وحدة ويجي عليها ويخونها او يغدر بيها او يأذيها
تكرهو كره العمى وخاصة لو مش بايدها حاجة توجعو بيها

ويمتد الكره لباقي الرجال في حياتها وتبدا تقف ورا حاجز منيع تتصدى لاي هجمات
منهم ليها وغالبا الصدمة الي اتعرضت ليها من السابق بتؤثر تاثير جذري ومستمر
ع القادم حتى لو مش ليه ذنب ذنبه الوحيد انه رجل

حتى لو حبها حب جنون من جواها خايفة وقلقانة ليكون مقلب وبيضحك عليها
بس ميزة المراة اننها لما بتحب بجد بتنسى كل الي فات ووتبدا من جديد

ولما راجل ينجرح في كرامته من وحدة يبدا ينتقم من باقي جنس حواء بدون توقف
يلعب بمشاعر دي ويكدب ع دي ويخون دي ويغدر بـ دي
ومش بتقف عنده شهوة التعذيب والانتقام والتلذذ بيها
وكل الي جواه كلهم واحد بس مستنين فرصة

ونادرا لما يحصل انه يفتح قلبه لوحدة الخوف هنا بيكون مسيطر ع كل كلمة هي بتقولها ع كل فعل بتقوم بيه

الاحساس هنا بينهم متساوي في كيفية الانتقام واخد التار من حد مالوش اي ذنب الا انه اتكعبل في طريقك

لكن الرجل اكثر قسوة ع نفسو لما بينجرح من حب حياته الي اعطى فيه بكل قوة ورسم احلام وبنى امال عليه مش بيفوق بسرعة ولا بيأمن لحد بسرعة
وكل خطوة في حياته بتقف مرات عشان ياخد فيها قرار خاصة الي مرتبطة بحب او جواز

ولو استسلم وسلم قلبه تاني بيكون متحفظ جدا ومتوقع السكينة تيجي في ظهرو تاني حتى لو عاش معاها سنين بيفضل جواه قلق وخوف

ولو حب بجد تاني مرة ودا غالبا بيحصل بصعوبة شديدة وذكاء خارق من البنت الي هتخطفو وتخليه يثق مرة تانية في جنس حواء
فهو هيدي بكل ماوتي من قوة لما يثق ويبدا يشوف النور الي اتحرم منه في ظلمة التجربة السابقة

/

الحب للرجل هو كرامته الي عشانها ممكن يعمل اي حاجة

ومش اي تجربة فاشلة في حياته ممكن تدمر علاقته بالنساء
لا تجربة واحدة فيها خيانة وغدر كفيلة انها تدمرو
ويختار انه يعيش وحده طول العمر عن ان يتكرر الموقف في حياته
مرة تانية

/
رؤية مسائية
2014-8-5
ايمليا الجنزوري

[ساحر الأحزان]

دى بقة عقدة نفسية بترجع للموقف ودة بيأثر فى النفسية وخصوصا العاطفية

لأنها هى الى بتسبب الجرح والعمق الكبير

بسى خلى بالك أحنا رجالة طيبين خالص

[™Amiliya]

اقتباس المشاركة الأصلية كتبت بواسطة ساحر الأحزان دى بقة عقدة نفسية بترجع للموقف ودة بيأثر فى النفسية وخصوصا العاطفية لأنها هى الى بتسبب الجرح والعمق الكبير بسى خلى بالك أحنا رجالة طيبين خالص

فعلا ياامجد العفدة بتفضل فترة من الزمن

وحكاية طيبين دي فكرتني بالرجل طفل كبير

[الآمير العآشق]

تحليلك كتير حلوو ايميليا
بس بشوف هووناك جمله ضد تعريفك ف البدايه
لمعني العقده عن المراه

انتي قلتي / بس ميزة المراة اننها لما بتحب بجد
بتنسى كل الي فات ووتبدا من جديد
ودا بيتعارض ف تعريفك ف البدايه عن عقده المراه

