انا عيني فارغة " ضيفة شرف في الأقلام المميزة "

[Lamees]

حوار بين رجل وضميره تتحدث عن المشكلة المشهورة جداً انت في نعمة كبيرة نعم انا متزوج وعندي اولاد وزوجتك ؟ انسانة بمعنى الكلمة اذاً لماذ اتتحدث الى البنات وتتعدد علاقاتك معهم رغم هذة النعم أنا كده تركيبتي كده مش بقدر اكتفي بست واحدة بحب يكون حوليا كتير طيب زوجتك مقصرة معاك في شيء لالا أطلاقاً فهي أنسانة بمعنى الكلمة أذاً لماذا هذة العلاقات أنا راجل بحب الجمال وأحب اتعرف الى الجميلات وهل زوجتك مش جميلة لا يوجد أجمل من زوجتي ولا اذكى منها ولا أهذب منها ولا سيدة بيت اشطر منها ولماذا أذاً يا عم بقولك انا كده تركيبتي كده بحب البنات يعني ايه المانع لما اكلم سكرتيرتي في الشغل أخرجها شوية أغديها في مطعم ونتكلم على المسنجر وتدلعني شوية وانا كمان أدلعها طيب وانت ناقص دلع دا حتى مراتك هتدلعك مش بس بالكلام عارف عارف بس دم ميمنعش اني بحب ادلع من واحدة تانية خلي بالك انت تقدر تتجوز تاني ورابع عارف بس انا مش عايز اتجوز تاني انا مرتاح اساساً مع مراتي ومش هلاقي احسن منها طيب ايه بقى بتحب البنات دي ولا تسلية وبس طبعاً تسلية وبس لأن تروح سكرتيرة تيجي غيرها طيب لو مراتك عرفت هتعمل ايه وايه بس يا عم اللي هيعرفها ده الشات على الأميل وأنا براعي ده عموماً اللي يريحك بس عايز اقولك كلمة اخيرة انت عندك بنوتة وكما تدين تدان "المشكلة واقعية بالفعل ووقع بشر أعماله ترك اميلة من يومين مفتوح وزوجته اتصفحت من غير قصد كل المحادثات ورأت العجب الله يكون بعونها " هذة الشخصية ما الداعي لهذة التصرفات الصبيانية رغم استقراره وجوازه ؟؟ هذة النوعيات من الشباب أهلهم بيستعجلوا في زواجهم عشان ربنا يهديهم ويستقروا ويلتزموا لماذا الزواج لا يؤثر عليهم ولا يجعلهم يلتزمون أكثر ؟ لماذا هذة الشخصيات تستسلم لنزواتها رغم انهم لا ينقصهم شيء لذلك ؟؟

[۩۩ elMagic ۩۩]

انتي قولتيها عين فارغه
بس خلينا واقعيين اكتر
إستحاله الزوجه تكون بالكمال دا لازم فيه نقص
والرجل لما بيدور بيدور ع الجزء المفقود دا
اما لو كان الجزء المفقود تحت ايديه وهو بيطمع فيه من شخص اخر
يبقى دا لا يصلح رب أسرة ويتحمل مسؤلية زوجة وبيت واولاد

[جبل عالي]

بصي ... اي راجل هيرد هيوافقك الاول

وبعدين يرجع يجيب الحق على الست او البنت عموما



دي طبيعة وغريزة بالرجال عموما

وهم ملهمش يد فيها من البداية ودي حقيقة لازم نعترف بيها



ده بالمقام الاول .... عشان نبقى مجهزين نفسيا لكلامهم بس




اما الاسباب ليه ؟؟ ولا عشان ايه ؟؟



فده اسمه استسهال للغلط

ومعروف ان الممنوع مرغوب وانهم ليهم حجة

انهم لهم لغاية 4 زوجات


فبالرغم ان ربنا سبحانه وتعالى وضع علاج لحالتهم

الا ان في منهم بيلجأ للي بتحكي عنه ده

الانسان عموما بطبعه كفور بنعمه ربه




وخلوا بالكم اني قلت بالبداية دي غريزة

وتقويم الغريزة دي بيتطلب مجهود لمغالبة النفس

الامارة بالسوء الى جانب ذكاء من الزوجة للاستحواذ

على قلب وتفكير زوجها

[العاشق الذى لم يتب]

