الفروق الاجتماعيه والتعليميه هل تكون عائق للارتباط .. مسابقة الاقلام المميزه

[احساسى صحيح]

اقتباس المشاركة الأصلية كتبت بواسطة اطياف الماضي شوف يا ياسر حالياً الوضع أختلف كتير ولغة المال هي اللي بتتكلم مش هروح بعيد صديقتي تزوجت من ابن خالتها رغم أنه دبلوم صناعي وهي خريجة كلية الآداب بس حبته مش مشكلة معاهم العذر في واحد تاني معرفة تزوج من دكتورة وهو خريج جامعة عمالية ورغم أن مكنش في حب وافقت لأنها وجدت الشقة المناسبة والشبكة الكبيرة اوي عشان كده بقولك لغة المال لغة مفهومة جداً الآن ولا تهتم بالتعليم والمؤهلات الدراسية العلم في الراس يا ياسر مش في الكراس ورغم كده ده مش يمنع أن في زيجات ناجحة جداً أهم شيء التفاهم والتحضر والتدين وأنه يراعي ربنا فيها مثال أخير صاحبتي الأنتيم أحبت أبن الجيران ورغم أنه كان معهد متوسط تقريباً وهي بكالوريوس تربية حاربت أهلها من أجل أن تتزوجه وكان زواج ناحج بكل المقاييس هو كمل تعليمه جامعة مفتوحه وترك العمل بالتدريس وفتح مكتب توريدات وتطور الأمر معه وأصبحت شركة مقاولات والآن مرشح لمجلس الشعب وهي سعيدة معه جداً وأثبتت الأيام أن اختيارها كان صائب شكراً للطرح ياسر

هو فى بعض الاحيان بتنجح
لما يكون الحب بينهم وارتباطهم ببعض كبير
ده بيقدر يذيب اى فوارق
بس الخوف فى المستقبل
ان يحصل اى خلاف يقوم يتطور معاهم الموقف
وتصل الى حد تجريح الزوج او اهانته وتذكيره بالفارق بينهم
وده شىء غير مستبعد فى المستقبل

اشكرك رونى استفدت جدا
بردك اللى حوى تجارب من الواقع
دمتى بخير

[احساسى صحيح]

اقتباس المشاركة الأصلية كتبت بواسطة توحد ارواح بالفعل فى حاجات كتيره اتغيرت ومقاييس اختلفت ولكن بالنسبه للجزئيه اللى ف الموضوع انا رأيى فيها ثابت وواضح مش ينفع ان البنت ترتبط بشاب اقل منها من الناحيه التعليميه اوالماديه الى حد ما لان من اهم شروط الزواج الناجح ف رأيى هو المستوى التعليمى زى بعض او قريب وبرده النواحى الماديه تبقى قريبه من بعضها شويه وف المقابل لو البنت اقل من الشاب عادى ولو انى افضل برده انها مش تبقى اقل منه تجنبا لاى مشاكل مستقبليه شكرا ع الطرح المميز تحيتى

والله يا ندى انا بشوف بنات خريجى جامعه كتير
تفكيرهم سطحى لدرجه كبيره
ولو مش تعرفى مؤهلهم
من الممكن تعتقدى انهم لم يحصلوا على الابتدائيه
فالتقارب النفسى والعاطفى الافضل يكون اقوى
إلا إذا كان زى ما ذكرتى هناك فارق فكرى
يستحيل معاه التعايش بينهم
اشكر ردك الكريم
دمتى بخير ,,

[احساسى صحيح]

اقتباس المشاركة الأصلية كتبت بواسطة محمود أبوزيد اخي الغالي راقني طرحك الراقي كثيرا ولكني قد اتمشي مع جزء منه وقد لا اتمشي مع الجزء الاخر بديهي الامر اري ان الفروق الاجتماعية لم تعد كما كانت كاولي العهود ولكن بالنسبة لمستوي التعليم فمن رائي الشخصي ان يكون متقارب ... تحياتي