وانتي صووح حددتي انهم بيتساوي عندهم التجربه التانيه
بس موش بتفق معك انها بتكون انتقام بالاشكال
والوصف الي انتي طرحتيه
دي ممكن تكون حالات قليله / يحني حالات شاذه
تختلف عن القاعده الاساسيه ف ان الولد او البنت
بعد فشل اول تجربه حب / بيكون متلهف انو يعيش
تجربه حب اخري تنسيه فشل اول تجربه
وبالعكس انا بشوف انو سواء ولد او بنت
بيكون مثل الهش اي كلمه حلووه هتاثر فيه
لانو بيكون منتظر يسمعها
منتظر يسمع كلمه من اي واحد
ينسيه عذاب فشل اول تجربه

طرح راقي وجميل ايميليا
دمتي متالقهـ

[العاشق الذى لم يتب]

وستظل العقدة الى يوم الدين
بالرغم من التطوروالحداثة وكثرة العلوم والتقدم
كلام جميل ايمى
وطرح عظيم
تحياتى وودى

[جبل عالي]

طرح ووجهات نظر اظنها

تتعلق بكل شخصية بجسب قدرتها النفسية

على استيعاب الصدمات وتوابعها



ويبقى بالأخير الغالب بطبع كل منهما

مما خلق الله سبحانه وتعالى رغم تباين القصص والحكايات


كوني بكل الخير ايتها الرائعة

[SaMa.]

طبعا اى صدمة ف الحب وراها فترة عدم ثقه
لو مالقاش حد يساعدو يخرج منها بتقلب لعقدة زى م قولتى
بس الغالبية بيقولوا اعمل حاجز وبلاش تجرب تانى
موضوع حلو ثانكس

[شاعر واسير الحب]

طرح رائع
عقدة الرجل بتنحل مع المشاكل وعقدة المراة ليس لها إلا مع من تحب وحبها الاول
المراة لاتنسي حبها الاول وتظل في حاله عقده من نفسها اذا لم تحصل علي حبيبها الاول
يع ــطيك الع ــآفية
ولآ ع ــد منآ تميز انآملك الذهبية
دمت ودآم بح ــر عطآئك بمآيطرح متميزآ
بانتظآر القآدم الجميل منك
فلآ تح ــرمينآ من جديد تميزك
لروح ــك بآقآت من الجوري

[توحد ارواح]

فعلا رد الفعل من تجربه قاسيه
تختلف عموما من شخص لاخر
ولكن فعلا هناك بعض الشباب عندما ينجرح
يكون رد فعله عنيف
واول حاجه يفكر فيها
الانتقام من كل البنات
تسلمى ع الطرح الراقى ايمى
تحيتى

[™Amiliya]

اقتباس المشاركة الأصلية كتبت بواسطة الآمير العآشق تحليلك كتير حلوو ايميليا بس بشوف هووناك جمله ضد تعريفك ف البدايه لمعني العقده عن المراه انتي قلتي / بس ميزة المراة اننها لما بتحب بجد بتنسى كل الي فات ووتبدا من جديد ودا بيتعارض ف تعريفك ف البدايه عن عقده المراه وانتي صووح حددتي انهم بيتساوي عندهم التجربه التانيه بس موش بتفق معك انها بتكون انتقام بالاشكال والوصف الي انتي طرحتيه دي ممكن تكون حالات قليله / يحني حالات شاذه تختلف عن القاعده الاساسيه ف ان الولد او البنت بعد فشل اول تجربه حب / بيكون متلهف انو يعيش تجربه حب اخري تنسيه فشل اول تجربه وبالعكس انا بشوف انو سواء ولد او بنت بيكون مثل الهش اي كلمه حلووه هتاثر فيه لانو بيكون منتظر يسمعها منتظر يسمع كلمه من اي واحد ينسيه عذاب فشل اول تجربه طرح راقي وجميل ايميليا دمتي متالقهـ

هو طبيعة الانسان لما بيلاقي الشيء والتصرف صادق بيتجه ليه تلقائيا
سواء كان رجل او امراة
وردك عجبني امير

تحياتي لوجودك الراقي