وكماقالت ام عبدالله
هى تجديها لدى قطاع كبيرمن الرجال
ربمالضعف النفوس
او ربمايتصوروا انهم بهذا هم رجال
وكذلك هى دنائة نفس وقلة دين
وتحتاج من الزوجة مضاعفة الجهد
حتى تجعله فى غنى عن ذلك
شكرا لك
رونى
وعظيم طرح
تحياتى وودى

[احساسى صحيح]

اتفق مع كلام ام عبدالله
ان الانسان غريزيا كده
وتقريبا مهما كان سعيد سيبحث عن مبرر
لاى فعل يريد ان يفعله
ربنا يهدى الجميع
موضوع راقى رونى تسلمى

[همس الحنين]

مش فراغة عين

بس الرجل بطبيعته بميل للتغير والتجديد بس بينسى ان الوجه ايضا تحب التغير والتجديد

واقصد فى الحياه الزوجيه

ما يجعل الرجل ينظر لغير زوجته الروتين والملل

وده عيب البيوت المصريه

الزوج يتزوج والزوجه تتزوج والحياه تتوقف الى هنا وكفى

يعنى سلوك خاطئ

الف شكر حبيبتى

[Aya 7ekaya]

مشكله فئه كبيرة من الرجال الا من رحم الله
المشكله انه بيتيح لنفسه الخيانه دى ف الوقت اللى مش بيحترم عفه زوجته وحرصها على الحفاظ على بيتها وكرامته فى غيابه
احنا ف مجتمع شرقى بيتيح للرجل كل حاجة لكن هو لو حاول يفكر ان سلوكه ده ممكن يكون كمان سلوك زوجته هتقوم الدنيا ومش هتقعد
رغم ان مفيش اى فروق الغلط واحد وحساب ربنا واحد
هى عقليات
~

[Stop Ana Eltop]

هو جوابك يا رونى
تركيبته كداا
فعلا بيبقى دا فى تركيبة الشخص دا واصله
مابيقدرش يتغير رغم انه بيبقى معاه واحده كويسه جداا

بس دا بيبقى فراغة عين بقى
تسلمى رونى لمجهودك
بالتوفييق

[محمود أبوزيد]

اختي الغالية
"محدش بيحس بقيمة حاجه غير لما تروح منه"
وبجد الي ربنا يرزقه بده ويطمع ده مش انسان
دا حيوان هدفه تحقيق مطامعه فقط عذرا في اللفظ
تقبلي مروري

[Lamees]

اقتباس المشاركة الأصلية كتبت بواسطة ۩۩ elmagic ۩۩ انتي قولتيها عين فارغه بس خلينا واقعيين اكتر إستحاله الزوجه تكون بالكمال دا لازم فيه نقص والرجل لما بيدور بيدور ع الجزء المفقود دا اما لو كان الجزء المفقود تحت ايديه وهو بيطمع فيه من شخص اخر يبقى دا لا يصلح رب أسرة ويتحمل مسؤلية زوجة وبيت واولاد

واستحالة ليه يا ماجيك وربي انا اعرفها شخصياً
واعرف كل تفاصيل حياتها وشايفة انها زوجة مثالية
وربي عالم كمان اللي متعرفهوش انها متدينة
وعشان هي متدينة قالتله كتير يتزوج وهي معندهاش مانع
بجد هتجيبلي انا شلل رباعي
لأن مفيش كده
هو اللي مش وش نعمة

تسلم للمرور