هو المفضل فعلا يكون متقارب
ولكن هناك بعض الشباب بيقدروا يذيبوا تلك الفوارق بعقليتهم
وتفكيرهم وتحملهم للمسؤليه
والثقافه لا تحتاج لتعليم عالى
تحتاج للذكاء والفكر فقط
اشكر مداخلتك استاذ محمود
تحياتى لك

[احساسى صحيح]

اقتباس المشاركة الأصلية كتبت بواسطة aya 7ekaya الفكرة او المشكله مش فى الطرفين يعنى الولد والبنت المشكله كلها بتكون من الاهل بغض النظر عن المشاعر اللى بين الولد والبنت بالنسبه لسؤالك انا لو شايفه الانسان ده كويس ومتدين وعلى خلق مش هبص للشهاده اكيد لكن اهلى موضوع الشهاده فارق معاهم جدا وماينفعش أخد حد أقل منى وجهه نظرهم ان ماينفعش تكون البنت اعلى من الراجل لانه احساسه بالنص ده ممكن يخلق مشاكل كتير بعد كده وانا عاصرت حكايه زى دى لخريجه صيدله اتجوزت مدرس وانتهى بالطلاق لانه ديما كان متضايق ان شهاداتها اعلى لكن لو الطرفين متفاهمين اكيد الموضوع ده مش هيفرق كتير

فعلا ايه
هى دايما المشكله بتكون فى الاهل ونظرتهم لمستقبل بنتهم
بتختلف نظرة الاهل عن البنت ومدى احتياجها او رؤيتها للعريس
مهما كان مدى تقبلها لرأى اسرتها
إلا إنها دائما لا بد ان ترضخ فى النهايه الى رغبتهم
حتى لو وصل اقتناعها به مدي كبير

اشكرك ايه لرايك
تحياتى

[احساسى صحيح]

اقتباس المشاركة الأصلية كتبت بواسطة ايميليا عارف ياسر زمن احمد ومنى وعلي وانجي تقريبا هيعيش معانا الى الابد لان سبحانك يارب الدماغ هي الدماغ الاهالي هما الاهالي مع شوية تطورات بسيطة بس التفكير هو هو مهما اتعلمو والتكنولوجيا اقتحمت حياتهم لا مجال لاختلاف وعن تجربة عينية حتى لو الشب متعلم ومثقف يبقى الفارق الاجتماعي عائق والمادي كمان مهم عندهم اوي وكانهم خرجو للدنيا من غير مراحل سبحانك يارب احيانا اقول مايمكن احنا كمان نطلع زيهم وولادنا من كتر غلاوتهم عندنا ممكن نتشرط ع الي هيدخل حياتهم مش عارفة

فعلا عندك حق ايميليا
دايما الاهل اعتقادهم فى سعادة بنتهم
فى الماده والمستوى الاجتماعى
ودون النظر للعاطفه
ودى بتيجى فى مراحل متأخره جدا بالنسبالهم
وبعد تحقيق مطالب يرون انها لا بد ان تكون اولويه
شكرا ايمى للمداخله الراقيه
دمتى بخير

[احساسى صحيح]

اقتباس المشاركة الأصلية كتبت بواسطة sama. الفرق الاجتماعى اهم واخطر الفلوس ممكن تيجى بالكفاح والشغل لكن الفرق ف التربيه والعادات بيكون صعب التاقلم معاه ثانكس ع الموضوع

احيانا بيخرج من من اسر متوسطة الحال
شباب ممتاز بيتمتع بالمرؤه والرجوله وتحمل المسؤليه
ودى حاجات للاسف الاهالى حاليا لا ينظرون لها
بل يضعونها فى نظرهم كنظره متدنيه
ولكن بالعموم من وجهة نظرى
الاهم الطبع والاخلاق وتحمل المسؤليه
هما القادرين على صناعة اسره سعيده
اشكرك سما لرايك
تحياتى لكى

[احساسى صحيح]

