رباعيه كاريكاتوريه (مسابقة العامية)

[همس الحنين]

بصراحه كده اول مره بكتب بالطريقه دى يعنى عل قد ما عرفت او فهمت الصور يالهوى يا نيبتى يا حوستى مسكت البيه عاملى رومانسى شوف مين هيحوشك من يدى صحصح وفوق وخد بالك منى بعد العشره وهم السنين بخدمك بحبى وبنور العين تقس عليا وعلى ولادنا وتكون ويا غيرى خاضع امين أم العيال شغاله ولا بتكل بتلف طول اليوم ولا بتمل طبخ وكنس ومسح والحيل اتهد ولا عمرها من عيالها تمل شوفتها غزال شارد خطف قلبى قولت هى دى أملى وحلمى ليه بعد الجواز الحال اتبدل وبقيتى كابوس كاتم على نفسى وكشفت المستور عنك ما انا واخده بالى منك مستخبى ولسه كتكوت شوفت النت هياخد عقلك ******************* اتمنى تعجبكم تجربت الاولى

[جبل عالي]

وبصراحة برااااافو عليكي همسات


بكل التوفيق يااااارب حبيبة قلبي

[العاشق الذى لم يتب]

وزى ماقالت جبل
بصراحة برافوعليك همسات
بس كده حاجة مااطمنش
كل واحدجبلف تقوله
برافو عليك
إلا أناماقالتش عندى كده
وده معناه أنا واخد زمبة
عليه العوض ومنه العوض
جميلة كلمات وتعليقاتك الظريفة على الكاركاتير
بالتوفيق فى المسابقة وأنالأ
مع تحياتى وودى

[بحر النسيان]

بصراحه ابداع وتالق

بجد احسنتى الاختيار

ومتخفشى يارفعت

اكيد انت الى عاجب جبل بس هى مش راضيه تقول

عشان تعمل ليك مفاجئة


ابدااااااااااع وتالق استمرى

[صمتى كلام]

همسات فوق القمر
...
بغض النظر عن الكلام الجميل
...
انا بحيكى على التزامك بالرباعيه
اكتر الناس المشتركه فى المسابقه للاسف مش فاهمه يعنى ايه رباعيه
...
مع انها اسم على مسمى اربع ابيات
البيت الاول والتانى بنفس القافيه
والبيت الثالث لو تغيرت القافيه مش مشكله
ثم البيت الرابع والاخير يعود بنفس القافيه
...
تلك هى الرباعيه .. وليس جمال فى الكلمات بل فى القواعد
حتى تكون صحيحه
تسلم ايدك

[احساسى صحيح]

هههههههههه
رباعيات ولا اروع بسنت
جميل جدا تعليقك على الصور
موفقه ان شاء الله

[شاعر الحب الحزين]

لا بجد جميل تعبيرك عن الصور

يا همسات ورباعيات جميلة جدا

بالتوفيق ان شاء الله

احترامي وتقديري

[الشـــاطىء]

حلوة الرباعيات واللون ده من قلمك
مع الاعتراف ان مساحة قلمك تقدر تعبر اكتر بغير العاميه
تقبلي تقديري
وان شاء الله موفقه
سلامي

[السفيره عزيزه]

أيوه صح كده هى دى الرباعيه
أربعه ابيات .بتوضح فعلا الفكره
بالتوفيق حبيبتى يارب
والاروع انها اول تجربه مثلي
ولكن والله بجد روعه

دمت بخير
السفيره

[همس الحنين]

اقتباس المشاركة الأصلية كتبت بواسطة جبل عالي وبصراحة برااااافو عليكي همسات بكل التوفيق يااااارب حبيبة قلبي

حبيبتى

ايوه شجعينى خلينى اخرج من قوقعة اليأس شويه

لا بجد حبيبتى ربنا يخليكى