اقتباس المشاركة الأصلية كتبت بواسطة stop ana eltop حب مين والناس نايمين بقن اول حاجه مفيش حاجه اسمها حب قبل الجواز دا كله مجرد تسالى تانى حاجه المفروض كل واحد يحب على قده ( دا على اعتبار انه فيه حب اصلا يعنى ) المفروض العائق الوحيد قدام اى شاب فى الجواز هو الاخلاق يعنى البنت واهلها يختاروا الولد على اساس دينه وخلقه التعليم مبقاش له لزمه بس بالنسبالى بصراحه عاوزه واحد زى تعليميا او اعلى منى مش بقلل من الناس الى متعلموش بالعكس بس هو مجرد حاجه فى نفسى كدا يمكن عشان اولادى مستقبلا بس فى الاخير المفاهيم وقت النصيب بتتغير

ازاى بقا مفيش حب يا هبه
اومال اللى متزوجين عن حب كتير دول ايه
الحب مفيهوش الكلام ده
القلب وما يريد والعين وما تهوى
الاهم الشاب يكون رجل بتصرفاته
وقادر على تحمل المسؤليه
الماده لا تصنع زواج ناجح
بل الرجوله والشهامه والاخلاق
هى عنوان لبيت الناجح
وشكرا مس عبقرينو للمرور المميز
تحياتى لكى

[SaMa.]

اقتباس المشاركة الأصلية كتبت بواسطة احساسى صحيح احيانا بيخرج من من اسر متوسطة الحال شباب ممتاز بيتمتع بالمرؤه والرجوله وتحمل المسؤليه ودى حاجات للاسف الاهالى حاليا لا ينظرون لها بل يضعونها فى نظرهم كنظره متدنيه ولكن بالعموم من وجهة نظرى الاهم الطبع والاخلاق وتحمل المسؤليه هما القادرين على صناعة اسره سعيده اشكرك سما لرايك تحياتى لكى

انا ماقولتش اسرة متوسطة او اعلى
انت فهمت ردى غلط
انا اقصد التربيه واﻻخلاق وده مالوش علاقة بمستواهم
لان فين كتير اغنياوموش متربيين
التوافق الاجتماعى ف التربيه والاخلاق لو موش موجود
الجوازة هاتفشل اكيد

[حالمة باميرى]

هل مممكن فى العصر الحالى
توجد تلك الصوره التى تحدثت عنها ؟
ممكن يبقا فية بس مش كتير ولا زى زمان
سؤال للبنات
هل لو كنتِ جامعيه ممكن تناقشى الفكره من الاساس
انك تقبلى ترتبطى بشاب اقل منك فى التعليم ؟
على فكرة يا ياسر الحكاية مش صعبة اوى فى ناس بتقبل
وممكن ميكنش كمان متعلم خالص وانا اعرف ناس كدة
دة بيترتب الاول على الاهل مش البنت وبعدين الظروف

هل ممكن فى العصر الحالى اى بنت تتحدى اهلها
من اجل شاب احبته وامنت بقدراته وفضلته على الكثيرين
تجبر اهلها على الزواج به حتى لو كان اقل منها ماديا او تعليم ؟
اولا مفيش حاجة اسمها حب دلوقتى بقا فى فلوس هتقدر تعيشها وتصرف عليها فى الزمن دة التعليم بقا اخر حاجة المهم الماديا
دة راى تسلم ياسر

[حنان الجزائرية]

انا عن نفسي بحب انوا يكون شريك حياتي متعلم مش مهم اقل مني او اكثر
يلي يهمني لما اتناقش معاه يقدر يفهمني لانوا في كتير ناس لها مستوى دراسي عالي
بس مو مثقفين والعكس صحيح
بالنسبة لسؤالك الثاني مرعليا الموقف دى كان في شخص اقل مني في الامور المادية
ومستوى الدراسي حبيته وحبني بالرغم من انوا مافي علاقة كانت تربطنا يعني من بعيد بس
ولما تقدملي اهلي رفضوا بسبب مستواه الدراسي حاولت كتير اني اقنعهم بس فشلت
ووقتها ماقدرتش اعصي اهلي مشان هيك نسيته

طرح راقي ياسر

تحياتي